UtshovChapter 195
195.1
वैशंपायन उवाच
एतच्छ्रुत्वा तु कौन्तेयः सर्वान्भ्रातॄनुपह्वरे
आहूय भरतश्रेष्ठ इदं वचनमब्रवीत्
Vaishampayana uvacha
Etachchhrutva tu kaunteyah sarvanbhratrinupahvare
Ahuya bharatashreshtha idam vachanamabravit
195.2
धार्तराष्ट्रस्य सैन्येषु ये चारपुरुषा मम
ते प्रवृत्तिं प्रयच्छन्ति ममेमां व्युषितां निशाम्
Dhartarashtrasya sainyeshu ye charapurusha mama
Te pravrittim prayachchhanti mamemam vyushitam nisham
195.3
दुर्योधनः किलापृच्छदापगेयं महाव्रतम्
केन कालेन पाण्डूनां हन्याः सैन्यमिति प्रभो
Duryodhanah kilaprichchhadapageyam mahavratam
Kena kalena pandunam hanyah sainyamiti prabho
195.4
मासेनेति च तेनोक्तो धार्तराष्ट्रः सुदुर्मतिः
तावता चापि कालेन द्रोणोऽपि प्रत्यजानत
Maseneti cha tenokto dhartarashtrah sudurmatih
Tavata chapi kalena dronopi pratyajanata
195.5
गौतमो द्विगुणं कालमुक्तवानिति नः श्रुतम्
द्रौणिस्तु दशरात्रेण प्रतिजज्ञे महास्त्रवित्
Gautamo dvigunam kalamuktavaniti nah shrutam
Draunistu dasharatrena pratijagye mahastravit
195.6
तथा दिव्यास्त्रवित्कर्णः संपृष्टः कुरुसंसदि
पञ्चभिर्दिवसैर्हन्तुं स सैन्यं प्रतिजज्ञिवान्
Tatha divyastravitkarnah samprishtah kurusansadi
Panchabhirdivasairhantum sa sainyam pratijagyivan
195.7
तस्मादहमपीच्छामि श्रोतुमर्जुन ते वचः
कालेन कियता शत्रून्क्षपयेरिति संयुगे
Tasmadahamapichchhami shrotumarjuna te vachah
Kalena kiyata shatrunkshapayeriti sanyuge
195.8
एवमुक्तो गुडाकेशः पार्थिवेन धनंजयः
वासुदेवमवेक्ष्येदं वचनं प्रत्यभाषत
Evamukto gudakeshah parthivena dhananjayah
Vasudevamavekshyedam vachanam pratyabhashata
195.9
सर्व एते महात्मानः कृतास्त्राश्चित्रयोधिनः
असंशयं महाराज हन्युरेव बलं तव
Sarva ete mahatmanah kritastrashchitrayodhinah
Asanshayam maharaja hanyureva balam tava
195.10
अपैतु ते मनस्तापो यथासत्यं ब्रवीम्यहम्
हन्यामेकरथेनाहं वासुदेवसहायवान्
Apaitu te manastapo yathasatyam bravimyaham
Hanyamekarathenaham vasudevasahayavan
195.11
सामरानपि लोकांस्त्रीन्सहस्थावरजङ्गमान्
भूतं भव्यं भविष्यच्च निमेषादिति मे मतिः
Samaranapi lokanstrinsahasthavarajangaman
Bhutam bhavyam bhavishyachcha nimeshaditi me matih
195.12
यत्तद्घोरं पशुपतिः प्रादादस्त्रं महन्मम
कैराते द्वन्द्वयुद्धे वै तदिदं मयि वर्तते
Yattadghoram pashupatih pradadastram mahanmama
Kairate dvandvayuddhe vai tadidam mayi vartate
195.13
यद्युगान्ते पशुपतिः सर्वभूतानि संहरन्
प्रयुङ्क्ते पुरुषव्याघ्र तदिदं मयि वर्तते
Yadyugante pashupatih sarvabhutani sanharan
Prayunkte purushavyaghra tadidam mayi vartate
195.14
तन्न जानाति गाङ्गेयो न द्रोणो न च गौतमः
न च द्रोणसुतो राजन्कुत एव तु सूतजः
Tanna janati gangeyo na drono na cha gautamah
Na cha dronasuto rajankuta eva tu sutajah
195.15
न तु युक्तं रणे हन्तुं दिव्यैरस्त्रैः पृथग्जनम्
आर्जवेनैव युद्धेन विजेष्यामो वयं परान्
Na tu yuktam rane hantum divyairastraih prithagjanam
Arjavenaiva yuddhena vijeshyamo vayam paran
195.16
तथेमे पुरुषव्याघ्राः सहायास्तव पार्थिव
सर्वे दिव्यास्त्रविदुषः सर्वे युद्धाभिनन्दिनः
Tatheme purushavyaghrah sahayastava parthiva
Sarve divyastravidushah sarve yuddhabhinandinah
195.17
वेदान्तावभृथस्नाताः सर्व एतेऽपराजिताः
निहन्युः समरे सेनां देवानामपि पाण्डव
Vedantavabhrithasnatah sarva eteparajitah
Nihanyuh samare senam devanamapi pandava
195.18
शिखण्डी युयुधानश्च धृष्टद्युम्नश्च पार्षतः
भीमसेनो यमौ चोभौ युधामन्यूत्तमौजसौ
Shikhandi yuyudhanashcha dhrishtadyumnashcha parshatah
Bhimaseno yamau chobhau yudhamanyuttamaujasau
195.19
विराटद्रुपदौ चोभौ भीष्मद्रोणसमौ युधि
स्वयं चापि समर्थोऽसि त्रैलोक्योत्सादने अपि
Viratadrupadau chobhau bhishmadronasamau yudhi
Svayam chapi samarthosi trailokyotsadane api
195.20
क्रोधाद्यं पुरुषं पश्येस्त्वं वासवसमद्युते
क्षिप्रं न स भवेद्व्यक्तमिति त्वां वेद्मि कौरव
Krodhadyam purusham pashyestvam vasavasamadyute
Kshipram na sa bhavedvyaktamiti tvam vedmi kaurava