UtshovDoha 117
117.1
Chaupai
इहाँ न पच्छपात कछु राखउँ। बेद पुरान संत मत भाषउँ।।
मोह न नारि नारि कें रूपा। पन्नगारि यह रीति अनूपा।।
माया भगति सुनहु तुम्ह दोऊ। नारि बर्ग जानइ सब कोऊ।।
पुनि रघुबीरहि भगति पिआरी। माया खलु नर्तकी बिचारी।।
भगतिहि सानुकूल रघुराया। ताते तेहि डरपति अति माया।।
राम भगति निरुपम निरुपाधी। बसइ जासु उर सदा अबाधी।।
तेहि बिलोकि माया सकुचाई। करि न सकइ कछु निज प्रभुताई।।
अस बिचारि जे मुनि बिग्यानी। जाचहीं भगति सकल सुख खानी।।
Ihan na pachchhapat kachhu rakhaum, bed puran sant mat bhashaum
Moh na nari nari ken rupa, pannagari yah riti anupa
Maya bhagati sunahu tumha dou, nari barga janai sab kou
Puni raghubirahi bhagati piari, maya khalu nartaki bichari
Bhagatihi sanukul raghuraya, tate tehi darapati ati maya
Ram bhagati nirupam nirupadhi, basai jasu ur sada abadhi
Tehi biloki maya sakuchai, kari na sakai kachhu nij prabhutai
As bichari je muni bigyani, jachahin bhagati sakal sukh khani
117.2
Doha/soratha
यह रहस्य रघुनाथ कर बेगि न जानइ कोइ।
जो जानइ रघुपति कृपाँ सपनेहुँ मोह न होइ ॥116(क)॥
Yah rahasya raghunath kar begi na janai koi
Jo janai raghupati kripan sapanehun moh na hoi, 116(ka)
117.3
Doha/soratha
औरउ ग्यान भगति कर भेद सुनहु सुप्रबीन।
जो सुनि होइ राम पद प्रीति सदा अबिछीन ॥116(ख)॥
Aurau gyan bhagati kar bhed sunahu suprabin
Jo suni hoi ram pad priti sada abichhin, 116(kh)