UtshovChapter 23
23.1
धृतराष्ट्र उवाच
व्यथयेयुरिमे सेनां देवानामपि संयुगे
आहवे ये न्यवर्तन्त वृकोदरमुखा रथाः
Dhritarashtra uvacha
Vyathayeyurime senam devanamapi sanyuge
Ahave ye nyavartanta vrikodaramukha rathah
23.2
संप्रयुक्तः किलैवायं दिष्टैर्भवति पूरुषः
तस्मिन्नेव तु सर्वार्था दृश्यन्ते वै पृथग्विधाः
Samprayuktah kilaivayam dishtairbhavati purushah
Tasminneva tu sarvartha drishyante vai prithagvidhah
23.3
दीर्घं विप्रोषितः कालमरण्ये जटिलोऽजिनी
अज्ञातश्चैव लोकस्य विजहार युधिष्ठिरः
Dirgham viproshitah kalamaranye jatilojini
Agyatashchaiva lokasya vijahara yudhishthirah
23.4
स एव महतीं सेनां समावर्तयदाहवे
किमन्यद्दैवसंयोगान्मम पुत्रस्य चाभवत्
Sa eva mahatim senam samavartayadahave
Kimanyaddaivasanyoganmama putrasya chabhavat
23.5
युक्त एव हि भाग्येन ध्रुवमुत्पद्यते नरः
स तथाकृष्यते तेन न यथा स्वयमिच्छति
Yukta eva hi bhagyena dhruvamutpadyate narah
Sa tathakrishyate tena na yatha svayamichchhati
23.6
द्यूतव्यसनमासाद्य क्लेशितो हि युधिष्ठिरः
स पुनर्भागधेयेन सहायानुपलब्धवान्
Dyutavyasanamasadya kleshito hi yudhishthirah
Sa punarbhagadheyena sahayanupalabdhavan
23.7
अर्धं मे केकया लब्धाः काशिकाः कोसलाश्च ये
चेदयश्चापरे वङ्गा मामेव समुपाश्रिताः
Ardham me kekaya labdhah kashikah kosalashcha ye
Chedayashchapare vanga mameva samupashritah
23.8
पृथिवी भूयसी तात मम पार्थस्य नो तथा
इति मामब्रवीत्सूत मन्दो दुर्योधनस्तदा
Prithivi bhuyasi tata mama parthasya no tatha
Iti mamabravitsuta mando duryodhanastada
23.9
तस्य सेनासमूहस्य मध्ये द्रोणः सुरक्षितः
निहतः पार्षतेनाजौ किमन्यद्भागधेयतः
Tasya senasamuhasya madhye dronah surakshitah
Nihatah parshatenajau kimanyadbhagadheyatah
23.10
मध्ये राज्ञां महाबाहुं सदा युद्धाभिनन्दिनम्
सर्वास्त्रपारगं द्रोणं कथं मृत्युरुपेयिवान्
Madhye ragyam mahabahum sada yuddhabhinandinam
Sarvastraparagam dronam katham mrityurupeyivan
23.11
समनुप्राप्तकृच्छ्रोऽहं संमोहं परमं गतः
भीष्मद्रोणौ हतौ श्रुत्वा नाहं जीवितुमुत्सहे
Samanupraptakrichchhroham sammoham paramam gatah
Bhishmadronau hatau shrutva naham jivitumutsahe
23.12
यन्मा क्षत्ताब्रवीत्तात प्रपश्यन्पुत्रगृद्धिनम्
दुर्योधनेन तत्सर्वं प्राप्तं सूत मया सह
Yanma kshattabravittata prapashyanputragriddhinam
Duryodhanena tatsarvam praptam suta maya saha
23.13
नृशंसं तु परं तत्स्यात्त्यक्त्वा दुर्योधनं यदि
पुत्रशेषं चिकीर्षेयं कृच्छ्रं न मरणं भवेत्
Nrishansam tu param tatsyattyaktva duryodhanam yadi
Putrashesham chikirsheyam krichchhram na maranam bhavet
23.14
यो हि धर्मं परित्यज्य भवत्यर्थपरो नरः
सोऽस्माच्च हीयते लोकात्क्षुद्रभावं च गच्छति
Yo hi dharmam parityajya bhavatyarthaparo narah
Sosmachcha hiyate lokatkshudrabhavam cha gachchhati
23.15
अद्य चाप्यस्य राष्ट्रस्य हतोत्साहस्य संजय
अवशेषं न पश्यामि ककुदे मृदिते सति
Adya chapyasya rashtrasya hatotsahasya sanjaya
Avashesham na pashyami kakude mridite sati
23.16
कथं स्यादवशेषं हि धुर्ययोरभ्यतीतयोः
यौ नित्यमनुजीवामः क्षमिणौ पुरुषर्षभौ
Katham syadavashesham hi dhuryayorabhyatitayoh
Yau nityamanujivamah kshaminau purusharshabhau
23.17
व्यक्तमेव च मे शंस यथा युद्धमवर्तत
केऽयुध्यन्के व्यपाकर्षन्के क्षुद्राः प्राद्रवन्भयात्
Vyaktameva cha me shansa yatha yuddhamavartata
Keyudhyanke vyapakarshanke kshudrah pradravanbhayat
23.18
धनंजयं च मे शंस यद्यच्चक्रे रथर्षभः
तस्माद्भयं नो भूयिष्ठं भ्रातृव्याच्च विशेषतः
Dhananjayam cha me shansa yadyachchakre ratharshabhah
Tasmadbhayam no bhuyishtham bhratrivyachcha visheshatah
23.19
यथासीच्च निवृत्तेषु पाण्डवेषु च संजय
मम सैन्यावशेषस्य संनिपातः सुदारुणः
मामकानां च ये शूराः कांस्तत्र समवारयन्
Yathasichcha nivritteshu pandaveshu cha sanjaya
Mama sainyavasheshasya sannipatah sudarunah
Mamakanam cha ye shurah kanstatra samavarayan