UtshovDoha 118
118.1
Chaupai
सुनहु तात यह अकथ कहानी। समुझत बनइ न जाइ बखानी।।
ईस्वर अंस जीव अबिनासी। चेतन अमल सहज सुख रासी।।
सो मायाबस भयउ गोसाईं। बँध्यो कीर मरकट की नाई।।
जड़ चेतनहि ग्रंथि परि गई। जदपि मृषा छूटत कठिनई।।
तब ते जीव भयउ संसारी। छूट न ग्रंथि न होइ सुखारी।।
श्रुति पुरान बहु कहेउ उपाई। छूट न अधिक अधिक अरुझाई।।
जीव हृदयँ तम मोह बिसेषी। ग्रंथि छूट किमि परइ न देखी।।
अस संजोग ईस जब करई। तबहुँ कदाचित सो निरुअरई।।
सात्त्विक श्रद्धा धेनु सुहाई। जौं हरि कृपाँ हृदयँ बस आई।।
जप तप ब्रत जम नियम अपारा। जे श्रुति कह सुभ धर्म अचारा।।
तेइ तृन हरित चरै जब गाई। भाव बच्छ सिसु पाइ पेन्हाई।।
नोइ निबृत्ति पात्र बिस्वासा। निर्मल मन अहीर निज दासा।।
परम धर्ममय पय दुहि भाई। अवटै अनल अकाम बनाई।।
तोष मरुत तब छमाँ जुड़ावै। धृति सम जावनु देइ जमावै।।
मुदिताँ मथैं बिचार मथानी। दम अधार रजु सत्य सुबानी।।
तब मथि काढ़ि लेइ नवनीता। बिमल बिराग सुभग सुपुनीता।।
Sunahu tat yah akath kahani, samujhat banai na jai bakhani
Isvar ans jiv abinasi, chetan amal sahaj sukh rasi
So mayabas bhayau gosaim, bandhyo kir marakat ki nai
Jar chetanahi granthi pari gai, jadapi mrisha chhutat kathinai
Tab te jiv bhayau sansari, chhut na granthi na hoi sukhari
Shruti puran bahu kaheu upai, chhut na adhik adhik arujhai
Jiv hridayam tam moh biseshi, granthi chhut kimi parai na dekhi
As sanjog is jab karai, tabahun kadachit so niruarai
Sattvik shraddha dhenu suhai, jaun hari kripan hridayam bas ai
Jap tap brat jam niyam apara, je shruti kah subh dharma achara
Tei trin harit charai jab gai, bhav bachchha sisu pai penhai
Noi nibritti patra bisvasa, nirmal man ahir nij dasa
Param dharmamay pay duhi bhai, avatai anal akam banai
Tosh marut tab chhaman juravai, dhriti sam javanu dei jamavai
Muditan mathain bichar mathani, dam adhar raju satya subani
Tab mathi karhi lei navanita, bimal birag subhag supunita
118.2
Doha/soratha
जोग अगिनि करि प्रगट तब कर्म सुभासुभ लाइ।
बुद्धि सिरावैं ग्यान घृत ममता मल जरि जाइ ॥117(क)॥
Jog agini kari pragat tab karma subhasubh lai
Buddhi siravain gyan ghrit mamata mal jari jai, 117(ka)
118.3
Doha/soratha
तब बिग्यानरूपिनि बुद्धि बिसद घृत पाइ।
चित्त दिआ भरि धरै दृढ़ समता दिअटि बनाइ ॥117(ख)॥
Tab bigyanarupini buddhi bisad ghrit pai
Chitta dia bhari dharai drirh samata diati banai, 117(kh)
118.4
Doha/soratha
तीनि अवस्था तीनि गुन तेहि कपास तें काढ़ि।
तूल तुरीय सँवारि पुनि बाती करै सुगाढ़ि ॥117(ग)॥
Tini avastha tini gun tehi kapas ten karhi
Tul turiy sanvari puni bati karai sugarhi, 117(ga)
118.5
Doha/soratha
एहि बिधि लेसै दीप तेज रासि बिग्यानमय।।
जातहिं जासु समीप जरहिं मदादिक सलभ सब ॥117(घ)॥
Ehi bidhi lesai dip tej rasi bigyanamay
Jatahin jasu samip jarahin madadik salabh sab, 117(gh)