UtshovDoha 297
297.1
Chaupai
करि कुचालि सोचत सुरराजू। भरत हाथ सबु काजु अकाजू।।
गए जनकु रघुनाथ समीपा। सनमाने सब रबिकुल दीपा।।
समय समाज धरम अबिरोधा। बोले तब रघुबंस पुरोधा।।
जनक भरत संबादु सुनाई। भरत कहाउति कही सुहाई।।
तात राम जस आयसु देहू। सो सबु करै मोर मत एहू।।
सुनि रघुनाथ जोरि जुग पानी। बोले सत्य सरल मृदु बानी।।
बिद्यमान आपुनि मिथिलेसू। मोर कहब सब भाँति भदेसू।।
राउर राय रजायसु होई। राउरि सपथ सही सिर सोई।।
Kari kuchali sochat suraraju, bharat hath sabu kaju akaju
Gae janaku raghunath samipa, sanamane sab rabikul dipa
Samay samaj dharam abirodha, bole tab raghubans purodha
Janak bharat sambadu sunai, bharat kahauti kahi suhai
Tat ram jas ayasu dehu, so sabu karai mor mat ehu
Suni raghunath jori jug pani, bole satya saral mridu bani
Bidyaman apuni mithilesu, mor kahab sab bhanti bhadesu
Raur raya rajayasu hoi, rauri sapath sahi sir soi
297.2
Doha/soratha
राम सपथ सुनि मुनि जनकु सकुचे सभा समेत।
सकल बिलोकत भरत मुखु बनइ न उतरु देत ॥296॥
Ram sapath suni muni janaku sakuche sabha samet
Sakal bilokat bharat mukhu banai na utaru det