UtshovSarga 115
115.1
ते रावणवधं दृष्ट्वा देवगन्धर्वदानवाः ।
जग्मुः स्वैस्वैर्विमानैस्ते कथयन्तः शुभाः कथाः ।। ६.११५.१ ।।
Te ravanavadham drishtva devagandharvadanavah
Jagmuh svaisvairvimanaiste kathayantah shubhah kathah
115.2
रावणस्य वधं घोरं राघवस्य पराक्रमम् ।
सुयुद्धं वानराणां च सुग्रीवस्य च मन्त्रितम् ।। ६.११५.२ ।।
Ravanasya vadham ghoram raghavasya parakramam
Suyuddham vanaranam cha sugrivasya cha mantritam
115.3
अनुरागं च वीर्यं च सौमित्रेर्लक्ष्मणस्य च ।
कथयन्तो महाभागा जग्मुर्हृष्टा यथागतम् ।। ६.११५.३ ।।
Anuragam cha viryam cha saumitrerlakshmanasya cha
Kathayanto mahabhaga jagmurhrishta yathagatam
115.4
राघवस्तु रथं दिव्यमिन्द्रदत्तं शिखिप्रभम् ।
अनुज्ञाय महाभागो मातलिं प्रत्यपूजयत् ।। ६.११५.४ ।।
Raghavastu ratham divyamindradattam shikhiprabham
Anugyaya mahabhago matalim pratyapujayat
115.5
राघवेणाभ्यनुज्ञातो मातलिः शक्रसारथिः ।
दिव्यं तं रथमास्थाय दिवमेवारुरोह सः ।। ६.११५.५ ।।
Raghavenabhyanugyato matalih shakrasarathih
Divyam tam rathamasthaya divamevaruroha sah
115.6
तस्मिंस्तु दिवमारूढे सुरसारथिसत्तमे ।
राघवः परमप्रीतः सुग्रीवं परिषस्वजे ।। ६.११५.६ ।।
Tasminstu divamarudhe surasarathisattame
Raghavah paramapritah sugrivam parishasvaje
115.7
परिष्वज्य च सुग्रीवं लक्ष्मणेन प्रचोदितः ।
पूज्यमानो हरिश्रेष्ठैराजगाम बलालयम् ।। ६.११५.७ ।।
Parishvajya cha sugrivam lakshmanena prachoditah
Pujyamano harishreshthairajagama balalayam
115.8
अब्रवीच्च तदा रामः समीपपरिवर्तिनम् ।
सौमित्रिं सत्यसम्पन्नं लक्ष्मणं दीप्ततेजसम् ।। ६.११५.८ ।।
Abravichcha tada ramah samipaparivartinam
Saumitrim satyasampannam lakshmanam diptatejasam
115.9
विभीषणमिमं सौम्य लङ्कायामभिषेचय ।
अनुरक्तं च भक्तं च मम चैवोपकारिणम् ।। ६.११५.९ ।।
Vibhishanamimam saumya lankayamabhishechaya
Anuraktam cha bhaktam cha mama chaivopakarinam
115.10
एष मे परमः कामो यदीमं रावणानुजम् ।
लङ्कायां सौम्य पश्येयमभिषिक्तं विबीषणम् ।। ६.११५.१० ।।
Esha me paramah kamo yadimam ravananujam
Lankayam saumya pashyeyamabhishiktam vibishanam
115.11
एवमुक्तस्तु सौमित्री राघवेण महात्मना ।
तथेत्युक्त्वा तु संहृष्टः सौवर्णं घटमाददे ।। ६.११५.११ ।।
Evamuktastu saumitri raghavena mahatmana
Tathetyuktva tu sanhrishtah sauvarnam ghatamadade
115.12
तं घटं वानरेन्द्राणां हस्ते दत्त्वा मनोजवान् ।
आदिदेश महासत्त्वान् समुद्रसलिलानये ।। ६.११५.१२ ।।
Tam ghatam vanarendranam haste dattva manojavan
Adidesha mahasattvan samudrasalilanaye
115.13
इति शीघ्रं ततो गत्वा वानरास्ते महाबलाः ।
आगतास्तज्जलं गृह्य समुद्राद्वानरोत्तमाः ।। ६.११५.१३ ।।
Iti shighram tato gatva vanaraste mahabalah
Agatastajjalam grihya samudradvanarottamah
115.14
ततस्त्वेकं घटं गृह्य संस्थाप्य परमासने ।
घटेन तेन सौमित्रिरभ्यषिञ्चद्विभीषणम् ।। ६.११५.१४ ।।
Tatastvekam ghatam grihya sansthapya paramasane
Ghatena tena saumitrirabhyashinchadvibhishanam
115.15
लङ्कायां रक्षसां मध्ये राजानं रामशासनात् ।
विधिना मन्त्रदृष्टेन सुहृद्गणसमावृतम् ।अभ्यषिञ्चत् स धर्मात्मा शुद्धात्मानं विभीषणम् ।। ६.११५.१५ ।।
Lankayam rakshasam madhye rajanam ramashasanat
Vidhina mantradrishtena suhridganasamavritam, abhyashinchat sa dharmatma shuddhatmanam vibhishanam
115.16
तस्यामात्या जहृषिरे भक्ता ये चास्य राक्षसाः ।
दृष्ट्वा ऽभिषिक्तं लङ्कायां राक्षसेन्द्रं विभीषणम् ।। ६.११५.१६ ।।
Tasyamatya jahrishire bhakta ye chasya rakshasah
Drishtva bhishiktam lankayam rakshasendram vibhishanam
115.17
स तद्राज्यं महत् प्राप्य रामदत्तं विभीषणः ।
प्रकृतीः सान्त्वयित्वा च ततो राममुपागमत् ।। ६.११५.१७ ।।
Sa tadrajyam mahat prapya ramadattam vibhishanah
Prakritih santvayitva cha tato ramamupagamat
115.18
अक्षतान् मोदकान् लाजान् दिव्याः सुमनसस्तदा ।
आजह्रुरथ संहृष्टाः पौरास्तस्मै निशाचराः ।। ६.११५.१८ ।।
Akshatan modakan lajan divyah sumanasastada
Ajahruratha sanhrishtah paurastasmai nishacharah
115.19
स तान् गृहीत्वा दुर्धर्षो राघवाय न्यवेदयत् ।
मङ्गल्यं मङ्गलं सर्वं लक्ष्मणाय च वीर्यवान् ।। ६.११५.१९ ।।
Sa tan grihitva durdharsho raghavaya nyavedayat
Mangalyam mangalam sarvam lakshmanaya cha viryavan
115.20
कृतकार्यं समृद्धार्थं दृष्ट्वा रामो विभीषणम् ।
प्रतिजग्राह तत् सर्वं तस्यैव प्रियकाम्यया ।। ६.११५.२० ।।
Kritakaryam samriddhartham drishtva ramo vibhishanam
Pratijagraha tat sarvam tasyaiva priyakamyaya
115.21
ततः शैलोपमं वीरं प्राञ्जलिं पार्श्वतः स्थितम् ।
अब्रवीद्राघवो वाक्यं हनुमन्तं प्लवङ्गमम् ।। ६.११५.२१ ।।
Tatah shailopamam viram pranjalim parshvatah sthitam
Abravidraghavo vakyam hanumantam plavangamam
115.22
अनुमान्यं महाराजमिमं सौम्य विभीषणम् ।
। ६.११५.२२ ।।
Anumanyam maharajamimam saumya vibhishanam
115.23
गच्छ सौम्य पुरीं लङ्कामनुज्ञाप्य यथाविधि ।
प्रविश्य रावणगृहं विजयेनाभिनन्द्य च ।। ६.११५.२३ ।।
Gachchha saumya purim lankamanugyapya yathavidhi
Pravishya ravanagriham vijayenabhinandya cha
115.24
वैदेह्यै मां कुशलिनं ससुग्रीवं सलक्ष्मणम् ।
आचक्ष्व जयतां श्रेष्ठ रावणं च मया हतम् ।। ६.११५.२४ ।।
Vaidehyai mam kushalinam sasugrivam salakshmanam
Achakshva jayatam shreshtha ravanam cha maya hatam
115.25
प्रियमेतदुदाहृत्य मैथिल्यास्त्वं हरीश्वर ।
प्रतिगृह्य च सन्देशमुपावर्तितुमर्हसि ।। ६.११५.२५ ।।
Priyametadudahritya maithilyastvam harishvara
Pratigrihya cha sandeshamupavartitumarhasi
115.26
इत्यार्षे श्रीमद्रामायणे वाल्मीकीये आदिकाव्ये श्रीमद्युद्धकाण्डे पञ्चदशोत्तरशततमः सर्गः ।
। ११५ ।।
Ityarshe shrimadramayane valmikiye adikavye shrimadyuddhakande panchadashottarashatatamah sargah