Ramcharitmanas 117.1

इहाँ न पच्छपात कछु राखउँ। बेद पुरान संत मत भाषउँ।।
मोह न नारि नारि कें रूपा। पन्नगारि यह रीति अनूपा।।
माया भगति सुनहु तुम्ह दोऊ। नारि बर्ग जानइ सब कोऊ।।
पुनि रघुबीरहि भगति पिआरी। माया खलु नर्तकी बिचारी।।
भगतिहि सानुकूल रघुराया। ताते तेहि डरपति अति माया।।
राम भगति निरुपम निरुपाधी। बसइ जासु उर सदा अबाधी।।
तेहि बिलोकि माया सकुचाई। करि न सकइ कछु निज प्रभुताई।।
अस बिचारि जे मुनि बिग्यानी। जाचहीं भगति सकल सुख खानी।।

Ihan na pachchhapat kachhu rakhaum, bed puran sant mat bhashaum
Moh na nari nari ken rupa, pannagari yah riti anupa
Maya bhagati sunahu tumha dou, nari barga janai sab kou
Puni raghubirahi bhagati piari, maya khalu nartaki bichari
Bhagatihi sanukul raghuraya, tate tehi darapati ati maya
Ram bhagati nirupam nirupadhi, basai jasu ur sada abadhi
Tehi biloki maya sakuchai, kari na sakai kachhu nij prabhutai
As bichari je muni bigyani, jachahin bhagati sakal sukh khani

Whole chapter