UtshovSarga 9
9.1
ततो निकुम्भो रभसः सूर्य शत्रुर् महाबलः ।
सुप्तघ्नो यज्ञ कोपः च महापार्श्वो महाउअरः ॥६-९-१॥
Tato nikumbho rabhasah surya shatrur mahabalah
Suptaghno yagya kopah cha mahaparshvo mahauarah
9.2
अग्नि केतुः च दुर्धर्षो रश्मि केतुः च राक्षसः ।
इन्द्रजिच् च महातेजा बलवान् रावण आत्मजः ॥६-९-२॥
Agni ketuh cha durdharsho rashmi ketuh cha rakshasah
Indrajich cha mahateja balavan ravana atmajah
9.3
प्रहस्तो अथ विरूप अक्षो वज्र दम्ष्ट्रो महाबलः ।
धूम्र अक्षः च अतिकायः च दुर्मुखः चैव राक्षसः ॥६-९-३॥
Prahasto atha virupa aksho vajra damshtro mahabalah
Dhumra akshah cha atikayah cha durmukhah chaiva rakshasah
9.4
परिघान् पट्टसान् प्रासान् शक्ति शूल परश्वधान् ।
चापानि च सबाणानि खड्गामः च विपुलान् शितान् ॥६-९-४॥
Parighan pattasan prasan shakti shula parashvadhan
Chapani cha sabanani khadgamah cha vipulan shitan
9.5
प्रगृह्य परम क्रुद्धाः समुत्पत्य च राक्षसाः ।
अब्रुवन् रावणम् सर्वे प्रदीप्ता इव तेजसा ॥६-९-५॥
Pragrihya parama kruddhah samutpatya cha rakshasah
Abruvan ravanam sarve pradipta iva tejasa
9.6
अद्य रामम् वधिष्यामः सुग्रीवम् च सलक्ष्मणम् ।
कृपणम् च हनूमन्तम् लंका येन प्रधर्षिता ॥६-९-६॥
Adya ramam vadhishyamah sugrivam cha salakshmanam
Kripanam cha hanumantam lanka yena pradharshita
9.7
तान् गृहीत आयुधान् सर्वान् वारयित्वा विभीषणः ।
अब्रवीत् प्रान्जलिर् वाक्यम् पुनः प्रत्युपवेश्य तान् ॥६-९-७॥
Tan grihita ayudhan sarvan varayitva vibhishanah
Abravit pranjalir vakyam punah pratyupaveshya tan
9.8
अपि उपायैस् त्रिभिस् तात यो अर्थः प्राप्तुम् न शक्यते ।
तस्य विक्रम कालाम्स् तान् युक्तान् आहुर् मनीषिणः ॥६-९-८॥
Api upayais tribhis tata yo arthah praptum na shakyate
Tasya vikrama kalams tan yuktan ahur manishinah
9.9
प्रमत्तेष्व् अभियुक्तेषु दैवेन प्रहतेषु च ।
विक्रमास् तात सिध्यन्ति परीक्ष्य विधिना कृताः ॥६-९-९॥
Pramatteshv abhiyukteshu daivena prahateshu cha
Vikramas tata sidhyanti parikshya vidhina kritah
9.10
अप्रमत्तम् कथम् तम् तु विजिगीषुम् बले स्थितम् ।
जित रोषम् दुराधर्षम् प्रधर्षयितुम् इच्चथ ॥६-९-१०॥
Apramattam katham tam tu vijigishum bale sthitam
Jita rosham duradharsham pradharshayitum ichchatha
9.11
समुद्रम् लन्घयित्वा तु घोरम् नद नदी पतिम् ।
कृतम् हनुमता कर्म दुष्करम् तर्कयेत कः ॥६-९-११॥
Samudram langhayitva tu ghoram nada nadi patim
Kritam hanumata karma dushkaram tarkayeta kah
9.12
बलानि अपरिमेयानि वीर्याणि च निशा चराः ।
परेषाम् सहसा अवज्ञा न कर्तव्या कथम्चन ॥६-९-१२॥
Balani aparimeyani viryani cha nisha charah
Paresham sahasa avagya na kartavya kathamchana
9.13
किम् च राक्षस राजस्य रामेण अपकृतम् पुरा ।
आजहार जन स्थानाद् यस्य भार्याम् यशस्विनः ॥६-९-१३॥
Kim cha rakshasa rajasya ramena apakritam pura
Ajahara jana sthanad yasya bharyam yashasvinah
9.14
खरो यदि अतिवृत्तस् तु रामेण निहतो रणे ।
अवश्यम् प्राणिनाम् प्राणा रक्षितव्या यथा बलम् ॥६-९-१४॥
Kharo yadi ativrittas tu ramena nihato rane
Avashyam praninam prana rakshitavya yatha balam
9.15
एतन् निमित्तम् वैदेही भयम् नः सुमहद् भवेत् ।
आहृता सा परित्याज्या कलह अर्थे क्Rते न किम् ॥६-९-१५॥
Etan nimittam vaidehi bhayam nah sumahad bhavet
Ahrita sa parityajya kalaha arthe kRte na kim
9.16
न नः क्षमम् वीर्यवता तेन धर्म अनुवर्तिना ।
वैरम् निरर्थकम् कर्तुम् दीयताम् अस्य मैथिली ॥६-९-१६॥
Na nah kshamam viryavata tena dharma anuvartina
Vairam nirarthakam kartum diyatam asya maithili
9.17
यावन् सगजाम् साश्वाम् बहु रत्न समाकुलाम् ।
पुरीम् दारयते बाणैर् दीयताम् अस्य मैथिली ॥६-९-१७॥
Yavan sagajam sashvam bahu ratna samakulam
Purim darayate banair diyatam asya maithili
9.18
यावत् सुघोरा महती दुर्धर्षा हरि वाहिनी ।
न अवस्कन्दति नो लंकाम् तावत् सीता प्रदीयताम् ॥६-९-१८॥
Yavat sughora mahati durdharsha hari vahini
Na avaskandati no lankam tavat sita pradiyatam
9.19
विनश्येद्द् हि पुरी लंका शूराः सर्वे च आक्षसाः ।
रामस्य दयिता पत्नी न स्वयम् यदि दीयते ॥६-९-१९॥
Vinashyedd hi puri lanka shurah sarve cha akshasah
Ramasya dayita patni na svayam yadi diyate
9.20
प्रसादये त्वाम् बन्धुत्वात् कुरुष्व वचनम् मम ।
हितम् पथ्यम् त्व् अहम् ब्रूमि दीयताम् अस्य मैथिली ॥६-९-२०॥
Prasadaye tvam bandhutvat kurushva vachanam mama
Hitam pathyam tv aham brumi diyatam asya maithili
9.21
पुरा शरत् सूर्य मरीच्चि सम्निभान् ।
नव अग्र पुन्खान् सुदृढान् नृप आत्मजः ।।।
Pura sharat surya marichchi samnibhan
Nava agra punkhan sudridhan nripa atmajah
9.22
सृजति अमोघान् विशिखान् वधाय ते ।
प्रदीयताम् दाशरथाय मैथिली ॥६-९-२१॥
Srijati amoghan vishikhan vadhaya te
Pradiyatam dasharathaya maithili
9.23
त्यजस्व कोपम् सुख धर्म नाशनम् ।
भजस्व धर्मम् रति कीर्ति वर्धनम् ।।।
Tyajasva kopam sukha dharma nashanam
Bhajasva dharmam rati kirti vardhanam
9.24
प्रसीद जीवेम सपुत्र बान्धवाः ।
प्रदीयताम् दाशरथाय मैथिली ॥६-९-२२॥
Prasida jivema saputra bandhavah
Pradiyatam dasharathaya maithili
9.25
विभीषणवचः श्रुत्वा रावणो राक्षसेश्वरः ।
विसर्जयित्वा तान् सर्वान् प्रैवेश स्वकम् गृहम् ॥६-९-२३॥
Vibhishanavachah shrutva ravano rakshaseshvarah
Visarjayitva tan sarvan praivesha svakam griham