UtshovSarga 13
13.1
रावणम् क्रुद्धमाज्ञाय महापार्श्वो महाबलः ।
मुहूर्त मनुसम्चिन्त्य प्राञ्जलिर्वाक्य मब्रवीत् ॥६-१३-१॥
Ravanam kruddhamagyaya mahaparshvo mahabalah
Muhurta manusamchintya pranjalirvakya mabravit
13.2
यः खल्वपि वनम् प्राप्य मृगव्यालनिषेवितम् ।
न पिबेन्मधु सम्प्राप्य स नरो बालिशो ध्रुवम् ॥६-१३-२॥
Yah khalvapi vanam prapya mrigavyalanishevitam
Na pibenmadhu samprapya sa naro balisho dhruvam
13.3
ईश्वरस्येश्वरः कोऽस्ति तव शत्रुनिबर्हण ।
रमस्व सह वैदेह्या शत्रूनाक्रम्य मूर्धसु ॥६-१३-३॥
Ishvarasyeshvarah kosti tava shatrunibarhana
Ramasva saha vaidehya shatrunakramya murdhasu
13.4
बलात्कुक्कुटवृत्तेन प्रवर्तस्व महाबल ।
अक्रम्याक्रम्य सीताम् वै ताम् भुङिक्स्व च रमस्व च ॥६-१३-४॥
Balatkukkutavrittena pravartasva mahabala
Akramyakramya sitam vai tam bhungiksva cha ramasva cha
13.5
लब्धकामस्य ते पश्चादागमिष्यति किम् भयम् ।
प्राप्तमप्राप्तकालम् वा सर्वम् प्रतिविधास्यते ॥६-१३-५॥
Labdhakamasya te pashchadagamishyati kim bhayam
Praptamapraptakalam va sarvam pratividhasyate
13.6
कुम्भकर्णः सहास्माभिरिन्द्रजिच्च महाबलः ।
प्रतिषेधयितुम् शक्तौ सवज्रमपि वज्रिणम् ॥६-१३-६॥
Kumbhakarnah sahasmabhirindrajichcha mahabalah
Pratishedhayitum shaktau savajramapi vajrinam
13.7
उपप्रदानम् सान्त्वम् वा भेदम् वा कुशलैः कृतम् ।
समतिक्रम्य दण्डेन सिद्धिमर्थेषु रोचये ॥६-१३-७॥
Upapradanam santvam va bhedam va kushalaih kritam
Samatikramya dandena siddhimartheshu rochaye
13.8
इह प्राप्तान्वयम् सर्वान् शत्रूम्स्तव महाबल ।
वशे शस्त्रप्रतापेन करिष्यामो न सम्शयः ॥६-१३-८॥
Iha praptanvayam sarvan shatrumstava mahabala
Vashe shastrapratapena karishyamo na samshayah
13.9
एवमुक्तस्तदा राजा महापार्श्वएन रावणः ।
तस्य सम्पूजयन्वाक्यमिदम् वचनमब्रवीत् ॥६-१३-९॥
Evamuktastada raja mahaparshvaena ravanah
Tasya sampujayanvakyamidam vachanamabravit
13.10
महापार्श्व निबोध त्वम् रहस्यम् किम्चिदात्मनः ।
चिरवृत्तम् तदाख्यास्ये यदवाप्तम् पुरा मया ॥६-१३-१०॥
Mahaparshva nibodha tvam rahasyam kimchidatmanah
Chiravrittam tadakhyasye yadavaptam pura maya
13.11
पितामहस्य भवनम् गच्चन्तीम् पुञ्जिकस्थलाम् ।
चञ्चूर्यमाणामद्राक्षमाकाशेऽग्निशिखामिव ॥६-१३-११॥
Pitamahasya bhavanam gachchantim punjikasthalam
Chanchuryamanamadrakshamakashegnishikhamiva
13.12
सा प्रसह्य मया भुक्ता कृता विवसना ततः ।
स्वयम्भूभवनम् प्राप्ता लोलिता नलिनी यथा ॥६-१३-१२॥
Sa prasahya maya bhukta krita vivasana tatah
Svayambhubhavanam prapta lolita nalini yatha
13.13
तच्च तस्य तदा मन्ये ज्ञातमासीन्महात्मनः ।
अथ सम्कुपितो वेधा मामिदम् वाक्यमब्रवी ॥६-१३-१३॥
Tachcha tasya tada manye gyatamasinmahatmanah
Atha samkupito vedha mamidam vakyamabravi
13.14
अद्यप्रभृति यामन्याम् बलान्नारीम् गमिष्यसि ।
तदा ते शतधा मुर्धा फलिष्यति न सम्शयः ॥६-१३-१४॥
Adyaprabhriti yamanyam balannarim gamishyasi
Tada te shatadha murdha phalishyati na samshayah
13.15
इत्यहम् तस्य शापस्य भीतः प्रसभमेव ताम् ।
नारोहये बलात्सीताम् वैदेहीम् शय्ने शुभे ॥६-१३-१५॥
Ityaham tasya shapasya bhitah prasabhameva tam
Narohaye balatsitam vaidehim shayne shubhe
13.16
सागरस्येव मे वेगो मारुतस्येव मे गतिः ।
नैतद्दाशरथिर्वेद ह्यापादयति तेन माम् ॥६-१३-१६॥
Sagarasyeva me vego marutasyeva me gatih
Naitaddasharathirveda hyapadayati tena mam
13.17
को हि सिम्हमिवासीनम् सुप्तम् गिरिगुहाशये ।
क्रुद्धम् मृत्युमिवाऽसीनम् सम्बोधयितुमिच्चति ॥६-१३-१७॥
Ko hi simhamivasinam suptam giriguhashaye
Kruddham mrityumivasinam sambodhayitumichchati
13.18
न मत्तो निर्गतान् बाणान् द्विजिह्वान् पन्न्गानिव ।
रामः पश्यति सम्ग्रामे तेन मामभिगच्चति ॥६-१३-१८॥
Na matto nirgatan banan dvijihvan pannganiva
Ramah pashyati samgrame tena mamabhigachchati
13.19
क्षिप्रम् वज्रसमैर्बाणैः शतधा कार्मुकचुतैः ।
राममादीपयिष्यामि उल्कभिरिव कुञ्जरम् ॥६-१३-१९॥
Kshipram vajrasamairbanaih shatadha karmukachutaih
Ramamadipayishyami ulkabhiriva kunjaram
13.20
तच्चास्य बलमादास्ये बलेन महता वृतः ।
उदितः सविता काले नक्षत्राणाम् प्रभामिव ॥६-१३-२०॥
Tachchasya balamadasye balena mahata vritah
Uditah savita kale nakshatranam prabhamiva
13.21
न वासवेनापि सहस्रचक्षुषा ।
युधास्मि शक्यो वरुणेन वा पुनः ।मया त्वियम् बाहुबलेन निर्जिता ।पुरा पुरी वैश्रवणेन पालिता ॥६-१३-२१॥
Na vasavenapi sahasrachakshusha
Yudhasmi shakyo varunena va punah, maya tviyam bahubalena nirjita, pura puri vaishravanena palita