UtshovChapter 14
14.1
वैशंपायन उवाच
अथ गावल्गणिर्धीमान्समरादेत्य संजयः
प्रत्यक्षदर्शी सर्वस्य भूतभव्यभविष्यवित्
Vaishampayana uvacha
Atha gavalganirdhimansamaradetya sanjayah
Pratyakshadarshi sarvasya bhutabhavyabhavishyavit
14.2
ध्यायते धृतराष्ट्राय सहसोपेत्य दुःखितः
आचष्ट निहतं भीष्मं भरतानाममध्यमम्
Dhyayate dhritarashtraya sahasopetya duhkhitah
Achashta nihatam bhishmam bharatanamamadhyamam
14.3
संजयोऽहं महाराज नमस्ते भरतर्षभ
हतो भीष्मः शांतनवो भरतानां पितामहः
Sanjayoham maharaja namaste bharatarshabha
Hato bhishmah shantanavo bharatanam pitamahah
14.4
ककुदं सर्वयोधानां धाम सर्वधनुष्मताम्
शरतल्पगतः सोऽद्य शेते कुरुपितामहः
Kakudam sarvayodhanam dhama sarvadhanushmatam
Sharatalpagatah sodya shete kurupitamahah
14.5
यस्य वीर्यं समाश्रित्य द्यूतं पुत्रस्तवाकरोत्
स शेते निहतो राजन्संख्ये भीष्मः शिखण्डिना
Yasya viryam samashritya dyutam putrastavakarot
Sa shete nihato rajansankhye bhishmah shikhandina
14.6
यः सर्वान्पृथिवीपालान्समवेतान्महामृधे
जिगायैकरथेनैव काशिपुर्यां महारथः
Yah sarvanprithivipalansamavetanmahamridhe
Jigayaikarathenaiva kashipuryam maharathah
14.7
जामदग्न्यं रणे राममायोध्य वसुसंभवः
न हतो जामदग्न्येन स हतोऽद्य शिखण्डिना
Jamadagnyam rane ramamayodhya vasusambhavah
Na hato jamadagnyena sa hatodya shikhandina
14.8
महेन्द्रसदृशः शौर्ये स्थैर्ये च हिमवानिव
समुद्र इव गाम्भीर्ये सहिष्णुत्वे धरासमः
Mahendrasadrishah shaurye sthairye cha himavaniva
Samudra iva gambhirye sahishnutve dharasamah
14.9
शरदंष्ट्रो धनुर्वक्त्रः खड्गजिह्वो दुरासदः
नरसिंहः पिता तेऽद्य पाञ्चाल्येन निपातितः
Sharadanshtro dhanurvaktrah khadgajihvo durasadah
Narasinhah pita tedya panchalyena nipatitah
14.10
पाण्डवानां महत्सैन्यं यं दृष्ट्वोद्यन्तमाहवे
प्रवेपत भयोद्विग्नं सिंहं दृष्ट्वेव गोगणः
Pandavanam mahatsainyam yam drishtvodyantamahave
Pravepata bhayodvignam sinham drishtveva goganah
14.11
परिरक्ष्य स सेनां ते दशरात्रमनीकहा
जगामास्तमिवादित्यः कृत्वा कर्म सुदुष्करम्
Parirakshya sa senam te dasharatramanikaha
Jagamastamivadityah kritva karma sudushkaram
14.12
यः स शक्र इवाक्षोभ्यो वर्षन्बाणान्सहस्रशः
जघान युधि योधानामर्बुदं दशभिर्दिनैः
Yah sa shakra ivakshobhyo varshanbanansahasrashah
Jaghana yudhi yodhanamarbudam dashabhirdinaih
14.13
स शेते निष्टनन्भूमौ वातरुग्ण इव द्रुमः
तव दुर्मन्त्रिते राजन्यथा नार्हः स भारत
Sa shete nishtananbhumau vatarugna iva drumah
Tava durmantrite rajanyatha narhah sa bharata