UtshovDoha 119
119.1
Chaupai
एहि बिधि जग हरि आश्रित रहई। जदपि असत्य देत दुख अहई।।
जौं सपनें सिर काटै कोई। बिनु जागें न दूरि दुख होई।।
जासु कृपाँ अस भ्रम मिटि जाई। गिरिजा सोइ कृपाल रघुराई।।
आदि अंत कोउ जासु न पावा। मति अनुमानि निगम अस गावा।।
बिनु पद चलइ सुनइ बिनु काना। कर बिनु करम करइ बिधि नाना।।
आनन रहित सकल रस भोगी। बिनु बानी बकता बड़ जोगी।।
तनु बिनु परस नयन बिनु देखा। ग्रहइ घ्रान बिनु बास असेषा।।
असि सब भाँति अलौकिक करनी। महिमा जासु जाइ नहिं बरनी।।
Ehi bidhi jag hari ashrit rahai, jadapi asatya det dukh ahai
Jaun sapanen sir katai koi, binu jagen na duri dukh hoi
Jasu kripan as bhram miti jai, girija soi kripal raghurai
Adi ant kou jasu na pava, mati anumani nigam as gava
Binu pad chalai sunai binu kana, kar binu karam karai bidhi nana
Anan rahit sakal ras bhogi, binu bani bakata bar jogi
Tanu binu paras nayan binu dekha, grahai ghran binu bas asesha
Asi sab bhanti alaukik karani, mahima jasu jai nahin barani
119.2
Doha/soratha
जेहि इमि गावहि बेद बुध जाहि धरहिं मुनि ध्यान।।
सोइ दसरथ सुत भगत हित कोसलपति भगवान ॥118॥
Jehi imi gavahi bed budh jahi dharahin muni dhyan
Soi dasarath sut bhagat hit kosalapati bhagavan