সূক্ত 41

41.1

৯ কণ্বো ঘৌরঃ। বরুণমিত্রার্যমণঃ, ৪-৬ আদিত্যাঃ। গায়ত্রী।

যং রক্ষন্তি প্রচেতসো বরুণো মিত্রো অর্যমা । নূ চিত্স দভ্যতে জনঃ ॥১॥

যং বাহুতেব পিপ্রতি পান্তি মর্ত্যং রিষঃ । অরিষ্টঃ সর্ব এধতে ॥২॥

বি দুর্গা বি দ্বিষঃ পুরো ঘ্নন্তি রাজান এষাম্ । নয়ন্তি দুরিতা তিরঃ ॥৩॥

সুগঃ পন্থা অনৃক্ষর আদিত্যাস ঋতং যতে । নাত্রাবখাদো অস্তি বঃ ॥৪॥

যং যজ্ঞং নয়থা নর আদিত্যা ঋজুনা পথা । প্র বঃ স ধীতয়ে নশৎ ॥৫॥

স রত্নং মর্ত্যো বসু বিশ্বং তোকমুত ত্মনা । অচ্ছা গচ্ছত্যস্তৃতঃ ॥৬॥

কথা রাধাম সখায়ঃ স্তোমং মিত্রস্যার্যম্ণঃ । মহি প্সরো বরুণস্য ॥৭॥

মা বো ঘ্নন্তং মা শপন্তং প্রতি বোচে দেবয়ন্তম্ । সুম্নৈরিদ্ ব আ বিবাসে ॥৮॥

চতুরশ্চিদ্ দদমানাদ্ বিভীয়াদা নিধাতোঃ । ন দুরুক্তায় স্পৃহয়েৎ ॥৯॥