UtshovDoha 124
124.1
Chaupai
मुकुत न भए हते भगवाना। तीनि जनम द्विज बचन प्रवाना।।
एक बार तिन्ह के हित लागी। धरेउ सरीर भगत अनुरागी।।
कस्यप अदिति तहाँ पितु माता। दसरथ कौसल्या बिख्याता।।
एक कलप एहि बिधि अवतारा। चरित्र पवित्र किए संसारा।।
एक कलप सुर देखि दुखारे। समर जलंधर सन सब हारे।।
संभु कीन्ह संग्राम अपारा। दनुज महाबल मरइ न मारा।।
परम सती असुराधिप नारी। तेहि बल ताहि न जितहिं पुरारी।।
Mukut na bhae hate bhagavana, tini janam dvij bachan pravana
Ek bar tinha ke hit lagi, dhareu sarir bhagat anuragi
Kasyap aditi tahan pitu mata, dasarath kausalya bikhyata
Ek kalap ehi bidhi avatara, charitra pavitra kie sansara
Ek kalap sur dekhi dukhare, samar jalandhar san sab hare
Sambhu kinha sangram apara, danuj mahabal marai na mara
Param sati asuradhip nari, tehi bal tahi na jitahin purari
124.2
Doha/soratha
छल करि टारेउ तासु ब्रत प्रभु सुर कारज कीन्ह।।
जब तेहि जानेउ मरम तब श्राप कोप करि दीन्ह ॥123॥
Chhal kari tareu tasu brat prabhu sur karaj kinha
Jab tehi janeu maram tab shrap kop kari dinha