UtshovChapter 79
79.1
सहदेव उवाच
यदेतत्कथितं राज्ञा धर्म एष सनातनः
यथा तु युद्धमेव स्यात्तथा कार्यमरिंदम
Sahadeva uvacha
Yadetatkathitam ragya dharma esha sanatanah
Yatha tu yuddhameva syattatha karyamarindama
79.2
यदि प्रशममिच्छेयुः कुरवः पाण्डवैः सह
तथापि युद्धं दाशार्ह योजयेथाः सहैव तैः
Yadi prashamamichchheyuh kuravah pandavaih saha
Tathapi yuddham dasharha yojayethah sahaiva taih
79.3
कथं नु दृष्ट्वा पाञ्चालीं तथा क्लिष्टां सभागताम्
अवधेन प्रशाम्येत मम मन्युः सुयोधने
Katham nu drishtva panchalim tatha klishtam sabhagatam
Avadhena prashamyeta mama manyuh suyodhane
79.4
यदि भीमार्जुनौ कृष्ण धर्मराजश्च धार्मिकः
धर्ममुत्सृज्य तेनाहं योद्धुमिच्छामि संयुगे
Yadi bhimarjunau krishna dharmarajashcha dharmikah
Dharmamutsrijya tenaham yoddhumichchhami sanyuge
79.5
सात्यकिरुवाच
सत्यमाह महाबाहो सहदेवो महामतिः
दुर्योधनवधे शान्तिस्तस्य कोपस्य मे भवेत्
Satyakiruvacha
Satyamaha mahabaho sahadevo mahamatih
Duryodhanavadhe shantistasya kopasya me bhavet
79.6
जानासि हि यथा दृष्ट्वा चीराजिनधरान्वने
तवापि मन्युरुद्भूतो दुःखितान्प्रेक्ष्य पाण्डवान्
Janasi hi yatha drishtva chirajinadharanvane
Tavapi manyurudbhuto duhkhitanprekshya pandavan
79.7
तस्मान्माद्रीसुतः शूरो यदाह पुरुषर्षभः
वचनं सर्वयोधानां तन्मतं पुरुषोत्तम
Tasmanmadrisutah shuro yadaha purusharshabhah
Vachanam sarvayodhanam tanmatam purushottama
79.8
वैशंपायन उवाच
एवं वदति वाक्यं तु युयुधाने महामतौ
सुभीमः सिंहनादोऽभूद्योधानां तत्र सर्वशः
Vaishampayana uvacha
Evam vadati vakyam tu yuyudhane mahamatau
Subhimah sinhanadobhudyodhanam tatra sarvashah
79.9
सर्वे हि सर्वतो वीरास्तद्वचः प्रत्यपूजयन्
साधु साध्विति शैनेयं हर्षयन्तो युयुत्सवः
Sarve hi sarvato virastadvachah pratyapujayan
Sadhu sadhviti shaineyam harshayanto yuyutsavah