Sukta 41

41.1

9 kanvo ghaurah, varunamitraryamanah, 4-6 adityah, gayatri

यं रक्ष॑न्ति॒ प्रचे॑तसो॒ वरु॑णो मि॒त्रो अ॑र्य॒मा । नू चि॒त्स द॑भ्यते॒ जन॑ः ॥१॥

Yam rakshanti prachetaso varuno mitro aryama, nu chitsa dabhyate janah

यं बा॒हुते॑व॒ पिप्र॑ति॒ पान्ति॒ मर्त्यं॑ रि॒षः । अरि॑ष्ट॒ः सर्व॑ एधते ॥२॥

Yam bahuteva piprati panti martyam rishah, arishtah sarva edhate

वि दु॒र्गा वि द्विष॑ः पु॒रो घ्नन्ति॒ राजा॑न एषाम् । नय॑न्ति दुरि॒ता ति॒रः ॥३॥

Vi durga vi dvishah puro ghnanti rajana esham, nayanti durita tirah

सु॒गः पन्था॑ अनृक्ष॒र आदि॑त्यास ऋ॒तं य॒ते । नात्रा॑वखा॒दो अ॑स्ति वः ॥४॥

Sugah pantha anrikshara adityasa ritam yate, natravakhado asti vah

यं य॒ज्ञं नय॑था नर॒ आदि॑त्या ऋ॒जुना॑ प॒था । प्र व॒ः स धी॒तये॑ नशत् ॥५॥

Yam yagyam nayatha nara aditya rijuna patha, pra vah sa dhitaye nashat

स रत्नं॒ मर्त्यो॒ वसु॒ विश्वं॑ तो॒कमु॒त त्मना॑ । अच्छा॑ गच्छ॒त्यस्तृ॑तः ॥६॥

Sa ratnam martyo vasu vishvam tokamuta tmana, achchha gachchhatyastritah

क॒था रा॑धाम सखाय॒ः स्तोमं॑ मि॒त्रस्या॑र्य॒म्णः । महि॒ प्सरो॒ वरु॑णस्य ॥७॥

Katha radhama sakhayah stomam mitrasyaryamnah, mahi psaro varunasya

मा वो॒ घ्नन्तं॒ मा शप॑न्तं॒ प्रति॑ वोचे देव॒यन्त॑म् । सु॒म्नैरिद् व॒ आ वि॑वासे ॥८॥

Ma vo ghnantam ma shapantam prati voche devayantam, sumnairid va a vivase

च॒तुर॑श्चि॒द् दद॑मानाद् बिभी॒यादा निधा॑तोः । न दु॑रु॒क्ताय॑ स्पृहयेत् ॥९॥

Chaturashchid dadamanad bibhiyada nidhatoh, na duruktaya sprihayet