UtshovDoha 307
307.1
Chaupai
बरषि सुमन सुर सुंदरि गावहिं। मुदित देव दुंदुभीं बजावहिं।।
बस्तु सकल राखीं नृप आगें। बिनय कीन्ह तिन्ह अति अनुरागें।।
प्रेम समेत रायँ सबु लीन्हा। भै बकसीस जाचकन्हि दीन्हा।।
करि पूजा मान्यता बड़ाई। जनवासे कहुँ चले लवाई।।
बसन बिचित्र पाँवड़े परहीं। देखि धनहु धन मदु परिहरहीं।।
अति सुंदर दीन्हेउ जनवासा। जहँ सब कहुँ सब भाँति सुपासा।।
जानी सियँ बरात पुर आई। कछु निज महिमा प्रगटि जनाई।।
हृदयँ सुमिरि सब सिद्धि बोलाई। भूप पहुनई करन पठाई।।
Barashi suman sur sundari gavahin, mudit dev dundubhin bajavahin
Bastu sakal rakhin nrip agen, binay kinha tinha ati anuragen
Prem samet rayam sabu linha, bhai bakasis jachakanhi dinha
Kari puja manyata barai, janavase kahun chale lavai
Basan bichitra panvare parahin, dekhi dhanahu dhan madu pariharahin
Ati sundar dinheu janavasa, jaham sab kahun sab bhanti supasa
Jani siyam barat pur ai, kachhu nij mahima pragati janai
Hridayam sumiri sab siddhi bolai, bhup pahunai karan pathai
307.2
Doha/soratha
सिधि सब सिय आयसु अकनि गईं जहाँ जनवास।
लिएँ संपदा सकल सुख सुरपुर भोग बिलास ॥306॥
Sidhi sab siy ayasu akani gaim jahan janavas
Liem sampada sakal sukh surapur bhog bilas