UtshovChapter 24
24.1
संजय उवाच
तं तथा कृपयाविष्टमश्रुपूर्णाकुलेक्षणम्
विषीदन्तमिदं वाक्यमुवाच मधुसूदनः
Sanjaya uvacha
Tam tatha kripayavishtamashrupurnakulekshanam
Vishidantamidam vakyamuvacha madhusudanah
24.2
श्रीभगवानुवाच
कुतस्त्वा कश्मलमिदं विषमे समुपस्थितम्
अनार्यजुष्टमस्वर्ग्यमकीर्तिकरमर्जुन
Shribhagavanuvacha
Kutastva kashmalamidam vishame samupasthitam
Anaryajushtamasvargyamakirtikaramarjuna
24.3
क्लैब्यं मा स्म गमः पार्थ नैतत्त्वय्युपपद्यते
क्षुद्रं हृदयदौर्बल्यं त्यक्त्वोत्तिष्ठ परंतप
Klaibyam ma sma gamah partha naitattvayyupapadyate
Kshudram hridayadaurbalyam tyaktvottishtha parantapa
24.4
अर्जुन उवाच
कथं भीष्ममहं संख्ये द्रोणं च मधुसूदन
इषुभिः प्रतियोत्स्यामि पूजार्हावरिसूदन
Arjuna uvacha
Katham bhishmamaham sankhye dronam cha madhusudana
Ishubhih pratiyotsyami pujarhavarisudana
24.5
गुरूनहत्वा हि महानुभावा;ञ्श्रेयो भोक्तुं भैक्षमपीह लोके
हत्वार्थकामांस्तु गुरूनिहैव; भुञ्जीय भोगान्रुधिरप्रदिग्धान्
Gurunahatva hi mahanubhava;nshreyo bhoktum bhaikshamapiha loke
Hatvarthakamanstu gurunihaiva; bhunjiya bhoganrudhirapradigdhan
24.6
न चैतद्विद्मः कतरन्नो गरीयो; यद्वा जयेम यदि वा नो जयेयुः
यानेव हत्वा न जिजीविषाम;स्तेऽवस्थिताः प्रमुखे धार्तराष्ट्राः
Na chaitadvidmah kataranno gariyo; yadva jayema yadi va no jayeyuh
Yaneva hatva na jijivishama;stevasthitah pramukhe dhartarashtrah
24.7
कार्पण्यदोषोपहतस्वभावः; पृच्छामि त्वां धर्मसंमूढचेताः
यच्छ्रेयः स्यान्निश्चितं ब्रूहि तन्मे; शिष्यस्तेऽहं शाधि मां त्वां प्रपन्नम्
Karpanyadoshopahatasvabhavah; prichchhami tvam dharmasammudhachetah
Yachchhreyah syannishchitam bruhi tanme; shishyasteham shadhi mam tvam prapannam
24.8
न हि प्रपश्यामि ममापनुद्या;द्यच्छोकमुच्छोषणमिन्द्रियाणाम्
अवाप्य भूमावसपत्नमृद्धं; राज्यं सुराणामपि चाधिपत्यम्
Na hi prapashyami mamapanudya;dyachchhokamuchchhoshanamindriyanam
Avapya bhumavasapatnamriddham; rajyam suranamapi chadhipatyam
24.9
संजय उवाच
एवमुक्त्वा हृषीकेशं गुडाकेशः परंतप
न योत्स्य इति गोविन्दमुक्त्वा तूष्णीं बभूव ह
Sanjaya uvacha
Evamuktva hrishikesham gudakeshah parantapa
Na yotsya iti govindamuktva tushnim babhuva ha
24.10
तमुवाच हृषीकेशः प्रहसन्निव भारत
सेनयोरुभयोर्मध्ये विषीदन्तमिदं वचः
Tamuvacha hrishikeshah prahasanniva bharata
Senayorubhayormadhye vishidantamidam vachah
24.11
श्रीभगवानुवाच
अशोच्यानन्वशोचस्त्वं प्रज्ञावादांश्च भाषसे
गतासूनगतासूंश्च नानुशोचन्ति पण्डिताः
Shribhagavanuvacha
Ashochyananvashochastvam pragyavadanshcha bhashase
Gatasunagatasunshcha nanushochanti panditah
24.12
न त्वेवाहं जातु नासं न त्वं नेमे जनाधिपाः
न चैव न भविष्यामः सर्वे वयमतः परम्
Na tvevaham jatu nasam na tvam neme janadhipah
Na chaiva na bhavishyamah sarve vayamatah param
24.13
देहिनोऽस्मिन्यथा देहे कौमारं यौवनं जरा
तथा देहान्तरप्राप्तिर्धीरस्तत्र न मुह्यति
Dehinosminyatha dehe kaumaram yauvanam jara
Tatha dehantarapraptirdhirastatra na muhyati
24.14
मात्रास्पर्शास्तु कौन्तेय शीतोष्णसुखदुःखदाः
आगमापायिनोऽनित्यास्तांस्तितिक्षस्व भारत
Matrasparshastu kaunteya shitoshnasukhaduhkhadah
Agamapayinonityastanstitikshasva bharata
24.15
यं हि न व्यथयन्त्येते पुरुषं पुरुषर्षभ
समदुःखसुखं धीरं सोऽमृतत्वाय कल्पते
Yam hi na vyathayantyete purusham purusharshabha
Samaduhkhasukham dhiram somritatvaya kalpate
24.16
नासतो विद्यते भावो नाभावो विद्यते सतः
उभयोरपि दृष्टोऽन्तस्त्वनयोस्तत्त्वदर्शिभिः
Nasato vidyate bhavo nabhavo vidyate satah
Ubhayorapi drishtontastvanayostattvadarshibhih
24.17
अविनाशि तु तद्विद्धि येन सर्वमिदं ततम्
विनाशमव्ययस्यास्य न कश्चित्कर्तुमर्हति
Avinashi tu tadviddhi yena sarvamidam tatam
Vinashamavyayasyasya na kashchitkartumarhati
24.18
अन्तवन्त इमे देहा नित्यस्योक्ताः शरीरिणः
अनाशिनोऽप्रमेयस्य तस्माद्युध्यस्व भारत
Antavanta ime deha nityasyoktah sharirinah
Anashinoprameyasya tasmadyudhyasva bharata
24.19
य एनं वेत्ति हन्तारं यश्चैनं मन्यते हतम्
उभौ तौ न विजानीतो नायं हन्ति न हन्यते
Ya enam vetti hantaram yashchainam manyate hatam
Ubhau tau na vijanito nayam hanti na hanyate
24.20
न जायते म्रियते वा कदाचि;न्नायं भूत्वा भविता वा न भूयः
अजो नित्यः शाश्वतोऽयं पुराणो; न हन्यते हन्यमाने शरीरे
Na jayate mriyate va kadachi;nnayam bhutva bhavita va na bhuyah
Ajo nityah shashvatoyam purano; na hanyate hanyamane sharire
24.21
वेदाविनाशिनं नित्यं य एनमजमव्ययम्
कथं स पुरुषः पार्थ कं घातयति हन्ति कम्
Vedavinashinam nityam ya enamajamavyayam
Katham sa purushah partha kam ghatayati hanti kam
24.22
वासांसि जीर्णानि यथा विहाय; नवानि गृह्णाति नरोऽपराणि
तथा शरीराणि विहाय जीर्णा;न्यन्यानि संयाति नवानि देही
Vasansi jirnani yatha vihaya; navani grihnati naroparani
Tatha sharirani vihaya jirna;nyanyani sanyati navani dehi
24.23
नैनं छिन्दन्ति शस्त्राणि नैनं दहति पावकः
न चैनं क्लेदयन्त्यापो न शोषयति मारुतः
Nainam chhindanti shastrani nainam dahati pavakah
Na chainam kledayantyapo na shoshayati marutah
24.24
अच्छेद्योऽयमदाह्योऽयमक्लेद्योऽशोष्य एव च
नित्यः सर्वगतः स्थाणुरचलोऽयं सनातनः
Achchhedyoyamadahyoyamakledyoshoshya eva cha
Nityah sarvagatah sthanurachaloyam sanatanah
24.25
अव्यक्तोऽयमचिन्त्योऽयमविकार्योऽयमुच्यते
तस्मादेवं विदित्वैनं नानुशोचितुमर्हसि
Avyaktoyamachintyoyamavikaryoyamuchyate
Tasmadevam viditvainam nanushochitumarhasi
24.26
अथ चैनं नित्यजातं नित्यं वा मन्यसे मृतम्
तथापि त्वं महाबाहो नैनं शोचितुमर्हसि
Atha chainam nityajatam nityam va manyase mritam
Tathapi tvam mahabaho nainam shochitumarhasi
24.27
जातस्य हि ध्रुवो मृत्युर्ध्रुवं जन्म मृतस्य च
तस्मादपरिहार्येऽर्थे न त्वं शोचितुमर्हसि
Jatasya hi dhruvo mrityurdhruvam janma mritasya cha
Tasmadapariharyerthe na tvam shochitumarhasi
24.28
अव्यक्तादीनि भूतानि व्यक्तमध्यानि भारत
अव्यक्तनिधनान्येव तत्र का परिदेवना
Avyaktadini bhutani vyaktamadhyani bharata
Avyaktanidhananyeva tatra ka paridevana
24.29
आश्चर्यवत्पश्यति कश्चिदेन;माश्चर्यवद्वदति तथैव चान्यः
आश्चर्यवच्चैनमन्यः शृणोति; श्रुत्वाप्येनं वेद न चैव कश्चित्
Ashcharyavatpashyati kashchidena;mashcharyavadvadati tathaiva chanyah
Ashcharyavachchainamanyah shrinoti; shrutvapyenam veda na chaiva kashchit
24.30
देही नित्यमवध्योऽयं देहे सर्वस्य भारत
तस्मात्सर्वाणि भूतानि न त्वं शोचितुमर्हसि
Dehi nityamavadhyoyam dehe sarvasya bharata
Tasmatsarvani bhutani na tvam shochitumarhasi
24.31
स्वधर्ममपि चावेक्ष्य न विकम्पितुमर्हसि
धर्म्याद्धि युद्धाच्छ्रेयोऽन्यत्क्षत्रियस्य न विद्यते
Svadharmamapi chavekshya na vikampitumarhasi
Dharmyaddhi yuddhachchhreyonyatkshatriyasya na vidyate
24.32
यदृच्छया चोपपन्नं स्वर्गद्वारमपावृतम्
सुखिनः क्षत्रियाः पार्थ लभन्ते युद्धमीदृशम्
Yadrichchhaya chopapannam svargadvaramapavritam
Sukhinah kshatriyah partha labhante yuddhamidrisham
24.33
अथ चेत्त्वमिमं धर्म्यं संग्रामं न करिष्यसि
ततः स्वधर्मं कीर्तिं च हित्वा पापमवाप्स्यसि
Atha chettvamimam dharmyam sangramam na karishyasi
Tatah svadharmam kirtim cha hitva papamavapsyasi
24.34
अकीर्तिं चापि भूतानि कथयिष्यन्ति तेऽव्ययाम्
संभावितस्य चाकीर्तिर्मरणादतिरिच्यते
Akirtim chapi bhutani kathayishyanti tevyayam
Sambhavitasya chakirtirmaranadatirichyate
24.35
भयाद्रणादुपरतं मंस्यन्ते त्वां महारथाः
येषां च त्वं बहुमतो भूत्वा यास्यसि लाघवम्
Bhayadranaduparatam mansyante tvam maharathah
Yesham cha tvam bahumato bhutva yasyasi laghavam
24.36
अवाच्यवादांश्च बहून्वदिष्यन्ति तवाहिताः
निन्दन्तस्तव सामर्थ्यं ततो दुःखतरं नु किम्
Avachyavadanshcha bahunvadishyanti tavahitah
Nindantastava samarthyam tato duhkhataram nu kim
24.37
हतो वा प्राप्स्यसि स्वर्गं जित्वा वा भोक्ष्यसे महीम्
तस्मादुत्तिष्ठ कौन्तेय युद्धाय कृतनिश्चयः
Hato va prapsyasi svargam jitva va bhokshyase mahim
Tasmaduttishtha kaunteya yuddhaya kritanishchayah
24.38
सुखदुःखे समे कृत्वा लाभालाभौ जयाजयौ
ततो युद्धाय युज्यस्व नैवं पापमवाप्स्यसि
Sukhaduhkhe same kritva labhalabhau jayajayau
Tato yuddhaya yujyasva naivam papamavapsyasi
24.39
एषा तेऽभिहिता सांख्ये बुद्धिर्योगे त्विमां शृणु
बुद्ध्या युक्तो यया पार्थ कर्मबन्धं प्रहास्यसि
Esha tebhihita sankhye buddhiryoge tvimam shrinu
Buddhya yukto yaya partha karmabandham prahasyasi
24.40
नेहाभिक्रमनाशोऽस्ति प्रत्यवायो न विद्यते
स्वल्पमप्यस्य धर्मस्य त्रायते महतो भयात्
Nehabhikramanashosti pratyavayo na vidyate
Svalpamapyasya dharmasya trayate mahato bhayat
24.41
व्यवसायात्मिका बुद्धिरेकेह कुरुनन्दन
बहुशाखा ह्यनन्ताश्च बुद्धयोऽव्यवसायिनाम्
Vyavasayatmika buddhirekeha kurunandana
Bahushakha hyanantashcha buddhayovyavasayinam
24.42
यामिमां पुष्पितां वाचं प्रवदन्त्यविपश्चितः
वेदवादरताः पार्थ नान्यदस्तीति वादिनः
Yamimam pushpitam vacham pravadantyavipashchitah
Vedavadaratah partha nanyadastiti vadinah
24.43
कामात्मानः स्वर्गपरा जन्मकर्मफलप्रदाम्
क्रियाविशेषबहुलां भोगैश्वर्यगतिं प्रति
Kamatmanah svargapara janmakarmaphalapradam
Kriyavisheshabahulam bhogaishvaryagatim prati
24.44
भोगैश्वर्यप्रसक्तानां तयापहृतचेतसाम्
व्यवसायात्मिका बुद्धिः समाधौ न विधीयते
Bhogaishvaryaprasaktanam tayapahritachetasam
Vyavasayatmika buddhih samadhau na vidhiyate
24.45
त्रैगुण्यविषया वेदा निस्त्रैगुण्यो भवार्जुन
निर्द्वंद्वो नित्यसत्त्वस्थो निर्योगक्षेम आत्मवान्
Traigunyavishaya veda nistraigunyo bhavarjuna
Nirdvandvo nityasattvastho niryogakshema atmavan
24.46
यावानर्थ उदपाने सर्वतः संप्लुतोदके
तावान्सर्वेषु वेदेषु ब्राह्मणस्य विजानतः
Yavanartha udapane sarvatah samplutodake
Tavansarveshu vedeshu brahmanasya vijanatah
24.47
कर्मण्येवाधिकारस्ते मा फलेषु कदाचन
मा कर्मफलहेतुर्भूर्मा ते सङ्गोऽस्त्वकर्मणि
Karmanyevadhikaraste ma phaleshu kadachana
Ma karmaphalaheturbhurma te sangostvakarmani
24.48
योगस्थः कुरु कर्माणि सङ्गं त्यक्त्वा धनंजय
सिद्ध्यसिद्ध्योः समो भूत्वा समत्वं योग उच्यते
Yogasthah kuru karmani sangam tyaktva dhananjaya
Siddhyasiddhyoh samo bhutva samatvam yoga uchyate
24.49
दूरेण ह्यवरं कर्म बुद्धियोगाद्धनंजय
बुद्धौ शरणमन्विच्छ कृपणाः फलहेतवः
Durena hyavaram karma buddhiyogaddhananjaya
Buddhau sharanamanvichchha kripanah phalahetavah
24.50
बुद्धियुक्तो जहातीह उभे सुकृतदुष्कृते
तस्माद्योगाय युज्यस्व योगः कर्मसु कौशलम्
Buddhiyukto jahatiha ubhe sukritadushkrite
Tasmadyogaya yujyasva yogah karmasu kaushalam
24.51
कर्मजं बुद्धियुक्ता हि फलं त्यक्त्वा मनीषिणः
जन्मबन्धविनिर्मुक्ताः पदं गच्छन्त्यनामयम्
Karmajam buddhiyukta hi phalam tyaktva manishinah
Janmabandhavinirmuktah padam gachchhantyanamayam
24.52
यदा ते मोहकलिलं बुद्धिर्व्यतितरिष्यति
तदा गन्तासि निर्वेदं श्रोतव्यस्य श्रुतस्य च
Yada te mohakalilam buddhirvyatitarishyati
Tada gantasi nirvedam shrotavyasya shrutasya cha
24.53
श्रुतिविप्रतिपन्ना ते यदा स्थास्यति निश्चला
समाधावचला बुद्धिस्तदा योगमवाप्स्यसि
Shrutivipratipanna te yada sthasyati nishchala
Samadhavachala buddhistada yogamavapsyasi
24.54
अर्जुन उवाच
स्थितप्रज्ञस्य का भाषा समाधिस्थस्य केशव
स्थितधीः किं प्रभाषेत किमासीत व्रजेत किम्
Arjuna uvacha
Sthitapragyasya ka bhasha samadhisthasya keshava
Sthitadhih kim prabhasheta kimasita vrajeta kim
24.55
श्रीभगवानुवाच
प्रजहाति यदा कामान्सर्वान्पार्थ मनोगतान्
आत्मन्येवात्मना तुष्टः स्थितप्रज्ञस्तदोच्यते
Shribhagavanuvacha
Prajahati yada kamansarvanpartha manogatan
Atmanyevatmana tushtah sthitapragyastadochyate
24.56
दुःखेष्वनुद्विग्नमनाः सुखेषु विगतस्पृहः
वीतरागभयक्रोधः स्थितधीर्मुनिरुच्यते
Duhkheshvanudvignamanah sukheshu vigatasprihah
Vitaragabhayakrodhah sthitadhirmuniruchyate
24.57
यः सर्वत्रानभिस्नेहस्तत्तत्प्राप्य शुभाशुभम्
नाभिनन्दति न द्वेष्टि तस्य प्रज्ञा प्रतिष्ठिता
Yah sarvatranabhisnehastattatprapya shubhashubham
Nabhinandati na dveshti tasya pragya pratishthita
24.58
यदा संहरते चायं कूर्मोऽङ्गानीव सर्वशः
इन्द्रियाणीन्द्रियार्थेभ्यस्तस्य प्रज्ञा प्रतिष्ठिता
Yada sanharate chayam kurmonganiva sarvashah
Indriyanindriyarthebhyastasya pragya pratishthita
24.59
विषया विनिवर्तन्ते निराहारस्य देहिनः
रसवर्जं रसोऽप्यस्य परं दृष्ट्वा निवर्तते
Vishaya vinivartante niraharasya dehinah
Rasavarjam rasopyasya param drishtva nivartate
24.60
यततो ह्यपि कौन्तेय पुरुषस्य विपश्चितः
इन्द्रियाणि प्रमाथीनि हरन्ति प्रसभं मनः
Yatato hyapi kaunteya purushasya vipashchitah
Indriyani pramathini haranti prasabham manah
24.61
तानि सर्वाणि संयम्य युक्त आसीत मत्परः
वशे हि यस्येन्द्रियाणि तस्य प्रज्ञा प्रतिष्ठिता
Tani sarvani sanyamya yukta asita matparah
Vashe hi yasyendriyani tasya pragya pratishthita
24.62
ध्यायतो विषयान्पुंसः सङ्गस्तेषूपजायते
सङ्गात्संजायते कामः कामात्क्रोधोऽभिजायते
Dhyayato vishayanpunsah sangasteshupajayate
Sangatsanjayate kamah kamatkrodhobhijayate
24.63
क्रोधाद्भवति संमोहः संमोहात्स्मृतिविभ्रमः
स्मृतिभ्रंशाद्बुद्धिनाशो बुद्धिनाशात्प्रणश्यति
Krodhadbhavati sammohah sammohatsmritivibhramah
Smritibhranshadbuddhinasho buddhinashatpranashyati
24.64
रागद्वेषवियुक्तैस्तु विषयानिन्द्रियैश्चरन्
आत्मवश्यैर्विधेयात्मा प्रसादमधिगच्छति
Ragadveshaviyuktaistu vishayanindriyaishcharan
Atmavashyairvidheyatma prasadamadhigachchhati
24.65
प्रसादे सर्वदुःखानां हानिरस्योपजायते
प्रसन्नचेतसो ह्याशु बुद्धिः पर्यवतिष्ठते
Prasade sarvaduhkhanam hanirasyopajayate
Prasannachetaso hyashu buddhih paryavatishthate
24.66
नास्ति बुद्धिरयुक्तस्य न चायुक्तस्य भावना
न चाभावयतः शान्तिरशान्तस्य कुतः सुखम्
Nasti buddhirayuktasya na chayuktasya bhavana
Na chabhavayatah shantirashantasya kutah sukham
24.67
इन्द्रियाणां हि चरतां यन्मनोऽनुविधीयते
तदस्य हरति प्रज्ञां वायुर्नावमिवाम्भसि
Indriyanam hi charatam yanmanonuvidhiyate
Tadasya harati pragyam vayurnavamivambhasi
24.68
तस्माद्यस्य महाबाहो निगृहीतानि सर्वशः
इन्द्रियाणीन्द्रियार्थेभ्यस्तस्य प्रज्ञा प्रतिष्ठिता
Tasmadyasya mahabaho nigrihitani sarvashah
Indriyanindriyarthebhyastasya pragya pratishthita
24.69
या निशा सर्वभूतानां तस्यां जागर्ति संयमी
यस्यां जाग्रति भूतानि सा निशा पश्यतो मुनेः
Ya nisha sarvabhutanam tasyam jagarti sanyami
Yasyam jagrati bhutani sa nisha pashyato muneh
24.70
आपूर्यमाणमचलप्रतिष्ठं; समुद्रमापः प्रविशन्ति यद्वत्
तद्वत्कामा यं प्रविशन्ति सर्वे; स शान्तिमाप्नोति न कामकामी
Apuryamanamachalapratishtham; samudramapah pravishanti yadvat
Tadvatkama yam pravishanti sarve; sa shantimapnoti na kamakami
24.71
विहाय कामान्यः सर्वान्पुमांश्चरति निःस्पृहः
निर्ममो निरहंकारः स शान्तिमधिगच्छति
Vihaya kamanyah sarvanpumanshcharati nihsprihah
Nirmamo nirahankarah sa shantimadhigachchhati
24.72
एषा ब्राह्मी स्थितिः पार्थ नैनां प्राप्य विमुह्यति
स्थित्वास्यामन्तकालेऽपि ब्रह्मनिर्वाणमृच्छति
Esha brahmi sthitih partha nainam prapya vimuhyati
Sthitvasyamantakalepi brahmanirvanamrichchhati