UtshovSarga 7
7.1
इति उक्ता राक्षस इन्द्रेण राक्षसास्ते महाबलाः ।
ऊचुः प्रान्जलयः सर्वे रावणम् राक्षस ईश्वरम् ॥६-७-१॥
Iti ukta rakshasa indrena rakshasaste mahabalah
Uchuh pranjalayah sarve ravanam rakshasa ishvaram
7.2
द्विष्त्पक्ष्ह्मविज्ञाय नीतिबाह्यास्त्वबुद्धयः ।
राजन् परिघ शक्ति ऋष्टि शूल पट्टस सम्कुलम् ॥६-७-२॥
Dvishtpakshhmavigyaya nitibahyastvabuddhayah
Rajan parigha shakti rishti shula pattasa samkulam
7.3
सुमहन् नो बलम् कस्माद् विषादम् भजते भवान् ।
त्वया भोगवतीम् गत्वा निर्जताः पन्नगा युधि ॥६-७-३॥
Sumahan no balam kasmad vishadam bhajate bhavan
Tvaya bhogavatim gatva nirjatah pannaga yudhi
7.4
कैलास शिखर आवासी यक्षैर् बहुभिर् आवृतः ।
सुमहत् कदनम् कृत्वा वश्यस् ते धनदः कृतः ॥६-७-४॥
Kailasa shikhara avasi yakshair bahubhir avritah
Sumahat kadanam kritva vashyas te dhanadah kritah
7.5
स महाईश्वर सख्येन श्लाघमानस् त्वया विभो ।
निर्जितः समरे रोषाल् लोक पालो महाबलः ॥६-७-५॥
Sa mahaishvara sakhyena shlaghamanas tvaya vibho
Nirjitah samare roshal loka palo mahabalah
7.6
विनिहत्य च यक्षौघान् विक्षोभ्य च विगृह्य च ।
त्वया कैलास शिखराद् विमानम् इदम् आहृतम् ॥६-७-६॥
Vinihatya cha yakshaughan vikshobhya cha vigrihya cha
Tvaya kailasa shikharad vimanam idam ahritam
7.7
मयेन दानव इन्द्रेण त्वद् भयात् सख्यम् इच्चता ।
दुहिता तव भार्या अर्थे दत्ता राक्षस पुम्गव ॥६-७-७॥
Mayena danava indrena tvad bhayat sakhyam ichchata
Duhita tava bharya arthe datta rakshasa pumgava
7.8
दानव इन्द्रो मधुर् नाम वीर्य उत्सिक्तो दुरासदः ।
विगृह्य वशम् आनीतः कुम्भीनस्याः सुख आवहः ॥६-७-८॥
Danava indro madhur nama virya utsikto durasadah
Vigrihya vasham anitah kumbhinasyah sukha avahah
7.9
निर्जितास् ते महाबाहो नागा गत्वा रसा तलम् ।
वासुकिस् तक्षकः शन्खो जटी च वशम् आहृताः ॥६-७-९॥
Nirjitas te mahabaho naga gatva rasa talam
Vasukis takshakah shankho jati cha vasham ahritah
7.10
अक्षया बलवन्तः च शूरा लब्ध वराः पुनः ।
त्वया सम्वत्सरम् युद्ध्वा समरे दानवा विभो ॥६-७-१०॥
Akshaya balavantah cha shura labdha varah punah
Tvaya samvatsaram yuddhva samare danava vibho
7.11
स्व बलम् समुपाश्रित्य नीता वशम् अरिम् दम ।
मायाः च अधिगतास् तत्र बहवो राक्षस अधिप ॥६-७-११॥
Sva balam samupashritya nita vasham arim dama
Mayah cha adhigatas tatra bahavo rakshasa adhipa
7.12
शूराः च बलवन्तः च वरुणस्य सुता रणे ।
निर्जितास् ते महाबाग चतुर् विध बल अनुगाः ॥६-७-१२॥
Shurah cha balavantah cha varunasya suta rane
Nirjitas te mahabaga chatur vidha bala anugah
7.13
मृत्यु दण्ड महाग्राहम् शाल्मलि द्वीप मण्डितम् ।
कालपाशमहाईचिम् यमकिम्करपन्नगम् ॥६-७-१३॥
Mrityu danda mahagraham shalmali dvipa manditam
Kalapashamahaichim yamakimkarapannagam
7.14
महाज्वरेण दुर्धर्षम् यमलोकमहार्णवम् ।
अवगाह्य त्वया राजन् यमस्य बल सागरम् ॥६-७-१४॥
Mahajvarena durdharsham yamalokamaharnavam
Avagahya tvaya rajan yamasya bala sagaram
7.15
जयः च विप्लुलः प्राप्तो मृत्युः च प्रतिषेधितः ।
सुयुद्धेन च ते सर्वे लोकास् तत्र सुतोषिताः ॥६-७-१५॥
Jayah cha viplulah prapto mrityuh cha pratishedhitah
Suyuddhena cha te sarve lokas tatra sutoshitah
7.16
क्षत्रियैर् बहुभिर् वीरैः शक्र तुल्य पराक्रमैः ।
आसीद् वसुमती पूर्णा महद्भिर् इव पादपैः ॥६-७-१६॥
Kshatriyair bahubhir viraih shakra tulya parakramaih
Asid vasumati purna mahadbhir iva padapaih
7.17
तेषाम् वीर्य गुण उत्साहैर् न समो राघवो रणे ।
प्रसह्य ते त्वया राजन् हताः परम दुर्जयाः ॥६-७-१७॥
Tesham virya guna utsahair na samo raghavo rane
Prasahya te tvaya rajan hatah parama durjayah
7.18
तिष्ठ वा किम् महाराज श्रमेण तव वानरान् ।
अयमेको महारज इन्द्रजित् क्षपयिष्यति ॥६-७-१८॥
Tishtha va kim maharaja shramena tava vanaran
Ayameko maharaja indrajit kshapayishyati
7.19
अनेन हि महाराज महेश्वरमनुत्तमम् ।
इष्ट्वा यज्ञम् वरो लब्धो लोके परमदुर्लभः ॥६-७-१९॥
Anena hi maharaja maheshvaramanuttamam
Ishtva yagyam varo labdho loke paramadurlabhah
7.20
शक्तितोमरमीनम् च विनिकीर्णान्त्रशैवलम् ।
गजकच्चपसम्बाधम्श्वमण्डूकसम्कुलम् ॥६-७-२०॥
Shaktitomaraminam cha vinikirnantrashaivalam
Gajakachchapasambadhamshvamandukasamkulam
7.21
रुद्रादित्यमहाग्राहम् मरुद्वसुमहोरगम् ।
रथश्वगजतोयौघम् पदातिपुलिनम् महत् ॥६-७-२१॥
Rudradityamahagraham marudvasumahoragam
Rathashvagajatoyaugham padatipulinam mahat
7.22
अनेन हि समासाद्य देवानाम् बलसागम् ।
गृहीतो दैवतपतिर्लङ्काम् चापि प्रवेशितः ॥६-७-२२॥
Anena hi samasadya devanam balasagam
Grihito daivatapatirlankam chapi praveshitah
7.23
पीतामहनियोगाच्च मुक्तः शम्बरवृत्रहा ।
गतस्त्रिविष्टपम् राजन् सर्वदेवनमस्कृतः ॥६-७-२३॥
Pitamahaniyogachcha muktah shambaravritraha
Gatastrivishtapam rajan sarvadevanamaskritah
7.24
तमेव त्वम् महाराज विसृजेन्द्रजितम् सुतम् ।
यावद्वानरसेनाम् ताम् परामाम् नयति क्ष्हयम् ॥६-७-२४॥
Tameva tvam maharaja visrijendrajitam sutam
Yavadvanarasenam tam paramam nayati kshhayam
7.25
राजन् न आपद् अयुक्ता इयम् आगता प्राकृताज् जनात् ।
हृदि न एव त्वया कार्या त्वम् वधिष्यसि राघवम् ॥६-७-२५॥
Rajan na apad ayukta iyam agata prakritaj janat
Hridi na eva tvaya karya tvam vadhishyasi raghavam