UtshovSarga 51
51.1
इति उक्त्वा हनुमान् तत्र पुनः कृष्ण अजिन अंबराम् ।
अब्रवीत् ताम् महाभागाम् तापसीम् धर्म चारिणीम् ॥४-५१-१॥
Iti uktva hanuman tatra punah krishna ajina ambaram
Abravit tam mahabhagam tapasim dharma charinim
51.2
इदम् प्रविष्टाः सहसा बिलम् तिमिर संवृतम् ।
क्षुत् पिपासा परिश्रांताः परिखिन्नाः च सर्वशः ॥४-५१-२॥
Idam pravishtah sahasa bilam timira sanvritam
Kshut pipasa parishrantah parikhinnah cha sarvashah
51.3
महत् धरण्या विवरम् प्रविष्टाः स्म पिपासिताः ।
इमाम् तु एवम् विधान् भावान् विविधान् अद्भुत उपमान् ॥४-५१-३॥
Mahat dharanya vivaram pravishtah sma pipasitah
Imam tu evam vidhan bhavan vividhan adbhuta upaman
51.4
दृष्ट्वा वयम् प्रव्यथिताः संभ्रांता नष्ट चेतसः ।
कस्य एते कांचना वृक्षाः तरुण आदित्य सन्निभाः ॥४-५१-४॥
Drishtva vayam pravyathitah sambhranta nashta chetasah
Kasya ete kanchana vrikshah taruna aditya sannibhah
51.5
शुचीनि अभ्यवहार्याणि मूलानि च फलानि च ।
कांचनानि विमानानि राजतानि गृहाणि च ॥४-५१-५॥
Shuchini abhyavaharyani mulani cha phalani cha
Kanchanani vimanani rajatani grihani cha
51.6
तपनीय गव अक्षाणि मणि जाल आवृतानि च ।
पुष्पिताः फालवन्तः च पुण्याः सुरभि गन्धयः ॥४-५१-६॥
Tapaniya gava akshani mani jala avritani cha
Pushpitah phalavantah cha punyah surabhi gandhayah
51.7
इमे जांबूनदमयाः पादपाः कस्य तेजसा ।
कांचनानि च पद्मानि जातानि विमले जले ॥४-५१-७॥
Ime jambunadamayah padapah kasya tejasa
Kanchanani cha padmani jatani vimale jale
51.8
कथम् मत्स्याः च सौवर्णा दृश्यन्ते सह कच्छपैः ।
आत्मानः अनुभावात् वा कस्य वै एतत् तपो बलम् ॥४-५१-८॥
Katham matsyah cha sauvarna drishyante saha kachchhapaih
Atmanah anubhavat va kasya vai etat tapo balam
51.9
अजानताम् नः सर्वेषाम् सर्वम् आख्यातुम् अर्हसि ।
एवम् उक्ता हनुमता तापसी धर्म चारिणी ॥४-५१-९॥
Ajanatam nah sarvesham sarvam akhyatum arhasi
Evam ukta hanumata tapasi dharma charini
51.10
प्रति उवाच हनूमंतम् सर्व भूत हिते रता ।
मयो नाम महातेजा मायावी दानवर्षभः ॥४-५१-१०॥
Prati uvacha hanumantam sarva bhuta hite rata
Mayo nama mahateja mayavi danavarshabhah
51.11
तेन इदम् निर्मितम् सर्वम् मायया कांचनम् वनम् ।
पुरा दानव मुख्यानाम् विश्वकर्मा बभूव ह ॥४-५१-११॥
Tena idam nirmitam sarvam mayaya kanchanam vanam
Pura danava mukhyanam vishvakarma babhuva ha
51.12
येन इदम् कांचनम् दिव्यम् निर्मितम् भवन उत्तमम् ।
स तु वर्ष सहस्राणि तपः तप्त्वा महत् वने ॥४-५१-१२॥
Yena idam kanchanam divyam nirmitam bhavana uttamam
Sa tu varsha sahasrani tapah taptva mahat vane
51.13
पितामहात् वरम् लेभे सर्वम् औशसनम् धनम् ।
विधाय सर्वम् बलवान् सर्व काम ईश्वरः तदा ॥४-५१-१३॥
Pitamahat varam lebhe sarvam aushasanam dhanam
Vidhaya sarvam balavan sarva kama ishvarah tada
51.14
उवास सुखितः कालम् कंचित् अस्मिन् महावने ।
तम् अप्सरसि हेमायाम् सक्तम् दानव पुंगवम् ॥४-५१-१४॥
Uvasa sukhitah kalam kanchit asmin mahavane
Tam apsarasi hemayam saktam danava pungavam
51.15
विक्रम्य एव अशनिम् गृह्य जघान ईशः पुरंदरः ।
इदम् च ब्रह्मणा दत्तम् हेमायै वनम् उत्तमम् ॥४-५१-१५॥
Vikramya eva ashanim grihya jaghana ishah purandarah
Idam cha brahmana dattam hemayai vanam uttamam
51.16
शाश्वतः काम भोगः च गृहम् च इदम् हिरण्मयम् ।
दुहिता मेरुसावर्णेः अहम् तस्याः स्वयंप्रभा ॥४-५१-१६॥
Shashvatah kama bhogah cha griham cha idam hiranmayam
Duhita merusavarneh aham tasyah svayamprabha
51.17
इदम् रक्षामि भवनम् हेमाया वानरोत्तम ।
मम प्रिय सखी हेमा नृत्त गीत विशारदा ॥४-५१-१७॥
Idam rakshami bhavanam hemaya vanarottama
Mama priya sakhi hema nritta gita visharada
51.18
तया दत्त वरा च अस्मि रक्षामि भवनम् महान् ।
किम् कार्यम् कस्य वा हेतोः कांताराणि प्रपद्यथ ॥४-५१-१८॥
Taya datta vara cha asmi rakshami bhavanam mahan
Kim karyam kasya va hetoh kantarani prapadyatha
51.19
कथम् च इदम् वनम् दुर्गम् युष्माभिः उपलक्षितम् ।
शुचीनि अभ्यवहार्याणि मूलानि च फलानि च ।भुक्त्वा पीत्वा च पानीयम् सर्वम् मे वक्तुम् अर्हथ ॥४-५१-१९॥
Katham cha idam vanam durgam yushmabhih upalakshitam
Shuchini abhyavaharyani mulani cha phalani cha, bhuktva pitva cha paniyam sarvam me vaktum arhatha