UtshovDoha 295
295.1
Chaupai
भरत बचन सुनि देखि सुभाऊ। सहित समाज सराहत राऊ।।
सुगम अगम मृदु मंजु कठोरे। अरथु अमित अति आखर थोरे।।
ज्यौ मुख मुकुर मुकुरु निज पानी। गहि न जाइ अस अदभुत बानी।।
भूप भरत मुनि सहित समाजू। गे जहँ बिबुध कुमुद द्विजराजू।।
सुनि सुधि सोच बिकल सब लोगा। मनहुँ मीनगन नव जल जोगा।।
देवँ प्रथम कुलगुर गति देखी। निरखि बिदेह सनेह बिसेषी।।
राम भगतिमय भरतु निहारे। सुर स्वारथी हहरि हियँ हारे।।
सब कोउ राम पेममय पेखा। भउ अलेख सोच बस लेखा।।
Bharat bachan suni dekhi subhau, sahit samaj sarahat rau
Sugam agam mridu manju kathore, arathu amit ati akhar thore
Jyau mukh mukur mukuru nij pani, gahi na jai as adabhut bani
Bhup bharat muni sahit samaju, ge jaham bibudh kumud dvijaraju
Suni sudhi soch bikal sab loga, manahun minagan nav jal joga
Devam pratham kulagur gati dekhi, nirakhi bideh saneh biseshi
Ram bhagatimay bharatu nihare, sur svarathi hahari hiyam hare
Sab kou ram pemamay pekha, bhau alekh soch bas lekha
295.2
Doha/soratha
रामु सनेह सकोच बस कह ससोच सुरराज।
रचहु प्रपंचहि पंच मिलि नाहिं त भयउ अकाजु ॥294॥
Ramu saneh sakoch bas kah sasoch suraraj
Rachahu prapanchahi panch mili nahin ta bhayau akaju