UtshovDoha 296
296.1
Chaupai
सुरन्ह सुमिरि सारदा सराही। देबि देव सरनागत पाही।।
फेरि भरत मति करि निज माया। पालु बिबुध कुल करि छल छाया।।
बिबुध बिनय सुनि देबि सयानी। बोली सुर स्वारथ जड़ जानी।।
मो सन कहहु भरत मति फेरू। लोचन सहस न सूझ सुमेरू।।
बिधि हरि हर माया बड़ि भारी। सोउ न भरत मति सकइ निहारी।।
सो मति मोहि कहत करु भोरी। चंदिनि कर कि चंडकर चोरी।।
भरत हृदयँ सिय राम निवासू। तहँ कि तिमिर जहँ तरनि प्रकासू।।
अस कहि सारद गइ बिधि लोका। बिबुध बिकल निसि मानहुँ कोका।।
Suranha sumiri sarada sarahi, debi dev saranagat pahi
Pheri bharat mati kari nij maya, palu bibudh kul kari chhal chhaya
Bibudh binay suni debi sayani, boli sur svarath jar jani
Mo san kahahu bharat mati pheru, lochan sahas na sujh sumeru
Bidhi hari har maya bari bhari, sou na bharat mati sakai nihari
So mati mohi kahat karu bhori, chandini kar ki chandakar chori
Bharat hridayam siy ram nivasu, taham ki timir jaham tarani prakasu
As kahi sarad gai bidhi loka, bibudh bikal nisi manahun koka
296.2
Doha/soratha
सुर स्वारथी मलीन मन कीन्ह कुमंत्र कुठाटु।।
रचि प्रपंच माया प्रबल भय भ्रम अरति उचाटु ॥295॥
Sur svarathi malin man kinha kumantra kuthatu
Rachi prapanch maya prabal bhay bhram arati uchatu