UtshovDoha 116
116.1
Chaupai
जे असि भगति जानि परिहरहीं। केवल ग्यान हेतु श्रम करहीं।।
ते जड़ कामधेनु गृहँ त्यागी। खोजत आकु फिरहिं पय लागी।।
सुनु खगेस हरि भगति बिहाई। जे सुख चाहहिं आन उपाई।।
ते सठ महासिंधु बिनु तरनी। पैरि पार चाहहिं जड़ करनी।।
सुनि भसुंडि के बचन भवानी। बोलेउ गरुड़ हरषि मृदु बानी।।
तव प्रसाद प्रभु मम उर माहीं। संसय सोक मोह भ्रम नाहीं।।
सुनेउँ पुनीत राम गुन ग्रामा। तुम्हरी कृपाँ लहेउँ बिश्रामा।।
एक बात प्रभु पूँछउँ तोही। कहहु बुझाइ कृपानिधि मोही।।
कहहिं संत मुनि बेद पुराना। नहिं कछु दुर्लभ ग्यान समाना।।
सोइ मुनि तुम्ह सन कहेउ गोसाईं। नहिं आदरेहु भगति की नाईं।।
ग्यानहि भगतिहि अंतर केता। सकल कहहु प्रभु कृपा निकेता।।
सुनि उरगारि बचन सुख माना। सादर बोलेउ काग सुजाना।।
भगतिहि ग्यानहि नहिं कछु भेदा। उभय हरहिं भव संभव खेदा।।
नाथ मुनीस कहहिं कछु अंतर। सावधान सोउ सुनु बिहंगबर।।
ग्यान बिराग जोग बिग्याना। ए सब पुरुष सुनहु हरिजाना।।
पुरुष प्रताप प्रबल सब भाँती। अबला अबल सहज जड़ जाती।।
Je asi bhagati jani pariharahin, keval gyan hetu shram karahin
Te jar kamadhenu griham tyagi, khojat aku phirahin pay lagi
Sunu khages hari bhagati bihai, je sukh chahahin an upai
Te sath mahasindhu binu tarani, pairi par chahahin jar karani
Suni bhasundi ke bachan bhavani, boleu garur harashi mridu bani
Tav prasad prabhu mam ur mahin, sansay sok moh bhram nahin
Suneum punit ram gun grama, tumhari kripan laheum bishrama
Ek bat prabhu punchhaum tohi, kahahu bujhai kripanidhi mohi
Kahahin sant muni bed purana, nahin kachhu durlabh gyan samana
Soi muni tumha san kaheu gosaim, nahin adarehu bhagati ki naim
Gyanahi bhagatihi antar keta, sakal kahahu prabhu kripa niketa
Suni uragari bachan sukh mana, sadar boleu kag sujana
Bhagatihi gyanahi nahin kachhu bheda, ubhay harahin bhav sambhav kheda
Nath munis kahahin kachhu antar, savadhan sou sunu bihangabar
Gyan birag jog bigyana, e sab purush sunahu harijana
Purush pratap prabal sab bhanti, abala abal sahaj jar jati
116.2
Doha/soratha
-पुरुष त्यागि सक नारिहि जो बिरक्त मति धीर।।
न तु कामी बिषयाबस बिमुख जो पद रघुबीर ॥115(क)॥
-Purush tyagi sak narihi jo birakta mati dhir
Na tu kami bishayabas bimukh jo pad raghubir, 115(ka)
116.3
Doha/soratha
सोउ मुनि ग्याननिधान मृगनयनी बिधु मुख निरखि।
बिबस होइ हरिजान नारि बिष्नु माया प्रगट ॥115(ख)॥
Sou muni gyananidhan mriganayani bidhu mukh nirakhi
Bibas hoi harijan nari bishnu maya pragat, 115(kh)