UtshovDoha 294
294.1
Chaupai
सुनि तन पुलकि नयन भरि बारी। बोले भरतु धीर धरि भारी।।
प्रभु प्रिय पूज्य पिता सम आपू। कुलगुरु सम हित माय न बापू।।
कौसिकादि मुनि सचिव समाजू। ग्यान अंबुनिधि आपुनु आजू।।
सिसु सेवक आयसु अनुगामी। जानि मोहि सिख देइअ स्वामी।।
एहिं समाज थल बूझब राउर। मौन मलिन मैं बोलब बाउर।।
छोटे बदन कहउँ बड़ि बाता। छमब तात लखि बाम बिधाता।।
आगम निगम प्रसिद्ध पुराना। सेवाधरमु कठिन जगु जाना।।
स्वामि धरम स्वारथहि बिरोधू। बैरु अंध प्रेमहि न प्रबोधू।।
Suni tan pulaki nayan bhari bari, bole bharatu dhir dhari bhari
Prabhu priy pujya pita sam apu, kulaguru sam hit maya na bapu
Kausikadi muni sachiv samaju, gyan ambunidhi apunu aju
Sisu sevak ayasu anugami, jani mohi sikh deia svami
Ehin samaj thal bujhab raur, maun malin main bolab baur
Chhote badan kahaum bari bata, chhamab tat lakhi bam bidhata
Agam nigam prasiddha purana, sevadharamu kathin jagu jana
Svami dharam svarathahi birodhu, bairu andh premahi na prabodhu
294.2
Doha/soratha
राखि राम रुख धरमु ब्रतु पराधीन मोहि जानि।
सब कें संमत सर्ब हित करिअ पेमु पहिचानि ॥293॥
Rakhi ram rukh dharamu bratu paradhin mohi jani
Sab ken sammat sarba hit karia pemu pahichani