সর্গ 13

13.1

রাবণম্ ক্রুদ্ধমাজ্ঞায় মহাপার্শ্বো মহাবলঃ ।
মুহূর্ত মনুসম্চিন্ত্য প্রাঞ্জলির্বাক্য মব্রবীৎ ॥৬-১৩-১॥

যঃ খল্বপি বনম্ প্রাপ্য মৃগব্যালনিষেবিতম্ ।
ন পিবেন্মধু সম্প্রাপ্য স নরো বালিশো ধ্রুবম্ ॥৬-১৩-২॥

ঈশ্বরস্যেশ্বরঃ কোঽস্তি তব শত্রুনিবর্হণ ।
রমস্ব সহ বৈদেহ্যা শত্রূনাক্রম্য মূর্ধসু ॥৬-১৩-৩॥

বলাত্কুক্কুটবৃত্তেন প্রবর্তস্ব মহাবল ।
অক্রম্যাক্রম্য সীতাম্ বৈ তাম্ ভুঙিক্স্ব চ রমস্ব চ ॥৬-১৩-৪॥

লব্ধকামস্য তে পশ্চাদাগমিষ্যতি কিম্ ভয়ম্ ।
প্রাপ্তমপ্রাপ্তকালম্ বা সর্বম্ প্রতিবিধাস্যতে ॥৬-১৩-৫॥

কুম্ভকর্ণঃ সহাস্মাভিরিন্দ্রজিচ্চ মহাবলঃ ।
প্রতিষেধয়িতুম্ শক্তৌ সবজ্রমপি বজ্রিণম্ ॥৬-১৩-৬॥

উপপ্রদানম্ সান্ত্বম্ বা ভেদম্ বা কুশলৈঃ কৃতম্ ।
সমতিক্রম্য দণ্ডেন সিদ্ধিমর্থেষু রোচয়ে ॥৬-১৩-৭॥

ইহ প্রাপ্তান্বয়ম্ সর্বান্ শত্রূম্স্তব মহাবল ।
বশে শস্ত্রপ্রতাপেন করিষ্যামো ন সম্শয়ঃ ॥৬-১৩-৮॥

এবমুক্তস্তদা রাজা মহাপার্শ্বএন রাবণঃ ।
তস্য সম্পূজয়ন্বাক্যমিদম্ বচনমব্রবীৎ ॥৬-১৩-৯॥

মহাপার্শ্ব নিবোধ ত্বম্ রহস্যম্ কিম্চিদাত্মনঃ ।
চিরবৃত্তম্ তদাখ্যাস্যে যদবাপ্তম্ পুরা ময়া ॥৬-১৩-১০॥

পিতামহস্য ভবনম্ গচ্চন্তীম্ পুঞ্জিকস্থলাম্ ।
চঞ্চূর্যমাণামদ্রাক্ষমাকাশেঽগ্নিশিখামিব ॥৬-১৩-১১॥

সা প্রসহ্য ময়া ভুক্তা কৃতা বিবসনা ততঃ ।
স্বয়ম্ভূভবনম্ প্রাপ্তা লোলিতা নলিনী যথা ॥৬-১৩-১২॥

তচ্চ তস্য তদা মন্যে জ্ঞাতমাসীন্মহাত্মনঃ ।
অথ সম্কুপিতো বেধা মামিদম্ বাক্যমব্রবী ॥৬-১৩-১৩॥

অদ্যপ্রভৃতি যামন্যাম্ বলান্নারীম্ গমিষ্যসি ।
তদা তে শতধা মুর্ধা ফলিষ্যতি ন সম্শয়ঃ ॥৬-১৩-১৪॥

ইত্যহম্ তস্য শাপস্য ভীতঃ প্রসভমেব তাম্ ।
নারোহয়ে বলাত্সীতাম্ বৈদেহীম্ শয্নে শুভে ॥৬-১৩-১৫॥

সাগরস্যেব মে বেগো মারুতস্যেব মে গতিঃ ।
নৈতদ্দাশরথির্বেদ হ্যাপাদয়তি তেন মাম্ ॥৬-১৩-১৬॥

কো হি সিম্হমিবাসীনম্ সুপ্তম্ গিরিগুহাশয়ে ।
ক্রুদ্ধম্ মৃত্যুমিবাঽসীনম্ সম্বোধয়িতুমিচ্চতি ॥৬-১৩-১৭॥

ন মত্তো নির্গতান্ বাণান্ দ্বিজিহ্বান্ পন্ন্গানিব ।
রামঃ পশ্যতি সম্গ্রামে তেন মামভিগচ্চতি ॥৬-১৩-১৮॥

ক্ষিপ্রম্ বজ্রসমৈর্বাণৈঃ শতধা কার্মুকচুতৈঃ ।
রামমাদীপয়িষ্যামি উল্কভিরিব কুঞ্জরম্ ॥৬-১৩-১৯॥

তচ্চাস্য বলমাদাস্যে বলেন মহতা বৃতঃ ।
উদিতঃ সবিতা কালে নক্ষত্রাণাম্ প্রভামিব ॥৬-১৩-২০॥

ন বাসবেনাপি সহস্রচক্ষুষা ।
যুধাস্মি শক্যো বরুণেন বা পুনঃ ।ময়া ত্বিয়ম্ বাহুবলেন নির্জিতা ।পুরা পুরী বৈশ্রবণেন পালিতা ॥৬-১৩-২১॥