UtshovDoha 318
318.1
Chaupai
जेहिं बर बाजि रामु असवारा। तेहि सारदउ न बरनै पारा।।
संकरु राम रूप अनुरागे। नयन पंचदस अति प्रिय लागे।।
हरि हित सहित रामु जब जोहे। रमा समेत रमापति मोहे।।
निरखि राम छबि बिधि हरषाने। आठइ नयन जानि पछिताने।।
सुर सेनप उर बहुत उछाहू। बिधि ते डेवढ़ लोचन लाहू।।
रामहि चितव सुरेस सुजाना। गौतम श्रापु परम हित माना।।
देव सकल सुरपतिहि सिहाहीं। आजु पुरंदर सम कोउ नाहीं।।
मुदित देवगन रामहि देखी। नृपसमाज दुहुँ हरषु बिसेषी।।
Jehin bar baji ramu asavara, tehi saradau na baranai para
Sankaru ram rup anurage, nayan panchadas ati priy lage
Hari hit sahit ramu jab johe, rama samet ramapati mohe
Nirakhi ram chhabi bidhi harashane, athai nayan jani pachhitane
Sur senap ur bahut uchhahu, bidhi te devarh lochan lahu
Ramahi chitav sures sujana, gautam shrapu param hit mana
Dev sakal surapatihi sihahin, aju purandar sam kou nahin
Mudit devagan ramahi dekhi, nripasamaj duhun harashu biseshi
318.2
Chhand
अति हरषु राजसमाज दुहु दिसि दुंदुभीं बाजहिं घनी।
बरषहिं सुमन सुर हरषि कहि जय जयति जय रघुकुलमनी।।
एहि भाँति जानि बरात आवत बाजने बहु बाजहीं।
रानि सुआसिनि बोलि परिछनि हेतु मंगल साजहीं।।
Ati harashu rajasamaj duhu disi dundubhin bajahin ghani
Barashahin suman sur harashi kahi jay jayati jay raghukulamani
Ehi bhanti jani barat avat bajane bahu bajahin
Rani suasini boli parichhani hetu mangal sajahin
318.3
Doha/soratha
सजि आरती अनेक बिधि मंगल सकल सँवारि।
चलीं मुदित परिछनि करन गजगामिनि बर नारि ॥317॥
Saji arati anek bidhi mangal sakal sanvari
Chalin mudit parichhani karan gajagamini bar nari