UtshovDoha 320
320.1
Chaupai
नयन नीरु हटि मंगल जानी। परिछनि करहिं मुदित मन रानी।।
बेद बिहित अरु कुल आचारू। कीन्ह भली बिधि सब ब्यवहारू।।
पंच सबद धुनि मंगल गाना। पट पाँवड़े परहिं बिधि नाना।।
करि आरती अरघु तिन्ह दीन्हा। राम गमनु मंडप तब कीन्हा।।
दसरथु सहित समाज बिराजे। बिभव बिलोकि लोकपति लाजे।।
समयँ समयँ सुर बरषहिं फूला। सांति पढ़हिं महिसुर अनुकूला।।
नभ अरु नगर कोलाहल होई। आपनि पर कछु सुनइ न कोई।।
एहि बिधि रामु मंडपहिं आए। अरघु देइ आसन बैठाए।।
Nayan niru hati mangal jani, parichhani karahin mudit man rani
Bed bihit aru kul acharu, kinha bhali bidhi sab byavaharu
Panch sabad dhuni mangal gana, pat panvare parahin bidhi nana
Kari arati araghu tinha dinha, ram gamanu mandap tab kinha
Dasarathu sahit samaj biraje, bibhav biloki lokapati laje
Samayam samayam sur barashahin phula, santi parhahin mahisur anukula
Nabh aru nagar kolahal hoi, apani par kachhu sunai na koi
Ehi bidhi ramu mandapahin ae, araghu dei asan baithae
320.2
Chhand
बैठारि आसन आरती करि निरखि बरु सुखु पावहीं।।
मनि बसन भूषन भूरि वारहिं नारि मंगल गावहीं।।
ब्रह्मादि सुरबर बिप्र बेष बनाइ कौतुक देखहीं।
अवलोकि रघुकुल कमल रबि छबि सुफल जीवन लेखहीं।।
Baithari asan arati kari nirakhi baru sukhu pavahin
Mani basan bhushan bhuri varahin nari mangal gavahin
Brahmadi surabar bipra besh banai kautuk dekhahin
Avaloki raghukul kamal rabi chhabi suphal jivan lekhahin
320.3
Doha/soratha
नाऊ बारी भाट नट राम निछावरि पाइ।
मुदित असीसहिं नाइ सिर हरषु न हृदयँ समाइ ॥319॥
Nau bari bhat nat ram nichhavari pai
Mudit asisahin nai sir harashu na hridayam samai