UtshovChapter 151
151.1
संजय उवाच
तस्मिंस्तथा वर्तमाने कर्णराक्षसयोर्मृधे
अलायुधो राक्षसेन्द्रो वीर्यवानभ्यवर्तत
Sanjaya uvacha
Tasminstatha vartamane karnarakshasayormridhe
Alayudho rakshasendro viryavanabhyavartata
151.2
महत्या सेनया युक्तः सुयोधनमुपागमत्
राक्षसानां विरूपाणां सहस्रैः परिवारितः
नानारूपधरैर्वीरैः पूर्ववैरमनुस्मरन्
Mahatya senaya yuktah suyodhanamupagamat
Rakshasanam virupanam sahasraih parivaritah
Nanarupadharairviraih purvavairamanusmaran
151.3
तस्य ज्ञातिर्हि विक्रान्तो ब्राह्मणादो बको हतः
किर्मीरश्च महातेजा हिडिम्बश्च सखा तथा
Tasya gyatirhi vikranto brahmanado bako hatah
Kirmirashcha mahateja hidimbashcha sakha tatha
151.4
स दीर्घकालाध्युषितं पूर्ववैरमनुस्मरन्
विज्ञायैतन्निशायुद्धं जिघांसुर्भीममाहवे
Sa dirghakaladhyushitam purvavairamanusmaran
Vigyayaitannishayuddham jighansurbhimamahave
151.5
स मत्त इव मातङ्गः संक्रुद्ध इव चोरगः
दुर्योधनमिदं वाक्यमब्रवीद्युद्धलालसः
Sa matta iva matangah sankruddha iva choragah
Duryodhanamidam vakyamabravidyuddhalalasah
151.6
विदितं ते महाराज यथा भीमेन राक्षसाः
हिडिम्बबककिर्मीरा निहता मम बान्धवाः
Viditam te maharaja yatha bhimena rakshasah
Hidimbabakakirmira nihata mama bandhavah
151.7
परामर्शश्च कन्याया हिडिम्बायाः कृतः पुरा
किमन्यद्राक्षसानन्यानस्मांश्च परिभूय ह
Paramarshashcha kanyaya hidimbayah kritah pura
Kimanyadrakshasananyanasmanshcha paribhuya ha
151.8
तमहं सगणं राजन्सवाजिरथकुञ्जरम्
हैडिम्बं च सहामात्यं हन्तुमभ्यागतः स्वयम्
Tamaham saganam rajansavajirathakunjaram
Haidimbam cha sahamatyam hantumabhyagatah svayam
151.9
अद्य कुन्तीसुतान्सर्वान्वासुदेवपुरोगमान्
हत्वा संभक्षयिष्यामि सर्वैरनुचरैः सह
निवारय बलं सर्वं वयं योत्स्याम पाण्डवान्
Adya kuntisutansarvanvasudevapurogaman
Hatva sambhakshayishyami sarvairanucharaih saha
Nivaraya balam sarvam vayam yotsyama pandavan
151.10
तस्य तद्वचनं श्रुत्वा हृष्टो दुर्योधनस्तदा
प्रतिपूज्याब्रवीद्वाक्यं भ्रातृभिः परिवारितः
Tasya tadvachanam shrutva hrishto duryodhanastada
Pratipujyabravidvakyam bhratribhih parivaritah
151.11
त्वां पुरस्कृत्य सगणं वयं योत्स्यामहे परान्
न हि वैरान्तमनसः स्थास्यन्ति मम सैनिकाः
Tvam puraskritya saganam vayam yotsyamahe paran
Na hi vairantamanasah sthasyanti mama sainikah
151.12
एवमस्त्विति राजानमुक्त्वा राक्षसपुंगवः
अभ्ययात्त्वरितो भीमं सहितः पुरुषाशनैः
Evamastviti rajanamuktva rakshasapungavah
Abhyayattvarito bhimam sahitah purushashanaih
151.13
दीप्यमानेन वपुषा रथेनादित्यवर्चसा
तादृशेनैव राजेन्द्र यादृशेन घटोत्कचः
Dipyamanena vapusha rathenadityavarchasa
Tadrishenaiva rajendra yadrishena ghatotkachah
151.14
तस्याप्यतुलनिर्घोषो बहुतोरणचित्रितः
ऋक्षचर्मावनद्धाङ्गो नल्वमात्रो महारथः
Tasyapyatulanirghosho bahutoranachitritah
Rikshacharmavanaddhango nalvamatro maharathah
151.15
तस्यापि तुरगाः शीघ्रा हस्तिकायाः खरस्वनाः
शतं युक्ता महाकाया मांसशोणितभोजनाः
Tasyapi turagah shighra hastikayah kharasvanah
Shatam yukta mahakaya mansashonitabhojanah
151.16
तस्यापि रथनिर्घोषो महामेघरवोपमः
तस्यापि सुमहच्चापं दृढज्यं बलवत्तरम्
Tasyapi rathanirghosho mahamegharavopamah
Tasyapi sumahachchapam dridhajyam balavattaram
151.17
तस्याप्यक्षसमा बाणा रुक्मपुङ्खाः शिलाशिताः
सोऽपि वीरो महाबाहुर्यथैव स घटोत्कचः
Tasyapyakshasama bana rukmapunkhah shilashitah
Sopi viro mahabahuryathaiva sa ghatotkachah
151.18
तस्यापि गोमायुबडाभिगुप्तो; बभूव केतुर्ज्वलनार्कतुल्यः
स चापि रूपेण घटोत्कचस्य; श्रीमत्तमो व्याकुलदीपितास्यः
Tasyapi gomayubadabhigupto; babhuva keturjvalanarkatulyah
Sa chapi rupena ghatotkachasya; shrimattamo vyakuladipitasyah
151.19
दीप्ताङ्गदो दीप्तकिरीटमाली; बद्धस्रगुष्णीषनिबद्धखड्गः
गदी भुशुण्डी मुसली हली च; शरासनी वारणतुल्यवर्ष्मा
Diptangado diptakiritamali; baddhasragushnishanibaddhakhadgah
Gadi bhushundi musali hali cha; sharasani varanatulyavarshma
151.20
रथेन तेनानलवर्चसा च; विद्रावयन्पाण्डववाहिनीं ताम्
रराज संख्ये परिवर्तमानो; विद्युन्माली मेघ इवान्तरिक्षे
Rathena tenanalavarchasa cha; vidravayanpandavavahinim tam
Raraja sankhye parivartamano; vidyunmali megha ivantarikshe
151.21
ते चापि सर्वे प्रवरा नरेन्द्रा; महाबला वर्मिणश्चर्मिणश्च
हर्षान्विता युयुधुस्तत्र राज;न्समन्ततः पाण्डवयोधवीराः
Te chapi sarve pravara narendra; mahabala varminashcharminashcha
Harshanvita yuyudhustatra raja;nsamantatah pandavayodhavirah