UtshovDoha 120
120.1
Chaupai
कासीं मरत जंतु अवलोकी। जासु नाम बल करउँ बिसोकी।।
सोइ प्रभु मोर चराचर स्वामी। रघुबर सब उर अंतरजामी।।
बिबसहुँ जासु नाम नर कहहीं। जनम अनेक रचित अघ दहहीं।।
सादर सुमिरन जे नर करहीं। भव बारिधि गोपद इव तरहीं।।
राम सो परमातमा भवानी। तहँ भ्रम अति अबिहित तव बानी।।
अस संसय आनत उर माहीं। ग्यान बिराग सकल गुन जाहीं।।
सुनि सिव के भ्रम भंजन बचना। मिटि गै सब कुतरक कै रचना।।
भइ रघुपति पद प्रीति प्रतीती। दारुन असंभावना बीती।।
Kasin marat jantu avaloki, jasu nam bal karaum bisoki
Soi prabhu mor charachar svami, raghubar sab ur antarajami
Bibasahun jasu nam nar kahahin, janam anek rachit agh dahahin
Sadar sumiran je nar karahin, bhav baridhi gopad iv tarahin
Ram so paramatama bhavani, taham bhram ati abihit tav bani
As sansay anat ur mahin, gyan birag sakal gun jahin
Suni siv ke bhram bhanjan bachana, miti gai sab kutarak kai rachana
Bhai raghupati pad priti pratiti, darun asambhavana biti
120.2
Doha/soratha
पुनि पुनि प्रभु पद कमल गहि जोरि पंकरुह पानि।
बोली गिरिजा बचन बर मनहुँ प्रेम रस सानि ॥119॥
Puni puni prabhu pad kamal gahi jori pankaruh pani
Boli girija bachan bar manahun prem ras sani