UtshovDoha 319
319.1
Chaupai
बिधुबदनीं सब सब मृगलोचनि। सब निज तन छबि रति मदु मोचनि।।
पहिरें बरन बरन बर चीरा। सकल बिभूषन सजें सरीरा।।
सकल सुमंगल अंग बनाएँ। करहिं गान कलकंठि लजाएँ।।
कंकन किंकिनि नूपुर बाजहिं। चालि बिलोकि काम गज लाजहिं।।
बाजहिं बाजने बिबिध प्रकारा। नभ अरु नगर सुमंगलचारा।।
सची सारदा रमा भवानी। जे सुरतिय सुचि सहज सयानी।।
कपट नारि बर बेष बनाई। मिलीं सकल रनिवासहिं जाई।।
करहिं गान कल मंगल बानीं। हरष बिबस सब काहुँ न जानी।।
Bidhubadanin sab sab mrigalochani, sab nij tan chhabi rati madu mochani
Pahiren baran baran bar chira, sakal bibhushan sajen sarira
Sakal sumangal ang banaem, karahin gan kalakanthi lajaem
Kankan kinkini nupur bajahin, chali biloki kam gaj lajahin
Bajahin bajane bibidh prakara, nabh aru nagar sumangalachara
Sachi sarada rama bhavani, je suratiy suchi sahaj sayani
Kapat nari bar besh banai, milin sakal ranivasahin jai
Karahin gan kal mangal banin, harash bibas sab kahun na jani
319.2
Chhand
को जान केहि आनंद बस सब ब्रह्मु बर परिछन चली।
कल गान मधुर निसान बरषहिं सुमन सुर सोभा भली।।
आनंदकंदु बिलोकि दूलहु सकल हियँ हरषित भई।।
अंभोज अंबक अंबु उमगि सुअंग पुलकावलि छई।।
Ko jan kehi anand bas sab brahmu bar parichhan chali
Kal gan madhur nisan barashahin suman sur sobha bhali
Anandakandu biloki dulahu sakal hiyam harashit bhai
Ambhoj ambak ambu umagi suang pulakavali chhai
319.3
Doha/soratha
जो सुख भा सिय मातु मन देखि राम बर बेषु।
सो न सकहिं कहि कलप सत सहस सारदा सेषु ॥318॥
Jo sukh bha siy matu man dekhi ram bar beshu
So na sakahin kahi kalap sat sahas sarada seshu