UtshovChapter 86
86.1
संजय उवाच
वर्तमाने तथा रौद्रे राजन्वीरवरक्षये
शकुनिः सौबलः श्रीमान्पाण्डवान्समुपाद्रवत्
Sanjaya uvacha
Vartamane tatha raudre rajanviravarakshaye
Shakunih saubalah shrimanpandavansamupadravat
86.2
तथैव सात्वतो राजन्हार्दिक्यः परवीरहा
अभ्यद्रवत संग्रामे पाण्डवानामनीकिनीम्
Tathaiva satvato rajanhardikyah paraviraha
Abhyadravata sangrame pandavanamanikinim
86.3
ततः काम्बोजमुख्यानां नदीजानां च वाजिनाम्
आरट्टानां महीजानां सिन्धुजानां च सर्वशः
Tatah kambojamukhyanam nadijanam cha vajinam
Arattanam mahijanam sindhujanam cha sarvashah
86.4
वनायुजानां शुभ्राणां तथा पर्वतवासिनाम्
ये चापरे तित्तिरजा जवना वातरंहसः
Vanayujanam shubhranam tatha parvatavasinam
Ye chapare tittiraja javana vataranhasah
86.5
सुवर्णालंकृतैरेतैर्वर्मवद्भिः सुकल्पितैः
हयैर्वातजवैर्मुख्यैः पाण्डवस्य सुतो बली
अभ्यवर्तत तत्सैन्यं हृष्टरूपः परंतपः
Suvarnalankritairetairvarmavadbhih sukalpitaih
Hayairvatajavairmukhyaih pandavasya suto bali
Abhyavartata tatsainyam hrishtarupah parantapah
86.6
अर्जुनस्याथ दायाद इरावान्नाम वीर्यवान्
सुतायां नागराजस्य जातः पार्थेन धीमता
Arjunasyatha dayada iravannama viryavan
Sutayam nagarajasya jatah parthena dhimata
86.7
ऐरावतेन सा दत्ता अनपत्या महात्मना
पत्यौ हते सुपर्णेन कृपणा दीनचेतना
Airavatena sa datta anapatya mahatmana
Patyau hate suparnena kripana dinachetana
86.8
भार्यार्थं तां च जग्राह पार्थः कामवशानुगाम्
एवमेष समुत्पन्नः परक्षेत्रेऽर्जुनात्मजः
Bharyartham tam cha jagraha parthah kamavashanugam
Evamesha samutpannah parakshetrerjunatmajah
86.9
स नागलोके संवृद्धो मात्रा च परिरक्षितः
पितृव्येण परित्यक्तः पार्थद्वेषाद्दुरात्मना
Sa nagaloke sanvriddho matra cha parirakshitah
Pitrivyena parityaktah parthadveshadduratmana
86.10
रूपवान्वीर्यसंपन्नो गुणवान्सत्यविक्रमः
इन्द्रलोकं जगामाशु श्रुत्वा तत्रार्जुनं गतम्
Rupavanviryasampanno gunavansatyavikramah
Indralokam jagamashu shrutva tatrarjunam gatam
86.11
सोऽभिगम्य महात्मानं पितरं सत्यविक्रमम्
अभ्यवादयदव्यग्रो विनयेन कृताञ्जलिः
इरावानस्मि भद्रं ते पुत्रश्चाहं तवाभिभो
Sobhigamya mahatmanam pitaram satyavikramam
Abhyavadayadavyagro vinayena kritanjalih
Iravanasmi bhadram te putrashchaham tavabhibho
86.12
मातुः समागमो यश्च तत्सर्वं प्रत्यवेदयत्
तच्च सर्वं यथावृत्तमनुसस्मार पाण्डवः
Matuh samagamo yashcha tatsarvam pratyavedayat
Tachcha sarvam yathavrittamanusasmara pandavah
86.13
परिष्वज्य सुतं चापि सोऽऽत्मनः सदृशं गुणैः
प्रीतिमानभवत्पार्थो देवराजनिवेशने
Parishvajya sutam chapi sotmanah sadrisham gunaih
Pritimanabhavatpartho devarajaniveshane
86.14
सोऽर्जुनेन समाज्ञप्तो देवलोके तदा नृप
प्रीतिपूर्वं महाबाहुः स्वकार्यं प्रति भारत
युद्धकाले त्वयास्माकं साह्यं देयमिति प्रभो
Sorjunena samagyapto devaloke tada nripa
Pritipurvam mahabahuh svakaryam prati bharata
Yuddhakale tvayasmakam sahyam deyamiti prabho
86.15
बाढमित्येवमुक्त्वा च युद्धकाल उपागतः
कामवर्णजवैरश्वैः संवृतो बहुभिर्नृप
Badhamityevamuktva cha yuddhakala upagatah
Kamavarnajavairashvaih sanvrito bahubhirnripa
86.16
ते हयाः काञ्चनापीडा नानावर्णा मनोजवाः
उत्पेतुः सहसा राजन्हंसा इव महोदधौ
Te hayah kanchanapida nanavarna manojavah
Utpetuh sahasa rajanhansa iva mahodadhau
86.17
ते त्वदीयान्समासाद्य हयसंघान्महाजवान्
क्रोडैः क्रोडानभिघ्नन्तो घोणाभिश्च परस्परम्
निपेतुः सहसा राजन्सुवेगाभिहता भुवि
Te tvadiyansamasadya hayasanghanmahajavan
Krodaih krodanabhighnanto ghonabhishcha parasparam
Nipetuh sahasa rajansuvegabhihata bhuvi
86.18
निपतद्भिस्तथा तैश्च हयसंघैः परस्परम्
शुश्रुवे दारुणः शब्दः सुपर्णपतने यथा
Nipatadbhistatha taishcha hayasanghaih parasparam
Shushruve darunah shabdah suparnapatane yatha
86.19
तथैव च महाराज समेत्यान्योन्यमाहवे
परस्परवधं घोरं चक्रुस्ते हयसादिनः
Tathaiva cha maharaja sametyanyonyamahave
Parasparavadham ghoram chakruste hayasadinah
86.20
तस्मिंस्तथा वर्तमाने संकुले तुमुले भृशम्
उभयोरपि संशान्ता हयसंघाः समन्ततः
Tasminstatha vartamane sankule tumule bhrisham
Ubhayorapi sanshanta hayasanghah samantatah
86.21
प्रक्षीणसायकाः शूरा निहताश्वाः श्रमातुराः
विलयं समनुप्राप्तास्तक्षमाणाः परस्परम्
Prakshinasayakah shura nihatashvah shramaturah
Vilayam samanupraptastakshamanah parasparam
86.22
ततः क्षीणे हयानीके किंचिच्छेषे च भारत
सौबलस्यात्मजाः शूरा निर्गता रणमूर्धनि
Tatah kshine hayanike kinchichchheshe cha bharata
Saubalasyatmajah shura nirgata ranamurdhani
86.23
वायुवेगसमस्पर्शा जवे वायुसमांस्तथा
आरुह्य शीलसंपन्नान्वयःस्थांस्तुरगोत्तमान्
Vayuvegasamasparsha jave vayusamanstatha
Aruhya shilasampannanvayahsthansturagottaman
86.24
गजो गवाक्षो वृषकश्चर्मवानार्जवः शुकः
षडेते बलसंपन्ना निर्ययुर्महतो बलात्
Gajo gavaksho vrishakashcharmavanarjavah shukah
Shadete balasampanna niryayurmahato balat
86.25
वार्यमाणाः शकुनिना स्वैश्च योधैर्महाबलैः
संनद्धा युद्धकुशला रौद्ररूपा महाबलाः
Varyamanah shakunina svaishcha yodhairmahabalaih
Sannaddha yuddhakushala raudrarupa mahabalah
86.26
तदनीकं महाबाहो भित्त्वा परमदुर्जयम्
बलेन महता युक्ताः स्वर्गाय विजयैषिणः
विविशुस्ते तदा हृष्टा गान्धारा युद्धदुर्मदाः
Tadanikam mahabaho bhittva paramadurjayam
Balena mahata yuktah svargaya vijayaishinah
Vivishuste tada hrishta gandhara yuddhadurmadah
86.27
तान्प्रविष्टांस्तदा दृष्ट्वा इरावानपि वीर्यवान्
अब्रवीत्समरे योधान्विचित्राभरणायुधान्
Tanpravishtanstada drishtva iravanapi viryavan
Abravitsamare yodhanvichitrabharanayudhan
86.28
यथैते धार्तराष्ट्रस्य योधाः सानुगवाहनाः
हन्यन्ते समरे सर्वे तथा नीतिर्विधीयताम्
Yathaite dhartarashtrasya yodhah sanugavahanah
Hanyante samare sarve tatha nitirvidhiyatam
86.29
बाढमित्येवमुक्त्वा ते सर्वे योधा इरावतः
जघ्नुस्ते वै परानीकं दुर्जयं समरे परैः
Badhamityevamuktva te sarve yodha iravatah
Jaghnuste vai paranikam durjayam samare paraih
86.30
तदनीकमनीकेन समरे वीक्ष्य पातितम्
अमृष्यमाणास्ते सर्वे सुबलस्यात्मजा रणे
इरावन्तमभिद्रुत्य सर्वतः पर्यवारयन्
Tadanikamanikena samare vikshya patitam
Amrishyamanaste sarve subalasyatmaja rane
Iravantamabhidrutya sarvatah paryavarayan
86.31
ताडयन्तः शितैः प्रासैश्चोदयन्तः परस्परम्
ते शूराः पर्यधावन्त कुर्वन्तो महदाकुलम्
Tadayantah shitaih prasaishchodayantah parasparam
Te shurah paryadhavanta kurvanto mahadakulam
86.32
इरावानथ निर्भिन्नः प्रासैस्तीक्ष्णैर्महात्मभिः
स्रवता रुधिरेणाक्तस्तोत्त्रैर्विद्ध इव द्विपः
Iravanatha nirbhinnah prasaistikshnairmahatmabhih
Sravata rudhirenaktastottrairviddha iva dvipah
86.33
उरस्यपि च पृष्ठे च पार्श्वयोश्च भृशाहतः
एको बहुभिरत्यर्थं धैर्याद्राजन्न विव्यथे
Urasyapi cha prishthe cha parshvayoshcha bhrishahatah
Eko bahubhiratyartham dhairyadrajanna vivyathe
86.34
इरावानथ संक्रुद्धः सर्वांस्तान्निशितैः शरैः
मोहयामास समरे विद्ध्वा परपुरंजयः
Iravanatha sankruddhah sarvanstannishitaih sharaih
Mohayamasa samare viddhva parapuranjayah
86.35
प्रासानुद्धृत्य सर्वांश्च स्वशरीरादरिंदमः
तैरेव ताडयामास सुबलस्यात्मजान्रणे
Prasanuddhritya sarvanshcha svashariradarindamah
Taireva tadayamasa subalasyatmajanrane
86.36
निकृष्य निशितं खड्गं गृहीत्वा च शरावरम्
पदातिस्तूर्णमागच्छज्जिघांसुः सौबलान्युधि
Nikrishya nishitam khadgam grihitva cha sharavaram
Padatisturnamagachchhajjighansuh saubalanyudhi
86.37
ततः प्रत्यागतप्राणाः सर्वे ते सुबलात्मजाः
भूयः क्रोधसमाविष्टा इरावन्तमथाद्रवन्
Tatah pratyagatapranah sarve te subalatmajah
Bhuyah krodhasamavishta iravantamathadravan
86.38
इरावानपि खड्गेन दर्शयन्पाणिलाघवम्
अभ्यवर्तत तान्सर्वान्सौबलान्बलदर्पितः
Iravanapi khadgena darshayanpanilaghavam
Abhyavartata tansarvansaubalanbaladarpitah
86.39
लाघवेनाथ चरतः सर्वे ते सुबलात्मजाः
अन्तरं नाध्यगच्छन्त चरन्तः शीघ्रगामिनः
Laghavenatha charatah sarve te subalatmajah
Antaram nadhyagachchhanta charantah shighragaminah
86.40
भूमिष्ठमथ तं संख्ये संप्रदृश्य ततः पुनः
परिवार्य भृशं सर्वे ग्रहीतुमुपचक्रमुः
Bhumishthamatha tam sankhye sampradrishya tatah punah
Parivarya bhrisham sarve grahitumupachakramuh
86.41
अथाभ्याशगतानां स खड्गेनामित्रकर्शनः
उपहस्तावहस्ताभ्यां तेषां गात्राण्यकृन्तत
Athabhyashagatanam sa khadgenamitrakarshanah
Upahastavahastabhyam tesham gatranyakrintata
86.42
आयुधानि च सर्वेषां बाहूनपि च भूषितान्
अपतन्त निकृत्ताङ्गा गता भूमिं गतासवः
Ayudhani cha sarvesham bahunapi cha bhushitan
Apatanta nikrittanga gata bhumim gatasavah
86.43
वृषकस्तु महाराज बहुधा परिविक्षतः
अमुच्यत महारौद्रात्तस्माद्वीरावकर्तनात्
Vrishakastu maharaja bahudha parivikshatah
Amuchyata maharaudrattasmadviravakartanat
86.44
तान्सर्वान्पतितान्दृष्ट्वा भीतो दुर्योधनस्ततः
अभ्यभाषत संक्रुद्धो राक्षसं घोरदर्शनम्
Tansarvanpatitandrishtva bhito duryodhanastatah
Abhyabhashata sankruddho rakshasam ghoradarshanam
86.45
आर्श्यशृङ्गिं महेष्वासं मायाविनमरिंदमम्
वैरिणं भीमसेनस्य पूर्वं बकवधेन वै
Arshyashringim maheshvasam mayavinamarindamam
Vairinam bhimasenasya purvam bakavadhena vai
86.46
पश्य वीर यथा ह्येष फल्गुनस्य सुतो बली
मायावी विप्रियं घोरमकार्षीन्मे बलक्षयम्
Pashya vira yatha hyesha phalgunasya suto bali
Mayavi vipriyam ghoramakarshinme balakshayam
86.47
त्वं च कामगमस्तात मायास्त्रे च विशारदः
कृतवैरश्च पार्थेन तस्मादेनं रणे जहि
Tvam cha kamagamastata mayastre cha visharadah
Kritavairashcha parthena tasmadenam rane jahi
86.48
बाढमित्येवमुक्त्वा तु राक्षसो घोरदर्शनः
प्रययौ सिंहनादेन यत्रार्जुनसुतो युवा
Badhamityevamuktva tu rakshaso ghoradarshanah
Prayayau sinhanadena yatrarjunasuto yuva
86.49
स्वारूढैर्युद्धकुशलैर्विमलप्रासयोधिभिः
वीरैः प्रहारिभिर्युक्तः स्वैरनीकैः समावृतः
निहन्तुकामः समरे इरावन्तं महाबलम्
Svarudhairyuddhakushalairvimalaprasayodhibhih
Viraih praharibhiryuktah svairanikaih samavritah
Nihantukamah samare iravantam mahabalam
86.50
इरावानपि संक्रुद्धस्त्वरमाणः पराक्रमी
हन्तुकामममित्रघ्नो राक्षसं प्रत्यवारयत्
Iravanapi sankruddhastvaramanah parakrami
Hantukamamamitraghno rakshasam pratyavarayat
86.51
तमापतन्तं संप्रेक्ष्य राक्षसः सुमहाबलः
त्वरमाणस्ततो मायां प्रयोक्तुमुपचक्रमे
Tamapatantam samprekshya rakshasah sumahabalah
Tvaramanastato mayam prayoktumupachakrame
86.52
तेन मायामयाः कॢप्ता हयास्तावन्त एव हि
स्वारूढा राक्षसैर्घोरैः शूलपट्टिशपाणिभिः
Tena mayamayah klipta hayastavanta eva hi
Svarudha rakshasairghoraih shulapattishapanibhih
86.53
ते संरब्धाः समागम्य द्विसाहस्राः प्रहारिणः
अचिराद्गमयामासुः प्रेतलोकं परस्परम्
Te sanrabdhah samagamya dvisahasrah praharinah
Achiradgamayamasuh pretalokam parasparam
86.54
तस्मिंस्तु निहते सैन्ये तावुभौ युद्धदुर्मदौ
संग्रामे व्यवतिष्ठेतां यथा वै वृत्रवासवौ
Tasminstu nihate sainye tavubhau yuddhadurmadau
Sangrame vyavatishthetam yatha vai vritravasavau
86.55
आद्रवन्तमभिप्रेक्ष्य राक्षसं युद्धदुर्मदम्
इरावान्क्रोधसंरब्धः प्रत्यधावन्महाबलः
Adravantamabhiprekshya rakshasam yuddhadurmadam
Iravankrodhasanrabdhah pratyadhavanmahabalah
86.56
समभ्याशगतस्याजौ तस्य खड्गेन दुर्मतेः
चिच्छेद कार्मुकं दीप्तं शरावापं च पञ्चकम्
Samabhyashagatasyajau tasya khadgena durmateh
Chichchheda karmukam diptam sharavapam cha panchakam
86.57
स निकृत्तं धनुर्दृष्ट्वा खं जवेन समाविशत्
इरावन्तमभिक्रुद्धं मोहयन्निव मायया
Sa nikrittam dhanurdrishtva kham javena samavishat
Iravantamabhikruddham mohayanniva mayaya
86.58
ततोऽन्तरिक्षमुत्पत्य इरावानपि राक्षसम्
विमोहयित्वा मायाभिस्तस्य गात्राणि सायकैः
चिच्छेद सर्वमर्मज्ञः कामरूपो दुरासदः
Tatontarikshamutpatya iravanapi rakshasam
Vimohayitva mayabhistasya gatrani sayakaih
Chichchheda sarvamarmagyah kamarupo durasadah
86.59
तथा स राक्षसश्रेष्ठः शरैः कृत्तः पुनः पुनः
संबभूव महाराज समवाप च यौवनम्
Tatha sa rakshasashreshthah sharaih krittah punah punah
Sambabhuva maharaja samavapa cha yauvanam
86.60
माया हि सहजा तेषां वयो रूपं च कामजम्
एवं तद्राक्षसस्याङ्गं छिन्नं छिन्नं व्यरोहत
Maya hi sahaja tesham vayo rupam cha kamajam
Evam tadrakshasasyangam chhinnam chhinnam vyarohata
86.61
इरावानपि संक्रुद्धो राक्षसं तं महाबलम्
परश्वधेन तीक्ष्णेन चिच्छेद च पुनः पुनः
Iravanapi sankruddho rakshasam tam mahabalam
Parashvadhena tikshnena chichchheda cha punah punah
86.62
स तेन बलिना वीरश्छिद्यमान इव द्रुमः
राक्षसो व्यनदद्घोरं स शब्दस्तुमुलोऽभवत्
Sa tena balina virashchhidyamana iva drumah
Rakshaso vyanadadghoram sa shabdastumulobhavat
86.63
परश्वधक्षतं रक्षः सुस्राव रुधिरं बहु
ततश्चुक्रोध बलवांश्चक्रे वेगं च संयुगे
Parashvadhakshatam rakshah susrava rudhiram bahu
Tatashchukrodha balavanshchakre vegam cha sanyuge
86.64
आर्श्यशृङ्गिस्ततो दृष्ट्वा समरे शत्रुमूर्जितम्
कृत्वा घोरं महद्रूपं ग्रहीतुमुपचक्रमे
संग्रामशिरसो मध्ये सर्वेषां तत्र पश्यताम्
Arshyashringistato drishtva samare shatrumurjitam
Kritva ghoram mahadrupam grahitumupachakrame
Sangramashiraso madhye sarvesham tatra pashyatam
86.65
तां दृष्ट्वा तादृशीं मायां राक्षसस्य महात्मनः
इरावानपि संक्रुद्धो मायां स्रष्टुं प्रचक्रमे
Tam drishtva tadrishim mayam rakshasasya mahatmanah
Iravanapi sankruddho mayam srashtum prachakrame
86.66
तस्य क्रोधाभिभूतस्य संयुगेष्वनिवर्तिनः
योऽन्वयो मातृकस्तस्य स एनमभिपेदिवान्
Tasya krodhabhibhutasya sanyugeshvanivartinah
Yonvayo matrikastasya sa enamabhipedivan
86.67
स नागैर्बहुशो राजन्सर्वतः संवृतो रणे
दधार सुमहद्रूपमनन्त इव भोगवान्
ततो बहुविधैर्नागैश्छादयामास राक्षसम्
Sa nagairbahusho rajansarvatah sanvrito rane
Dadhara sumahadrupamananta iva bhogavan
Tato bahuvidhairnagaishchhadayamasa rakshasam
86.68
छाद्यमानस्तु नागैः स ध्यात्वा राक्षसपुंगवः
सौपर्णं रूपमास्थाय भक्षयामास पन्नगान्
Chhadyamanastu nagaih sa dhyatva rakshasapungavah
Sauparnam rupamasthaya bhakshayamasa pannagan
86.69
मायया भक्षिते तस्मिन्नन्वये तस्य मातृके
विमोहितमिरावन्तमसिना राक्षसोऽवधीत्
Mayaya bhakshite tasminnanvaye tasya matrike
Vimohitamiravantamasina rakshasovadhit
86.70
सकुण्डलं समुकुटं पद्मेन्दुसदृशप्रभम्
इरावतः शिरो रक्षः पातयामास भूतले
Sakundalam samukutam padmendusadrishaprabham
Iravatah shiro rakshah patayamasa bhutale
86.71
तस्मिंस्तु निहते वीरे राक्षसेनार्जुनात्मजे
विशोकाः समपद्यन्त धार्तराष्ट्राः सराजकाः
Tasminstu nihate vire rakshasenarjunatmaje
Vishokah samapadyanta dhartarashtrah sarajakah
86.72
तस्मिन्महति संग्रामे तादृशे भैरवे पुनः
महान्व्यतिकरो घोरः सेनयोः समपद्यत
Tasminmahati sangrame tadrishe bhairave punah
Mahanvyatikaro ghorah senayoh samapadyata
86.73
हया गजाः पदाताश्च विमिश्रा दन्तिभिर्हताः
रथाश्च दन्तिनश्चैव पत्तिभिस्तत्र सूदिताः
Haya gajah padatashcha vimishra dantibhirhatah
Rathashcha dantinashchaiva pattibhistatra suditah
86.74
तथा पत्तिरथौघाश्च हयाश्च बहवो रणे
रथिभिर्निहता राजंस्तव तेषां च संकुले
Tatha pattirathaughashcha hayashcha bahavo rane
Rathibhirnihata rajanstava tesham cha sankule
86.75
अजानन्नर्जुनश्चापि निहतं पुत्रमौरसम्
जघान समरे शूरान्राज्ञस्तान्भीष्मरक्षिणः
Ajanannarjunashchapi nihatam putramaurasam
Jaghana samare shuranragyastanbhishmarakshinah
86.76
तथैव तावका राजन्सृञ्जयाश्च महाबलाः
जुह्वतः समरे प्राणान्निजघ्नुरितरेतरम्
Tathaiva tavaka rajansrinjayashcha mahabalah
Juhvatah samare pranannijaghnuritaretaram
86.77
मुक्तकेशा विकवचा विरथाश्छिन्नकार्मुकाः
बाहुभिः समयुध्यन्त समवेताः परस्परम्
Muktakesha vikavacha virathashchhinnakarmukah
Bahubhih samayudhyanta samavetah parasparam
86.78
तथा मर्मातिगैर्भीष्मो निजघान महारथान्
कम्पयन्समरे सेनां पाण्डवानां महाबलः
Tatha marmatigairbhishmo nijaghana maharathan
Kampayansamare senam pandavanam mahabalah
86.79
तेन यौधिष्ठिरे सैन्ये बहवो मानवा हताः
दन्तिनः सादिनश्चैव रथिनोऽथ हयास्तथा
Tena yaudhishthire sainye bahavo manava hatah
Dantinah sadinashchaiva rathinotha hayastatha
86.80
तत्र भारत भीष्मस्य रणे दृष्ट्वा पराक्रमम्
अत्यद्भुतमपश्याम शक्रस्येव पराक्रमम्
Tatra bharata bhishmasya rane drishtva parakramam
Atyadbhutamapashyama shakrasyeva parakramam
86.81
तथैव भीमसेनस्य पार्षतस्य च भारत
रौद्रमासीत्तदा युद्धं सात्वतस्य च धन्विनः
Tathaiva bhimasenasya parshatasya cha bharata
Raudramasittada yuddham satvatasya cha dhanvinah
86.82
दृष्ट्वा द्रोणस्य विक्रान्तं पाण्डवान्भयमाविशत्
एक एव रणे शक्तो हन्तुमस्मान्ससैनिकान्
Drishtva dronasya vikrantam pandavanbhayamavishat
Eka eva rane shakto hantumasmansasainikan
86.83
किं पुनः पृथिवीशूरैर्योधव्रातैः समावृतः
इत्यब्रुवन्महाराज रणे द्रोणेन पीडिताः
Kim punah prithivishurairyodhavrataih samavritah
Ityabruvanmaharaja rane dronena piditah
86.84
वर्तमाने तथा रौद्रे संग्रामे भरतर्षभ
उभयोः सेनयोः शूरा नामृष्यन्त परस्परम्
Vartamane tatha raudre sangrame bharatarshabha
Ubhayoh senayoh shura namrishyanta parasparam
86.85
आविष्टा इव युध्यन्ते रक्षोभूता महाबलाः
तावकाः पाण्डवेयाश्च संरब्धास्तात धन्विनः
Avishta iva yudhyante rakshobhuta mahabalah
Tavakah pandaveyashcha sanrabdhastata dhanvinah
86.86
न स्म पश्यामहे कंचिद्यः प्राणान्परिरक्षति
संग्रामे दैत्यसंकाशे तस्मिन्योद्धा नराधिप
Na sma pashyamahe kanchidyah prananparirakshati
Sangrame daityasankashe tasminyoddha naradhipa