UtshovDoha 322
322.1
Chaupai
बहुरि कीन्ह कोसलपति पूजा। जानि ईस सम भाउ न दूजा।।
कीन्ह जोरि कर बिनय बड़ाई। कहि निज भाग्य बिभव बहुताई।।
पूजे भूपति सकल बराती। समधि सम सादर सब भाँती।।
आसन उचित दिए सब काहू। कहौं काह मूख एक उछाहू।।
सकल बरात जनक सनमानी। दान मान बिनती बर बानी।।
बिधि हरि हरु दिसिपति दिनराऊ। जे जानहिं रघुबीर प्रभाऊ।।
कपट बिप्र बर बेष बनाएँ। कौतुक देखहिं अति सचु पाएँ।।
पूजे जनक देव सम जानें। दिए सुआसन बिनु पहिचानें।।
Bahuri kinha kosalapati puja, jani is sam bhau na duja
Kinha jori kar binay barai, kahi nij bhagya bibhav bahutai
Puje bhupati sakal barati, samadhi sam sadar sab bhanti
Asan uchit die sab kahu, kahaun kah mukh ek uchhahu
Sakal barat janak sanamani, dan man binati bar bani
Bidhi hari haru disipati dinarau, je janahin raghubir prabhau
Kapat bipra bar besh banaem, kautuk dekhahin ati sachu paem
Puje janak dev sam janen, die suasan binu pahichanen
322.2
Chhand
पहिचान को केहि जान सबहिं अपान सुधि भोरी भई।
आनंद कंदु बिलोकि दूलहु उभय दिसि आनँद मई।।
सुर लखे राम सुजान पूजे मानसिक आसन दए।
अवलोकि सीलु सुभाउ प्रभु को बिबुध मन प्रमुदित भए।।
Pahichan ko kehi jan sabahin apan sudhi bhori bhai
Anand kandu biloki dulahu ubhay disi anand mai
Sur lakhe ram sujan puje manasik asan dae
Avaloki silu subhau prabhu ko bibudh man pramudit bhae
322.3
Doha/soratha
रामचंद्र मुख चंद्र छबि लोचन चारु चकोर।
करत पान सादर सकल प्रेमु प्रमोदु न थोर ॥321॥
Ramachandra mukh chandra chhabi lochan charu chakor
Karat pan sadar sakal premu pramodu na thor