Sukta 35

35.1

15 gritsamada (angirasah shaunahotrah pashchad) bhargavah shaunakah, apannapat, trishtup

उपे॑मसृक्षि वाज॒युर्व॑च॒स्यां चनो॑ दधीत ना॒द्यो गिरो॑ मे ।
अ॒पां नपा॑दाशु॒हेमा॑ कु॒वित् स सु॒पेश॑सस्करति॒ जोषि॑ष॒द्धि ॥१॥

Upemasrikshi vajayurvachasyam chano dadhita nadyo giro me
Apam napadashuhema kuvit sa supeshasaskarati joshishaddhi

35.2

इ॒मं स्व॑स्मै हृ॒द आ सुत॑ष्टं॒ मन्त्रं॑ वोचेम कु॒विद॑स्य॒ वेद॑त् ।
अ॒पां नपा॑दसु॒र्य॑स्य म॒ह्ना विश्वा॑न्य॒र्यो भुव॑ना जजान ॥२॥

Imam svasmai hrida a sutashtam mantram vochema kuvidasya vedat
Apam napadasuryasya mahna vishvanyaryo bhuvana jajana

35.3

सम॒न्या यन्त्युप॑ यन्त्य॒न्याः स॑मा॒नमू॒र्वं न॒द्य॑ः पृणन्ति ।
तमू॒ शुचिं॒ शुच॑यो दीदि॒वांस॑म॒पां नपा॑तं॒ परि॑ तस्थु॒राप॑ः ॥३॥

Samanya yantyupa yantyanyah samanamurvam nadyah prinanti
Tamu shuchim shuchayo didivansamapam napatam pari tasthurapah

35.4

तमस्मे॑रा युव॒तयो॒ युवा॑नं मर्मृ॒ज्यमा॑ना॒ः परि॑ य॒न्त्याप॑ः ।
स शु॒क्रेभि॒ः शिक्व॑भी रे॒वद॒स्मे दी॒दाया॑नि॒ध्मो घृ॒तनि॑र्णिग॒प्सु ॥४॥

Tamasmera yuvatayo yuvanam marmrijyamanah pari yantyapah
Sa shukrebhih shikvabhi revadasme didayanidhmo ghritanirnigapsu

35.5

अ॒स्मै ति॒स्रो अ॑व्य॒थ्याय॒ नारी॑र्दे॒वाय॑ दे॒वीर्दि॑धिष॒न्त्यन्न॑म् ।
कृता॑ इ॒वोप॒ हि प्र॑स॒र्स्रे अ॒प्सु स पी॒यूषं॑ धयति पूर्व॒सूना॑म् ॥५॥

Asmai tisro avyathyaya narirdevaya devirdidhishantyannam
Krita ivopa hi prasarsre apsu sa piyusham dhayati purvasunam

35.6

अश्व॒स्यात्र॒ जनि॑मा॒स्य च॒ स्व॑र्द्रु॒हो रि॒षः स॒म्पृच॑ः पाहि सू॒रीन् ।
आ॒मासु॑ पू॒र्षु प॒रो अ॑प्रमृ॒ष्यं नारा॑तयो॒ वि न॑श॒न्नानृ॑तानि ॥६॥

Ashvasyatra janimasya cha svardruho rishah samprichah pahi surin
Amasu purshu paro apramrishyam naratayo vi nashannanritani

35.7

स्व आ दमे॑ सु॒दुघा॒ यस्य॑ धे॒नुः स्व॒धां पी॑पाय सु॒भ्वन्न॑मत्ति ।
सो अ॒पां नपा॑दू॒र्जय॑न्न॒प्स्व१न्तर्व॑सु॒देया॑य विध॒ते वि भा॑ति ७॥
यो अ॒प्स्वा शुचि॑ना॒ दैव्ये॑न ऋ॒तावाज॑स्र उर्वि॒या वि॒भाति॑ ।
व॒या इद॒न्या भुव॑नान्यस्य॒ प्र जा॑यन्ते वी॒रुध॑श्च प्र॒जाभि॑ः ॥८॥

Sva a dame sudugha yasya dhenuh svadham pipaya subhvannamatti
So apam napadurjayannapsva1ntarvasudeyaya vidhate vi bhati 7
Yo apsva shuchina daivyena ritavajasra urviya vibhati
Vaya idanya bhuvananyasya pra jayante virudhashcha prajabhih

35.8

अ॒पां नपा॒दा ह्यस्था॑दु॒पस्थं॑ जि॒ह्माना॑मू॒र्ध्वो वि॒द्युतं॒ वसा॑नः ।
तस्य॒ ज्येष्ठं॑ महि॒मानं॒ वह॑न्ती॒र्हिर॑ण्यवर्णा॒ः परि॑ यन्ति य॒ह्वीः ॥९॥

Apam napada hyasthadupastham jihmanamurdhvo vidyutam vasanah
Tasya jyeshtham mahimanam vahantirhiranyavarnah pari yanti yahvih

35.9

हिर॑ण्यरूप॒ः स हिर॑ण्यसंदृग॒पां नपा॒त् सेदु॒ हिर॑ण्यवर्णः ।
हि॒र॒ण्यया॒त् परि॒ योने॑र्नि॒षद्या॑ हिरण्य॒दा द॑द॒त्यन्न॑मस्मै ॥१०॥

Hiranyarupah sa hiranyasandrigapam napat sedu hiranyavarnah
Hiranyayat pari yonernishadya hiranyada dadatyannamasmai

35.10

तद॒स्यानी॑कमु॒त चारु॒ नामा॑पी॒च्यं॑ वर्धते॒ नप्तु॑र॒पाम् ।
यमि॒न्धते॑ युव॒तय॒ः समि॒त्था हिर॑ण्यवर्णं घृ॒तमन्न॑मस्य ॥११॥

Tadasyanikamuta charu namapichyam vardhate napturapam
Yamindhate yuvatayah samittha hiranyavarnam ghritamannamasya

35.11

अ॒स्मै ब॑हू॒नाम॑व॒माय॒ सख्ये॑ य॒ज्ञैर्वि॑धेम॒ नम॑सा ह॒विर्भि॑ः ।
सं सानु॒ मार्ज्मि॒ दिधि॑षामि॒ बिल्मै॒र्दधा॒म्यन्नै॒ः परि॑ वन्द ऋ॒ग्भिः ॥१२॥

Asmai bahunamavamaya sakhye yagyairvidhema namasa havirbhih
Sam sanu marjmi didhishami bilmairdadhamyannaih pari vanda rigbhih

35.12

स ईं॒ वृषा॑जनय॒त् तासु॒ गर्भं॒ स ईं॒ शिशु॑र्धयति॒ तं रि॑हन्ति ।
सो अ॒पां नपा॒दन॑भिम्लातवर्णो॒ ऽन्यस्ये॑वे॒ह त॒न्वा॑ विवेष ॥१३॥

Sa im vrishajanayat tasu garbham sa im shishurdhayati tam rihanti
So apam napadanabhimlatavarno nyasyeveha tanva vivesha

35.13

अ॒स्मिन् प॒दे प॑र॒मे त॑स्थि॒वांस॑मध्व॒स्मभि॑र्वि॒श्वहा॑ दीदि॒वांस॑म् ।
आपो॒ नप्त्रे॑ घृ॒तमन्नं॒ वह॑न्तीः स्व॒यमत्कै॒ः परि॑ दीयन्ति य॒ह्वीः ॥१४॥

Asmin pade parame tasthivansamadhvasmabhirvishvaha didivansam
Apo naptre ghritamannam vahantih svayamatkaih pari diyanti yahvih

35.14

अयां॑समग्ने सुक्षि॒तिं जना॒यायां॑समु म॒घव॑द्भ्यः सुवृ॒क्तिम् ।
विश्वं॒ तद् भ॒द्रं यदव॑न्ति दे॒वा बृ॒हद् व॑देम वि॒दथे॑ सु॒वीरा॑ः ॥१५॥

Ayansamagne sukshitim janayayansamu maghavadbhyah suvriktim
Vishvam tad bhadram yadavanti deva brihad vadema vidathe suvirah