UtshovSarga 18
18.1
तथा विप्रेक्षमाणस्य वनम् पुष्पितपादपम् ।
विचिन्वतश्च वैदेहीम् किंचिच्चेषा निशाभवत् ।। ५-१८-१।।
Tatha viprekshamanasya vanam pushpitapadapam
Vichinvatashcha vaidehim kinchichchesha nishabhavat
18.2
षडङ्गवेदविदुषाम् क्रतुप्रवरयाजिनाम् ।
शुश्राव ब्रह्मघोषान् स विरात्रे ब्रह्मरक्षसाम् ।। ५-१८-२।।
Shadangavedavidusham kratupravarayajinam
Shushrava brahmaghoshan sa viratre brahmarakshasam
18.3
अथ मङ्गलवादित्रशब्दैः श्रुतिमनोहरैः ।
प्रबुध्यत महाबाहुर्दशग्रीवो महाबलः ।। ५-१८-३।।
Atha mangalavaditrashabdaih shrutimanoharaih
Prabudhyata mahabahurdashagrivo mahabalah
18.4
विबुध्य तु यथाकालम् राक्षसेन्द्रः प्रतापवान् ।
स्रस्तमाल्याम्बरधरो वैदेहीमन्वचिन्तयात् ।। ५-१८-४।।
Vibudhya tu yathakalam rakshasendrah pratapavan
Srastamalyambaradharo vaidehimanvachintayat
18.5
भृशं नियुक्तस्तस्याम् च मदनेन मदोत्कटः ।
न स तं राक्षसः कामं शशाकात्मनि गूहितुम् ।। ५-१८-५।।
Bhrisham niyuktastasyam cha madanena madotkatah
Na sa tam rakshasah kamam shashakatmani guhitum
18.6
स सर्वाभरणैर्युक्तो बिभच्छ्रियमनुत्तमाम् ।
तां नगैर्बहुभिर्जुष्टाम् सर्वपुष्पफलोपगैः ।। ५-१८-६।।
Sa sarvabharanairyukto bibhachchhriyamanuttamam
Tam nagairbahubhirjushtam sarvapushpaphalopagaih
18.7
वृतां पुष्करिणीभिश्च नानापुष्पोपशोभिताम् ।
सदामदैश्च विहगैर्विचित्राम् परमाद्भुताम् ।। ५-१८-७।।
Vritam pushkarinibhishcha nanapushpopashobhitam
Sadamadaishcha vihagairvichitram paramadbhutam
18.8
ईहामृगैश्च विविधैर्जुष्टां डृष्टिमनोहरैः ।
वीथीः संप्रेक्षमाणश्च मणिकाञ्चनतोरणाः ।। ५-१८-८।।
Ihamrigaishcha vividhairjushtam drishtimanoharaih
Vithih samprekshamanashcha manikanchanatoranah
18.9
नानामृगगणाकीर्णां फलैः प्रपतितैर्वृताम् ।
अशोकवनकामेव प्राविशत्संततद्रुमाम् ।। ५-१८-९।।
Nanamrigaganakirnam phalaih prapatitairvritam
Ashokavanakameva pravishatsantatadrumam
18.10
अङ्गनाशतमात्रं तु तं व्रजन्तमनुव्रजत् ।
महेन्द्रमिव पौलस्त्यम्ं देवगन्धर्वयोषितः ।। ५-१८-१०।।
Anganashatamatram tu tam vrajantamanuvrajat
Mahendramiva paulastyamm devagandharvayoshitah
18.11
दीपिकाः काञ्चनीः काश्चिज्जगृहुस्तत्र योषितः ।
वालव्यजनहस्ताश्च तालवृन्तानि चापराः ।। ५-१८-११।।
Dipikah kanchanih kashchijjagrihustatra yoshitah
Valavyajanahastashcha talavrintani chaparah
18.12
काञ्चनैरपि भृङ्गारैर्जह्रुः सलिलमग्रतः ।
मण्डलागान् ब्रुसींश्चापि गृह्यान्याः पृष्ठतो ययुः ।। ५-१८-१२।।
Kanchanairapi bhringarairjahruh salilamagratah
Mandalagan brusinshchapi grihyanyah prishthato yayuh
18.13
काचिद्रत्नमयीं स्थालीं पूर्णां पानस्य ब्राजतम् ।
दक्षिणा दक्षिणेनैव तदा जग्राह पाणिना ।। ५-१८-१३।।
Kachidratnamayim sthalim purnam panasya brajatam
Dakshina dakshinenaiva tada jagraha panina
18.14
राजहंसप्रतीकाशं चत्रं पूर्णशशिप्रभम् ।
सौवर्णदण्डमपरा गृहीत्वा पृष्ठतो ययौ ।। ५-१८-१४।।
Rajahansapratikasham chatram purnashashiprabham
Sauvarnadandamapara grihitva prishthato yayau
18.15
निद्रामदपरीताक्ष्यो रावनस्योत्तमाः स्त्रियः ।
अनुजग्मुः पतिं वीरम् घनम् विद्युल्लता इव ।। ५-१८-१५।।
Nidramadaparitakshyo ravanasyottamah striyah
Anujagmuh patim viram ghanam vidyullata iva
18.16
व्याविद्धहारकेयूराः समामृदितवर्णकाः ।
समागळितकेशान्ताः सस्वेदवदनास्तथा ।। ५-१८-१६।।
Vyaviddhaharakeyurah samamriditavarnakah
Samagalitakeshantah sasvedavadanastatha
18.17
घोर्णन्त्यो मदशेषेण निद्रया च शुभाननाः ।
स्वेदक्लिष्टाङ्गकुसुमाः सुमाल्याकुलमूर्धजाः ।। ५-१८-१७।।
Ghornantyo madasheshena nidraya cha shubhananah
Svedaklishtangakusumah sumalyakulamurdhajah
18.18
प्रयान्तं नैरृतपतिं नार्यो मदिरलोचनाः ।
बहुमानाच्च कामाच्च प्रिया भार्यास्तमन्वयुः ।। ५-१८-१८।।
Prayantam nairritapatim naryo madiralochanah
Bahumanachcha kamachcha priya bharyastamanvayuh
18.19
स च कामपराधीनः पतिस्तासां महाबलः ।
सीतासक्तमना मन्दो मन्दाञ्चितगतिर्बभौ ।। ५-१८-१९।।
Sa cha kamaparadhinah patistasam mahabalah
Sitasaktamana mando mandanchitagatirbabhau
18.20
ततः काञ्चीनिनादं च नूपुराणाम् च निस्वनम् ।
शुश्राव परमस्त्रीणां स कपिर्मारुतात्मजः ।। ५-१८-२०।।
Tatah kanchininadam cha nupuranam cha nisvanam
Shushrava paramastrinam sa kapirmarutatmajah
18.21
तं चाप्रतिमकर्माणमचिन्त्यबलपौरुषम् ।
द्वारदेशमनुप्राप्तं ददर्श हनुमान् कपिः ।। ५-१८-२१।।
Tam chapratimakarmanamachintyabalapaurusham
Dvaradeshamanupraptam dadarsha hanuman kapih
18.22
दीपिकाभिरनेकाभिः समन्तादवभासितम् ।
गन्धतैलावसिक्ताभिर्द्रियमाणाभिरग्रतः ।। ५-१८-२२।।
Dipikabhiranekabhih samantadavabhasitam
Gandhatailavasiktabhirdriyamanabhiragratah
18.23
कामदर्पमदैर्युक्तं जिह्मताम्रायतेक्षणम् ।
समक्षमिव कन्दर्पमपविद्धशरासनम् ।। ५-१८-२३।।
Kamadarpamadairyuktam jihmatamrayatekshanam
Samakshamiva kandarpamapaviddhasharasanam
18.24
मथितामृतफेनाभमरजोवस्त्रमुत्तमम् ।
सलीलमनुकर्षन्तं विमुक्तं सक्तमङ्गदे ।। ५-१८-२४।।
Mathitamritaphenabhamarajovastramuttamam
Salilamanukarshantam vimuktam saktamangade
18.25
तं पत्रविटपे लीनः अत्रपुष्पघनावृतह् ।
समीपमिव संक्रान्तं निध्यातुमुपचक्रमे ।। ५-१८-२५।।
Tam patravitape linah atrapushpaghanavritah
Samipamiva sankrantam nidhyatumupachakrame
18.26
अवेक्षमाणस्तु ततो ददर्श कपिकुञ्जरः ।
रूपयौवनसंपन्ना रावणस्य वरस्तियः ।। ५-१८-२६।।
Avekshamanastu tato dadarsha kapikunjarah
Rupayauvanasampanna ravanasya varastiyah
18.27
ताभिः परिवृतो राजा सुरूपाभिर्महायशाः ।
तस्मृगद्विजसम्घष्टं प्रविष्टः प्रमदावनम् ।। ५-१८-२७।।
Tabhih parivrito raja surupabhirmahayashah
Tasmrigadvijasamghashtam pravishtah pramadavanam
18.28
क्षीबो विचित्राभरणः शङ्कुकर्णो महाबलः ।
तेन विश्रवसः पुत्रः स दृष्टो राक्षसाधिपः ।। ५-१८-२८।।
Kshibo vichitrabharanah shankukarno mahabalah
Tena vishravasah putrah sa drishto rakshasadhipah
18.29
वृतः परमनारीभिस्ताराभिरिव चन्द्रामाः ।
तं ददर्श महातेजास्तेजोवन्तं महाकपिः ।। ५-१८-२९।।
Vritah paramanaribhistarabhiriva chandramah
Tam dadarsha mahatejastejovantam mahakapih
18.30
रावणोऽयम् महाबाहुरिति संचिन्त्य वानरः ।
अवप्लुतो महातेजा हनुमान्मारुतात्मजः ।। ५-१८-३०।।
Ravanoyam mahabahuriti sanchintya vanarah
Avapluto mahateja hanumanmarutatmajah
18.31
स तथाप्युग्रतेजाः सन्निर्धूतस्तस्य तेजसा ।
पत्रगुह्यान्तरे सक्तो हनुमान् संवृतोऽभवत् ।। ५-१८-३१।।
Sa tathapyugratejah sannirdhutastasya tejasa
Patraguhyantare sakto hanuman sanvritobhavat
18.32
स तामसितकेशान्तां सुश्रोणीं संहतस्तनीम् ।
दिदृक्षुरसितापाङ्गमुपावर्तत रावणः ।। ५-१८-३२
Sa tamasitakeshantam sushronim sanhatastanim
Didrikshurasitapangamupavartata ravanah, 5-18-32