UtshovDoha 321
321.1
Chaupai
मिले जनकु दसरथु अति प्रीतीं। करि बैदिक लौकिक सब रीतीं।।
मिलत महा दोउ राज बिराजे। उपमा खोजि खोजि कबि लाजे।।
लही न कतहुँ हारि हियँ मानी। इन्ह सम एइ उपमा उर आनी।।
सामध देखि देव अनुरागे। सुमन बरषि जसु गावन लागे।।
जगु बिरंचि उपजावा जब तें। देखे सुने ब्याह बहु तब तें।।
सकल भाँति सम साजु समाजू। सम समधी देखे हम आजू।।
देव गिरा सुनि सुंदर साँची। प्रीति अलौकिक दुहु दिसि माची।।
देत पाँवड़े अरघु सुहाए। सादर जनकु मंडपहिं ल्याए।।
Mile janaku dasarathu ati pritin, kari baidik laukik sab ritin
Milat maha dou raj biraje, upama khoji khoji kabi laje
Lahi na katahun hari hiyam mani, inha sam ei upama ur ani
Samadh dekhi dev anurage, suman barashi jasu gavan lage
Jagu biranchi upajava jab ten, dekhe sune byah bahu tab ten
Sakal bhanti sam saju samaju, sam samadhi dekhe ham aju
Dev gira suni sundar sanchi, priti alaukik duhu disi machi
Det panvare araghu suhae, sadar janaku mandapahin lyae
321.2
Chhand
मंडपु बिलोकि बिचीत्र रचनाँ रुचिरताँ मुनि मन हरे।।
निज पानि जनक सुजान सब कहुँ आनि सिंघासन धरे।।
कुल इष्ट सरिस बसिष्ट पूजे बिनय करि आसिष लही।
कौसिकहि पूजत परम प्रीति कि रीति तौ न परै कही।।
Mandapu biloki bichitra rachanan ruchiratan muni man hare
Nij pani janak sujan sab kahun ani singhasan dhare
Kul ishta saris basishta puje binay kari asish lahi
Kausikahi pujat param priti ki riti tau na parai kahi
321.3
Doha/soratha
बामदेव आदिक रिषय पूजे मुदित महीस।
दिए दिब्य आसन सबहि सब सन लही असीस ॥320॥
Bamadev adik rishay puje mudit mahis
Die dibya asan sabahi sab san lahi asis