UtshovChapter 13
13.1
संजय उवाच
उत्तरेषु तु कौरव्य द्वीपेषु श्रूयते कथा
यथाश्रुतं महाराज ब्रुवतस्तन्निबोध मे
Sanjaya uvacha
Uttareshu tu kauravya dvipeshu shruyate katha
Yathashrutam maharaja bruvatastannibodha me
13.2
घृततोयः समुद्रोऽत्र दधिमण्डोदकोऽपरः
सुरोदः सागरश्चैव तथान्यो घर्मसागरः
Ghritatoyah samudrotra dadhimandodakoparah
Surodah sagarashchaiva tathanyo gharmasagarah
13.3
परस्परेण द्विगुणाः सर्वे द्वीपा नराधिप
सर्वतश्च महाराज पर्वतैः परिवारिताः
Parasparena dvigunah sarve dvipa naradhipa
Sarvatashcha maharaja parvataih parivaritah
13.4
गौरस्तु मध्यमे द्वीपे गिरिर्मानःशिलो महान्
पर्वतः पश्चिमः कृष्णो नारायणनिभो नृप
Gaurastu madhyame dvipe girirmanahshilo mahan
Parvatah pashchimah krishno narayananibho nripa
13.5
तत्र रत्नानि दिव्यानि स्वयं रक्षति केशवः
प्रजापतिमुपासीनः प्रजानां विदधे सुखम्
Tatra ratnani divyani svayam rakshati keshavah
Prajapatimupasinah prajanam vidadhe sukham
13.6
कुशद्वीपे कुशस्तम्बो मध्ये जनपदस्य ह
संपूज्यते शल्मलिश्च द्वीपे शाल्मलिके नृप
Kushadvipe kushastambo madhye janapadasya ha
Sampujyate shalmalishcha dvipe shalmalike nripa
13.7
क्रौञ्चद्वीपे महाक्रौञ्चो गिरी रत्नचयाकरः
संपूज्यते महाराज चातुर्वर्ण्येन नित्यदा
Kraunchadvipe mahakrauncho giri ratnachayakarah
Sampujyate maharaja chaturvarnyena nityada
13.8
गोमन्दः पर्वतो राजन्सुमहान्सर्वधातुमान्
यत्र नित्यं निवसति श्रीमान्कमललोचनः
मोक्षिभिः संस्तुतो नित्यं प्रभुर्नारायणो हरिः
Gomandah parvato rajansumahansarvadhatuman
Yatra nityam nivasati shrimankamalalochanah
Mokshibhih sanstuto nityam prabhurnarayano harih
13.9
कुशद्वीपे तु राजेन्द्र पर्वतो विद्रुमैश्चितः
सुधामा नाम दुर्धर्षो द्वितीयो हेमपर्वतः
Kushadvipe tu rajendra parvato vidrumaishchitah
Sudhama nama durdharsho dvitiyo hemaparvatah
13.10
द्युतिमान्नाम कौरव्य तृतीयः कुमुदो गिरिः
चतुर्थः पुष्पवान्नाम पञ्चमस्तु कुशेशयः
Dyutimannama kauravya tritiyah kumudo girih
Chaturthah pushpavannama panchamastu kusheshayah
13.11
षष्ठो हरिगिरिर्नाम षडेते पर्वतोत्तमाः
तेषामन्तरविष्कम्भो द्विगुणः प्रविभागशः
Shashtho harigirirnama shadete parvatottamah
Teshamantaravishkambho dvigunah pravibhagashah
13.12
औद्भिदं प्रथमं वर्षं द्वितीयं वेणुमण्डलम्
तृतीयं वै रथाकारं चतुर्थं पालनं स्मृतम्
Audbhidam prathamam varsham dvitiyam venumandalam
Tritiyam vai rathakaram chaturtham palanam smritam
13.13
धृतिमत्पञ्चमं वर्षं षष्ठं वर्षं प्रभाकरम्
सप्तमं कापिलं वर्षं सप्तैते वर्षपुञ्जकाः
Dhritimatpanchamam varsham shashtham varsham prabhakaram
Saptamam kapilam varsham saptaite varshapunjakah
13.14
एतेषु देवगन्धर्वाः प्रजाश्च जगतीश्वर
विहरन्ति रमन्ते च न तेषु म्रियते जनः
Eteshu devagandharvah prajashcha jagatishvara
Viharanti ramante cha na teshu mriyate janah
13.15
न तेषु दस्यवः सन्ति म्लेच्छजात्योऽपि वा नृप
गौरप्रायो जनः सर्वः सुकुमारश्च पार्थिव
Na teshu dasyavah santi mlechchhajatyopi va nripa
Gauraprayo janah sarvah sukumarashcha parthiva
13.16
अवशिष्टेषु वर्षेषु वक्ष्यामि मनुजेश्वर
यथाश्रुतं महाराज तदव्यग्रमनाः शृणु
Avashishteshu varsheshu vakshyami manujeshvara
Yathashrutam maharaja tadavyagramanah shrinu
13.17
क्रौञ्चद्वीपे महाराज क्रौञ्चो नाम महागिरिः
क्रौञ्चात्परो वामनको वामनादन्धकारकः
Kraunchadvipe maharaja krauncho nama mahagirih
Kraunchatparo vamanako vamanadandhakarakah
13.18
अन्धकारात्परो राजन्मैनाकः पर्वतोत्तमः
मैनाकात्परतो राजन्गोविन्दो गिरिरुत्तमः
Andhakaratparo rajanmainakah parvatottamah
Mainakatparato rajangovindo giriruttamah
13.19
गोविन्दात्तु परो राजन्निबिडो नाम पर्वतः
परस्तु द्विगुणस्तेषां विष्कम्भो वंशवर्धन
Govindattu paro rajannibido nama parvatah
Parastu dvigunastesham vishkambho vanshavardhana
13.20
देशांस्तत्र प्रवक्ष्यामि तन्मे निगदतः शृणु
क्रौञ्चस्य कुशलो देशो वामनस्य मनोनुगः
Deshanstatra pravakshyami tanme nigadatah shrinu
Kraunchasya kushalo desho vamanasya manonugah
13.21
मनोनुगात्परश्चोष्णो देशः कुरुकुलोद्वह
उष्णात्परः प्रावरकः प्रावरादन्धकारकः
Manonugatparashchoshno deshah kurukulodvaha
Ushnatparah pravarakah pravaradandhakarakah
13.22
अन्धकारकदेशात्तु मुनिदेशः परः स्मृतः
मुनिदेशात्परश्चैव प्रोच्यते दुन्दुभिस्वनः
Andhakarakadeshattu munideshah parah smritah
Munideshatparashchaiva prochyate dundubhisvanah
13.23
सिद्धचारणसंकीर्णो गौरप्रायो जनाधिप
एते देशा महाराज देवगन्धर्वसेविताः
Siddhacharanasankirno gauraprayo janadhipa
Ete desha maharaja devagandharvasevitah
13.24
पुष्करे पुष्करो नाम पर्वतो मणिरत्नमान्
तत्र नित्यं निवसति स्वयं देवः प्रजापतिः
Pushkare pushkaro nama parvato maniratnaman
Tatra nityam nivasati svayam devah prajapatih
13.25
तं पर्युपासते नित्यं देवाः सर्वे महर्षिभिः
वाग्भिर्मनोनुकूलाभिः पूजयन्तो जनाधिप
Tam paryupasate nityam devah sarve maharshibhih
Vagbhirmanonukulabhih pujayanto janadhipa
13.26
जम्बूद्वीपात्प्रवर्तन्ते रत्नानि विविधान्युत
द्वीपेषु तेषु सर्वेषु प्रजानां कुरुनन्दन
Jambudvipatpravartante ratnani vividhanyuta
Dvipeshu teshu sarveshu prajanam kurunandana
13.27
विप्राणां ब्रह्मचर्येण सत्येन च दमेन च
आरोग्यायुःप्रमाणाभ्यां द्विगुणं द्विगुणं ततः
Vipranam brahmacharyena satyena cha damena cha
Arogyayuhpramanabhyam dvigunam dvigunam tatah
13.28
एको जनपदो राजन्द्वीपेष्वेतेषु भारत
उक्ता जनपदा येषु धर्मश्चैकः प्रदृश्यते
Eko janapado rajandvipeshveteshu bharata
Ukta janapada yeshu dharmashchaikah pradrishyate
13.29
ईश्वरो दण्डमुद्यम्य स्वयमेव प्रजापतिः
द्वीपानेतान्महाराज रक्षंस्तिष्ठति नित्यदा
Ishvaro dandamudyamya svayameva prajapatih
Dvipanetanmaharaja rakshanstishthati nityada
13.30
स राजा स शिवो राजन्स पिता स पितामहः
गोपायति नरश्रेष्ठ प्रजाः सजडपण्डिताः
Sa raja sa shivo rajansa pita sa pitamahah
Gopayati narashreshtha prajah sajadapanditah
13.31
भोजनं चात्र कौरव्य प्रजाः स्वयमुपस्थितम्
सिद्धमेव महाराज भुञ्जते तत्र नित्यदा
Bhojanam chatra kauravya prajah svayamupasthitam
Siddhameva maharaja bhunjate tatra nityada
13.32
ततः परं समा नाम दृश्यते लोकसंस्थितिः
चतुरश्रा महाराज त्रयस्त्रिंशत्तु मण्डलम्
Tatah param sama nama drishyate lokasansthitih
Chaturashra maharaja trayastrinshattu mandalam
13.33
तत्र तिष्ठन्ति कौरव्य चत्वारो लोकसंमताः
दिग्गजा भरतश्रेष्ठ वामनैरावतादयः
सुप्रतीकस्तथा राजन्प्रभिन्नकरटामुखः
Tatra tishthanti kauravya chatvaro lokasammatah
Diggaja bharatashreshtha vamanairavatadayah
Supratikastatha rajanprabhinnakaratamukhah
13.34
तस्याहं परिमाणं तु न संख्यातुमिहोत्सहे
असंख्यातः स नित्यं हि तिर्यगूर्ध्वमधस्तथा
Tasyaham parimanam tu na sankhyatumihotsahe
Asankhyatah sa nityam hi tiryagurdhvamadhastatha
13.35
तत्र वै वायवो वान्ति दिग्भ्यः सर्वाभ्य एव च
असंबाधा महाराज तान्निगृह्णन्ति ते गजाः
Tatra vai vayavo vanti digbhyah sarvabhya eva cha
Asambadha maharaja tannigrihnanti te gajah
13.36
पुष्करैः पद्मसंकाशैर्वर्ष्मवद्भिर्महाप्रभैः
ते शनैः पुनरेवाशु वायून्मुञ्चन्ति नित्यशः
Pushkaraih padmasankashairvarshmavadbhirmahaprabhaih
Te shanaih punarevashu vayunmunchanti nityashah
13.37
श्वसद्भिर्मुच्यमानास्तु दिग्गजैरिह मारुताः
आगच्छन्ति महाराज ततस्तिष्ठन्ति वै प्रजाः
Shvasadbhirmuchyamanastu diggajairiha marutah
Agachchhanti maharaja tatastishthanti vai prajah
13.38
धृतराष्ट्र उवाच
परो वै विस्तरोऽत्यर्थं त्वया संजय कीर्तितः
दर्शितं द्वीपसंस्थानमुत्तरं ब्रूहि संजय
Dhritarashtra uvacha
Paro vai vistarotyartham tvaya sanjaya kirtitah
Darshitam dvipasansthanamuttaram bruhi sanjaya
13.39
संजय उवाच
उक्ता द्वीपा महाराज ग्रहान्मे शृणु तत्त्वतः
स्वर्भानुः कौरवश्रेष्ठ यावदेष प्रभावतः
Sanjaya uvacha
Ukta dvipa maharaja grahanme shrinu tattvatah
Svarbhanuh kauravashreshtha yavadesha prabhavatah
13.40
परिमण्डलो महाराज स्वर्भानुः श्रूयते ग्रहः
योजनानां सहस्राणि विष्कम्भो द्वादशास्य वै
Parimandalo maharaja svarbhanuh shruyate grahah
Yojananam sahasrani vishkambho dvadashasya vai
13.41
परिणाहेन षट्त्रिंशद्विपुलत्वेन चानघ
षष्टिमाहुः शतान्यस्य बुधाः पौराणिकास्तथा
Parinahena shattrinshadvipulatvena chanagha
Shashtimahuh shatanyasya budhah pauranikastatha
13.42
चन्द्रमास्तु सहस्राणि राजन्नेकादश स्मृतः
विष्कम्भेण कुरुश्रेष्ठ त्रयस्त्रिंशत्तु मण्डलम्
एकोनषष्टिर्वैपुल्याच्छीतरश्मेर्महात्मनः
Chandramastu sahasrani rajannekadasha smritah
Vishkambhena kurushreshtha trayastrinshattu mandalam
Ekonashashtirvaipulyachchhitarashmermahatmanah
13.43
सूर्यस्त्वष्टौ सहस्राणि द्वे चान्ये कुरुनन्दन
विष्कम्भेण ततो राजन्मण्डलं त्रिंशतं समम्
Suryastvashtau sahasrani dve chanye kurunandana
Vishkambhena tato rajanmandalam trinshatam samam
13.44
अष्टपञ्चाशतं राजन्विपुलत्वेन चानघ
श्रूयते परमोदारः पतंगोऽसौ विभावसुः
एतत्प्रमाणमर्कस्य निर्दिष्टमिह भारत
Ashtapanchashatam rajanvipulatvena chanagha
Shruyate paramodarah patangosau vibhavasuh
Etatpramanamarkasya nirdishtamiha bharata
13.45
स राहुश्छादयत्येतौ यथाकालं महत्तया
चन्द्रादित्यौ महाराज संक्षेपोऽयमुदाहृतः
Sa rahushchhadayatyetau yathakalam mahattaya
Chandradityau maharaja sankshepoyamudahritah
13.46
इत्येतत्ते महाराज पृच्छतः शास्त्रचक्षुषा
सर्वमुक्तं यथातत्त्वं तस्माच्छममवाप्नुहि
Ityetatte maharaja prichchhatah shastrachakshusha
Sarvamuktam yathatattvam tasmachchhamamavapnuhi
13.47
यथादृष्टं मया प्रोक्तं सनिर्याणमिदं जगत्
तस्मादाश्वस कौरव्य पुत्रं दुर्योधनं प्रति
Yathadrishtam maya proktam saniryanamidam jagat
Tasmadashvasa kauravya putram duryodhanam prati
13.48
श्रुत्वेदं भरतश्रेष्ठ भूमिपर्व मनोनुगम्
श्रीमान्भवति राजन्यः सिद्धार्थः साधुसंमतः
आयुर्बलं च वीर्यं च तस्य तेजश्च वर्धते
Shrutvedam bharatashreshtha bhumiparva manonugam
Shrimanbhavati rajanyah siddharthah sadhusammatah
Ayurbalam cha viryam cha tasya tejashcha vardhate
13.49
यः शृणोति महीपाल पर्वणीदं यतव्रतः
प्रीयन्ते पितरस्तस्य तथैव च पितामहाः
Yah shrinoti mahipala parvanidam yatavratah
Priyante pitarastasya tathaiva cha pitamahah
13.50
इदं तु भारतं वर्षं यत्र वर्तामहे वयम्
पूर्वं प्रवर्तते पुण्यं तत्सर्वं श्रुतवानसि
Idam tu bharatam varsham yatra vartamahe vayam
Purvam pravartate punyam tatsarvam shrutavanasi