UtshovChapter 63
63.1
संजय उवाच
तस्यां निशायां व्युष्टायां द्रोणः शस्त्रभृतां वरः
स्वान्यनीकानि सर्वाणि प्राक्रामद्व्यूहितुं ततः
Sanjaya uvacha
Tasyam nishayam vyushtayam dronah shastrabhritam varah
Svanyanikani sarvani prakramadvyuhitum tatah
63.2
शूराणां गर्जतां राजन्संक्रुद्धानाममर्षिणाम्
श्रूयन्ते स्म गिरश्चित्राः परस्परवधैषिणाम्
Shuranam garjatam rajansankruddhanamamarshinam
Shruyante sma girashchitrah parasparavadhaishinam
63.3
विस्फार्य च धनूंष्याजौ ज्याः करैः परिमृज्य च
विनिःश्वसन्तः प्राक्रोशन्क्वेदानीं स धनंजयः
Vispharya cha dhanunshyajau jyah karaih parimrijya cha
Vinihshvasantah prakroshankvedanim sa dhananjayah
63.4
विकोशान्सुत्सरूनन्ये कृतधारान्समाहितान्
पीतानाकाशसंकाशानसीन्केचिच्च चिक्षिपुः
Vikoshansutsarunanye kritadharansamahitan
Pitanakashasankashanasinkechichcha chikshipuh
63.5
चरन्तस्त्वसिमार्गांश्च धनुर्मार्गांश्च शिक्षया
संग्राममनसः शूरा दृश्यन्ते स्म सहस्रशः
Charantastvasimarganshcha dhanurmarganshcha shikshaya
Sangramamanasah shura drishyante sma sahasrashah
63.6
सघण्टाश्चन्दनादिग्धाः स्वर्णवज्रविभूषिताः
समुत्क्षिप्य गदाश्चान्ये पर्यपृच्छन्त पाण्डवम्
Saghantashchandanadigdhah svarnavajravibhushitah
Samutkshipya gadashchanye paryaprichchhanta pandavam
63.7
अन्ये बलमदोन्मत्ताः परिघैर्बाहुशालिनः
चक्रुः संबाधमाकाशमुच्छ्रितेन्द्रध्वजोपमैः
Anye balamadonmattah parighairbahushalinah
Chakruh sambadhamakashamuchchhritendradhvajopamaih
63.8
नानाप्रहरणैश्चान्ये विचित्रस्रगलंकृताः
संग्राममनसः शूरास्तत्र तत्र व्यवस्थिताः
Nanapraharanaishchanye vichitrasragalankritah
Sangramamanasah shurastatra tatra vyavasthitah
63.9
क्वार्जुनः क्व च गोविन्दः क्व च मानी वृकोदरः
क्व च ते सुहृदस्तेषामाह्वयन्तो रणे तदा
Kvarjunah kva cha govindah kva cha mani vrikodarah
Kva cha te suhridasteshamahvayanto rane tada
63.10
ततः शङ्खमुपाध्माय त्वरयन्वाजिनः स्वयम्
इतस्ततस्तान्रचयन्द्रोणश्चरति वेगितः
Tatah shankhamupadhmaya tvarayanvajinah svayam
Itastatastanrachayandronashcharati vegitah
63.11
तेष्वनीकेषु सर्वेषु स्थितेष्वाहवनन्दिषु
भारद्वाजो महाराज जयद्रथमथाब्रवीत्
Teshvanikeshu sarveshu sthiteshvahavanandishu
Bharadvajo maharaja jayadrathamathabravit
63.12
त्वं चैव सौमदत्तिश्च कर्णश्चैव महारथः
अश्वत्थामा च शल्यश्च वृषसेनः कृपस्तथा
Tvam chaiva saumadattishcha karnashchaiva maharathah
Ashvatthama cha shalyashcha vrishasenah kripastatha
63.13
शतं चाश्वसहस्राणां रथानामयुतानि षट्
द्विरदानां प्रभिन्नानां सहस्राणि चतुर्दश
Shatam chashvasahasranam rathanamayutani shat
Dviradanam prabhinnanam sahasrani chaturdasha
63.14
पदातीनां सहस्राणि दंशितान्येकविंशतिः
गव्यूतिषु त्रिमात्रेषु मामनासाद्य तिष्ठत
Padatinam sahasrani danshitanyekavinshatih
Gavyutishu trimatreshu mamanasadya tishthata
63.15
तत्रस्थं त्वां न संसोढुं शक्ता देवाः सवासवाः
किं पुनः पाण्डवाः सर्वे समाश्वसिहि सैन्धव
Tatrastham tvam na sansodhum shakta devah savasavah
Kim punah pandavah sarve samashvasihi saindhava
63.16
एवमुक्तः समाश्वस्तः सिन्धुराजो जयद्रथः
संप्रायात्सह गान्धारैर्वृतस्तैश्च महारथैः
वर्मिभिः सादिभिर्यत्तैः प्रासपाणिभिरास्थितैः
Evamuktah samashvastah sindhurajo jayadrathah
Samprayatsaha gandharairvritastaishcha maharathaih
Varmibhih sadibhiryattaih prasapanibhirasthitaih
63.17
चामरापीडिनः सर्वे जाम्बूनदविभूषिताः
जयद्रथस्य राजेन्द्र हयाः साधुप्रवाहिनः
ते चैव सप्तसाहस्रा द्विसाहस्राश्च सैन्धवाः
Chamarapidinah sarve jambunadavibhushitah
Jayadrathasya rajendra hayah sadhupravahinah
Te chaiva saptasahasra dvisahasrashcha saindhavah
63.18
मत्तानामधिरूढानां हस्त्यारोहैर्विशारदैः
नागानां भीमरूपाणां वर्मिणां रौद्रकर्मिणाम्
Mattanamadhirudhanam hastyarohairvisharadaih
Naganam bhimarupanam varminam raudrakarminam
63.19
अध्यर्धेन सहस्रेण पुत्रो दुर्मर्षणस्तव
अग्रतः सर्वसैन्यानां योत्स्यमानो व्यवस्थितः
Adhyardhena sahasrena putro durmarshanastava
Agratah sarvasainyanam yotsyamano vyavasthitah
63.20
ततो दुःशासनश्चैव विकर्णश्च तवात्मजौ
सिन्धुराजार्थसिद्ध्यर्थमग्रानीके व्यवस्थितौ
Tato duhshasanashchaiva vikarnashcha tavatmajau
Sindhurajarthasiddhyarthamagranike vyavasthitau
63.21
दीर्घो द्वादशगव्यूतिः पश्चार्धे पञ्च विस्तृतः
व्यूहः स चक्रशकटो भारद्वाजेन निर्मितः
Dirgho dvadashagavyutih pashchardhe pancha vistritah
Vyuhah sa chakrashakato bharadvajena nirmitah
63.22
नानानृपतिभिर्वीरैस्तत्र तत्र व्यवस्थितैः
रथाश्वगजपत्त्योघैर्द्रोणेन विहितः स्वयम्
Nananripatibhirviraistatra tatra vyavasthitaih
Rathashvagajapattyoghairdronena vihitah svayam
63.23
पश्चार्धे तस्य पद्मस्तु गर्भव्यूहः सुदुर्भिदः
सूची पद्मस्य मध्यस्थो गूढो व्यूहः पुनः कृतः
Pashchardhe tasya padmastu garbhavyuhah sudurbhidah
Suchi padmasya madhyastho gudho vyuhah punah kritah
63.24
एवमेतं महाव्यूहं व्यूह्य द्रोणो व्यवस्थितः
सूचीमुखे महेष्वासः कृतवर्मा व्यवस्थितः
Evametam mahavyuham vyuhya drono vyavasthitah
Suchimukhe maheshvasah kritavarma vyavasthitah
63.25
अनन्तरं च काम्बोजो जलसंधश्च मारिष
दुर्योधनः सहामात्यस्तदनन्तरमेव च
Anantaram cha kambojo jalasandhashcha marisha
Duryodhanah sahamatyastadanantarameva cha
63.26
ततः शतसहस्राणि योधानामनिवर्तिनाम्
व्यवस्थितानि सर्वाणि शकटे सूचिरक्षिणः
Tatah shatasahasrani yodhanamanivartinam
Vyavasthitani sarvani shakate suchirakshinah
63.27
तेषां च पृष्ठतो राज बलेन महता वृतः
जयद्रथस्ततो राजन्सूचिपाशे व्यवस्थितः
Tesham cha prishthato raja balena mahata vritah
Jayadrathastato rajansuchipashe vyavasthitah
63.28
शकटस्य तु राजेन्द्र भारद्वाजो मुखे स्थितः
अनु तस्याभवद्भोजो जुगोपैनं ततः स्वयम्
Shakatasya tu rajendra bharadvajo mukhe sthitah
Anu tasyabhavadbhojo jugopainam tatah svayam
63.29
श्वेतवर्माम्बरोष्णीषो व्यूढोरस्को महाभुजः
धनुर्विस्फारयन्द्रोणस्तस्थौ क्रुद्ध इवान्तकः
Shvetavarmambaroshnisho vyudhorasko mahabhujah
Dhanurvispharayandronastasthau kruddha ivantakah
63.30
पताकिनं शोणहयं वेदीकृष्णाजिनध्वजम्
द्रोणस्य रथमालोक्य प्रहृष्टाः कुरवोऽभवन्
Patakinam shonahayam vedikrishnajinadhvajam
Dronasya rathamalokya prahrishtah kuravobhavan
63.31
सिद्धचारणसंघानां विस्मयः सुमहानभूत्
द्रोणेन विहितं दृष्ट्वा व्यूहं क्षुब्धार्णवोपमम्
Siddhacharanasanghanam vismayah sumahanabhut
Dronena vihitam drishtva vyuham kshubdharnavopamam
63.32
सशैलसागरवनां नानाजनपदाकुलाम्
ग्रसेद्व्यूहः क्षितिं सर्वामिति भूतानि मेनिरे
Sashailasagaravanam nanajanapadakulam
Grasedvyuhah kshitim sarvamiti bhutani menire
63.33
बहुरथमनुजाश्वपत्तिनागं; प्रतिभयनिस्वनमद्भुताभरूपम्
अहितहृदयभेदनं महद्वै; शकटमवेक्ष्य कृतं ननन्द राजा
Bahurathamanujashvapattinagam; pratibhayanisvanamadbhutabharupam
Ahitahridayabhedanam mahadvai; shakatamavekshya kritam nananda raja