UtshovDoha 123
123.1
Chaupai
सोइ जस गाइ भगत भव तरहीं। कृपासिंधु जन हित तनु धरहीं।।
राम जनम के हेतु अनेका। परम बिचित्र एक तें एका।।
जनम एक दुइ कहउँ बखानी। सावधान सुनु सुमति भवानी।।
द्वारपाल हरि के प्रिय दोऊ। जय अरु बिजय जान सब कोऊ।।
बिप्र श्राप तें दूनउ भाई। तामस असुर देह तिन्ह पाई।।
कनककसिपु अरु हाटक लोचन। जगत बिदित सुरपति मद मोचन।।
बिजई समर बीर बिख्याता। धरि बराह बपु एक निपाता।।
होइ नरहरि दूसर पुनि मारा। जन प्रहलाद सुजस बिस्तारा।।
Soi jas gai bhagat bhav tarahin, kripasindhu jan hit tanu dharahin
Ram janam ke hetu aneka, param bichitra ek ten eka
Janam ek dui kahaum bakhani, savadhan sunu sumati bhavani
Dvarapal hari ke priy dou, jay aru bijay jan sab kou
Bipra shrap ten dunau bhai, tamas asur deh tinha pai
Kanakakasipu aru hatak lochan, jagat bidit surapati mad mochan
Bijai samar bir bikhyata, dhari barah bapu ek nipata
Hoi narahari dusar puni mara, jan prahalad sujas bistara
123.2
Doha/soratha
भए निसाचर जाइ तेइ महाबीर बलवान।
कुंभकरन रावण सुभट सुर बिजई जग जान ॥122॥
Bhae nisachar jai tei mahabir balavan
Kumbhakaran ravan subhat sur bijai jag jan