UtshovDoha 306
306.1
Chaupai
कनक कलस भरि कोपर थारा। भाजन ललित अनेक प्रकारा।।
भरे सुधासम सब पकवाने। नाना भाँति न जाहिं बखाने।।
फल अनेक बर बस्तु सुहाईं। हरषि भेंट हित भूप पठाईं।।
भूषन बसन महामनि नाना। खग मृग हय गय बहुबिधि जाना।।
मंगल सगुन सुगंध सुहाए। बहुत भाँति महिपाल पठाए।।
दधि चिउरा उपहार अपारा। भरि भरि काँवरि चले कहारा।।
अगवानन्ह जब दीखि बराता।उर आनंदु पुलक भर गाता।।
देखि बनाव सहित अगवाना। मुदित बरातिन्ह हने निसाना।।
Kanak kalas bhari kopar thara, bhajan lalit anek prakara
Bhare sudhasam sab pakavane, nana bhanti na jahin bakhane
Phal anek bar bastu suhaim, harashi bhent hit bhup pathaim
Bhushan basan mahamani nana, khag mrig hay gay bahubidhi jana
Mangal sagun sugandh suhae, bahut bhanti mahipal pathae
Dadhi chiura upahar apara, bhari bhari kanvari chale kahara
Agavananha jab dikhi barata, ur anandu pulak bhar gata
Dekhi banav sahit agavana, mudit baratinha hane nisana
306.2
Doha/soratha
हरषि परसपर मिलन हित कछुक चले बगमेल।
जनु आनंद समुद्र दुइ मिलत बिहाइ सुबेल ॥305॥
Harashi parasapar milan hit kachhuk chale bagamel
Janu anand samudra dui milat bihai subel