UtshovDoha 305
305.1
Chaupai
मंगल सगुन सुगम सब ताकें। सगुन ब्रह्म सुंदर सुत जाकें।।
राम सरिस बरु दुलहिनि सीता। समधी दसरथु जनकु पुनीता।।
सुनि अस ब्याहु सगुन सब नाचे। अब कीन्हे बिरंचि हम साँचे।।
एहि बिधि कीन्ह बरात पयाना। हय गय गाजहिं हने निसाना।।
आवत जानि भानुकुल केतू। सरितन्हि जनक बँधाए सेतू।।
बीच बीच बर बास बनाए। सुरपुर सरिस संपदा छाए।।
असन सयन बर बसन सुहाए। पावहिं सब निज निज मन भाए।।
नित नूतन सुख लखि अनुकूले। सकल बरातिन्ह मंदिर भूले।।
Mangal sagun sugam sab taken, sagun brahma sundar sut jaken
Ram saris baru dulahini sita, samadhi dasarathu janaku punita
Suni as byahu sagun sab nache, ab kinhe biranchi ham sanche
Ehi bidhi kinha barat payana, hay gay gajahin hane nisana
Avat jani bhanukul ketu, saritanhi janak bandhae setu
Bich bich bar bas banae, surapur saris sampada chhae
Asan sayan bar basan suhae, pavahin sab nij nij man bhae
Nit nutan sukh lakhi anukule, sakal baratinha mandir bhule
305.2
Doha/soratha
आवत जानि बरात बर सुनि गहगहे निसान।
सजि गज रथ पदचर तुरग लेन चले अगवान ॥304॥
Avat jani barat bar suni gahagahe nisan
Saji gaj rath padachar turag len chale agavan