UtshovDoha 122
122.1
Chaupai
सुनु गिरिजा हरिचरित सुहाए। बिपुल बिसद निगमागम गाए।।
हरि अवतार हेतु जेहि होई। इदमित्थं कहि जाइ न सोई।।
राम अर्तक्य बुद्धि मन बानी। मत हमार अस सुनहि सयानी।।
तदपि संत मुनि बेद पुराना। जस कछु कहहिं स्वमति अनुमाना।।
तस मैं सुमुखि सुनावउँ तोही। समुझि परइ जस कारन मोही।।
जब जब होइ धरम कै हानी। बाढहिं असुर अधम अभिमानी।।
करहिं अनीति जाइ नहिं बरनी। सीदहिं बिप्र धेनु सुर धरनी।।
तब तब प्रभु धरि बिबिध सरीरा। हरहि कृपानिधि सज्जन पीरा।।
Sunu girija haricharit suhae, bipul bisad nigamagam gae
Hari avatar hetu jehi hoi, idamittham kahi jai na soi
Ram artakya buddhi man bani, mat hamar as sunahi sayani
Tadapi sant muni bed purana, jas kachhu kahahin svamati anumana
Tas main sumukhi sunavaum tohi, samujhi parai jas karan mohi
Jab jab hoi dharam kai hani, badhahin asur adham abhimani
Karahin aniti jai nahin barani, sidahin bipra dhenu sur dharani
Tab tab prabhu dhari bibidh sarira, harahi kripanidhi sajjan pira
122.2
Doha/soratha
असुर मारि थापहिं सुरन्ह राखहिं निज श्रुति सेतु।
जग बिस्तारहिं बिसद जस राम जन्म कर हेतु ॥121॥
Asur mari thapahin suranha rakhahin nij shruti setu
Jag bistarahin bisad jas ram janma kar hetu