UtshovDoha 121
121.1
Chaupai
ससि कर सम सुनि गिरा तुम्हारी। मिटा मोह सरदातप भारी।।
तुम्ह कृपाल सबु संसउ हरेऊ। राम स्वरुप जानि मोहि परेऊ।।
नाथ कृपाँ अब गयउ बिषादा। सुखी भयउँ प्रभु चरन प्रसादा।।
अब मोहि आपनि किंकरि जानी। जदपि सहज जड नारि अयानी।।
प्रथम जो मैं पूछा सोइ कहहू। जौं मो पर प्रसन्न प्रभु अहहू।।
राम ब्रह्म चिनमय अबिनासी। सर्ब रहित सब उर पुर बासी।।
नाथ धरेउ नरतनु केहि हेतू। मोहि समुझाइ कहहु बृषकेतू।।
उमा बचन सुनि परम बिनीता। रामकथा पर प्रीति पुनीता।।
Sasi kar sam suni gira tumhari, mita moh saradatap bhari
Tumha kripal sabu sansau hareu, ram svarup jani mohi pareu
Nath kripan ab gayau bishada, sukhi bhayaum prabhu charan prasada
Ab mohi apani kinkari jani, jadapi sahaj jad nari ayani
Pratham jo main puchha soi kahahu, jaun mo par prasanna prabhu ahahu
Ram brahma chinamay abinasi, sarba rahit sab ur pur basi
Nath dhareu naratanu kehi hetu, mohi samujhai kahahu brishaketu
Uma bachan suni param binita, ramakatha par priti punita
121.2
Doha/soratha
हिंयँ हरषे कामारि तब संकर सहज सुजान
बहु बिधि उमहि प्रसंसि पुनि बोले कृपानिधान ॥120(क)॥
Hinyam harashe kamari tab sankar sahaj sujan
Bahu bidhi umahi prasansi puni bole kripanidhan, 120(ka)
121.3
Doha/soratha
सुनु सुभ कथा भवानि रामचरितमानस बिमल।
कहा भुसुंडि बखानि सुना बिहग नायक गरुड ॥120(ख)॥
Sunu subh katha bhavani ramacharitamanas bimal
Kaha bhusundi bakhani suna bihag nayak garud, 120(kh)
121.4
Doha/soratha
सो संबाद उदार जेहि बिधि भा आगें कहब।
सुनहु राम अवतार चरित परम सुंदर अनघ ॥120(ग)॥
So sambad udar jehi bidhi bha agen kahab
Sunahu ram avatar charit param sundar anagh, 120(ga)
121.5
Doha/soratha
हरि गुन नाम अपार कथा रूप अगनित अमित।
मैं निज मति अनुसार कहउँ उमा सादर सुनहु ॥120॥
Hari gun nam apar katha rup aganit amit
Main nij mati anusar kahaum uma sadar sunahu