UtshovDoha 323
323.1
Chaupai
समउ बिलोकि बसिष्ठ बोलाए। सादर सतानंदु सुनि आए।।
बेगि कुअँरि अब आनहु जाई। चले मुदित मुनि आयसु पाई।।
रानी सुनि उपरोहित बानी। प्रमुदित सखिन्ह समेत सयानी।।
बिप्र बधू कुलबृद्ध बोलाईं। करि कुल रीति सुमंगल गाईं।।
नारि बेष जे सुर बर बामा। सकल सुभायँ सुंदरी स्यामा।।
तिन्हहि देखि सुखु पावहिं नारीं। बिनु पहिचानि प्रानहु ते प्यारीं।।
बार बार सनमानहिं रानी। उमा रमा सारद सम जानी।।
सीय सँवारि समाजु बनाई। मुदित मंडपहिं चलीं लवाई।।
Samau biloki basishtha bolae, sadar satanandu suni ae
Begi kuanri ab anahu jai, chale mudit muni ayasu pai
Rani suni uparohit bani, pramudit sakhinha samet sayani
Bipra badhu kulabriddha bolaim, kari kul riti sumangal gaim
Nari besh je sur bar bama, sakal subhayam sundari syama
Tinhahi dekhi sukhu pavahin narin, binu pahichani pranahu te pyarin
Bar bar sanamanahin rani, uma rama sarad sam jani
Siy sanvari samaju banai, mudit mandapahin chalin lavai
323.2
Chhand
चलि ल्याइ सीतहि सखीं सादर सजि सुमंगल भामिनीं।
नवसप्त साजें सुंदरी सब मत्त कुंजर गामिनीं।।
कल गान सुनि मुनि ध्यान त्यागहिं काम कोकिल लाजहीं।
मंजीर नूपुर कलित कंकन ताल गती बर बाजहीं।।
Chali lyai sitahi sakhin sadar saji sumangal bhaminin
Navasapta sajen sundari sab matta kunjar gaminin
Kal gan suni muni dhyan tyagahin kam kokil lajahin
Manjir nupur kalit kankan tal gati bar bajahin
323.3
Doha/soratha
सोहति बनिता बृंद महुँ सहज सुहावनि सीय।
छबि ललना गन मध्य जनु सुषमा तिय कमनीय ॥322॥
Sohati banita brind mahun sahaj suhavani siy
Chhabi lalana gan madhya janu sushama tiy kamaniy