UtshovChapter 182
182.1
भीष्म उवाच
समागतस्य रामेण पुनरेवातिदारुणम्
अन्येद्युस्तुमुलं युद्धं तदा भरतसत्तम
Bhishma uvacha
Samagatasya ramena punarevatidarunam
Anyedyustumulam yuddham tada bharatasattama
182.2
ततो दिव्यास्त्रविच्छूरो दिव्यान्यस्त्राण्यनेकशः
अयोजयत धर्मात्मा दिवसे दिवसे विभुः
Tato divyastravichchhuro divyanyastranyanekashah
Ayojayata dharmatma divase divase vibhuh
182.3
तान्यहं तत्प्रतीघातैरस्त्रैरस्त्राणि भारत
व्यधमं तुमुले युद्धे प्राणांस्त्यक्त्वा सुदुस्त्यजान्
Tanyaham tatpratighatairastrairastrani bharata
Vyadhamam tumule yuddhe prananstyaktva sudustyajan
182.4
अस्त्रैरस्त्रेषु बहुधा हतेष्वथ च भार्गवः
अक्रुध्यत महातेजास्त्यक्तप्राणः स संयुगे
Astrairastreshu bahudha hateshvatha cha bhargavah
Akrudhyata mahatejastyaktapranah sa sanyuge
182.5
ततः शक्तिं प्राहिणोद्घोररूपा;मस्त्रै रुद्धो जामदग्न्यो महात्मा
कालोत्सृष्टां प्रज्वलितामिवोल्कां; संदीप्ताग्रां तेजसावृत्य लोकान्
Tatah shaktim prahinodghorarupa;mastrai ruddho jamadagnyo mahatma
Kalotsrishtam prajvalitamivolkam; sandiptagram tejasavritya lokan
182.6
ततोऽहं तामिषुभिर्दीप्यमानैः; समायान्तीमन्तकालार्कदीप्ताम्
छित्त्वा त्रिधा पातयामास भूमौ; ततो ववौ पवनः पुण्यगन्धिः
Tatoham tamishubhirdipyamanaih; samayantimantakalarkadiptam
Chhittva tridha patayamasa bhumau; tato vavau pavanah punyagandhih
182.7
तस्यां छिन्नायां क्रोधदीप्तोऽथ रामः; शक्तीर्घोराः प्राहिणोद्द्वादशान्याः
तासां रूपं भारत नोत शक्यं; तेजस्वित्वाल्लाघवाच्चैव वक्तुम्
Tasyam chhinnayam krodhadiptotha ramah; shaktirghorah prahinoddvadashanyah
Tasam rupam bharata nota shakyam; tejasvitvallaghavachchaiva vaktum
182.8
किं त्वेवाहं विह्वलः संप्रदृश्य; दिग्भ्यः सर्वास्ता महोल्का इवाग्नेः
नानारूपास्तेजसोग्रेण दीप्ता; यथादित्या द्वादश लोकसंक्षये
Kim tvevaham vihvalah sampradrishya; digbhyah sarvasta maholka ivagneh
Nanarupastejasogrena dipta; yathaditya dvadasha lokasankshaye
182.9
ततो जालं बाणमयं विवृत्य; संदृश्य भित्त्वा शरजालेन राजन्
द्वादशेषून्प्राहिणवं रणेऽहं; ततः शक्तीर्व्यधमं घोररूपाः
Tato jalam banamayam vivritya; sandrishya bhittva sharajalena rajan
Dvadasheshunprahinavam raneham; tatah shaktirvyadhamam ghorarupah
182.10
ततोऽपरा जामदग्न्यो महात्मा; शक्तीर्घोराः प्राक्षिपद्धेमदण्डाः
विचित्रिताः काञ्चनपट्टनद्धा; यथा महोल्का ज्वलितास्तथा ताः
Tatopara jamadagnyo mahatma; shaktirghorah prakshipaddhemadandah
Vichitritah kanchanapattanaddha; yatha maholka jvalitastatha tah
182.11
ताश्चाप्युग्राश्चर्मणा वारयित्वा; खड्गेनाजौ पातिता मे नरेन्द्र
बाणैर्दिव्यैर्जामदग्न्यस्य संख्ये; दिव्यांश्चाश्वानभ्यवर्षं ससूतान्
Tashchapyugrashcharmana varayitva; khadgenajau patita me narendra
Banairdivyairjamadagnyasya sankhye; divyanshchashvanabhyavarsham sasutan
182.12
निर्मुक्तानां पन्नगानां सरूपा; दृष्ट्वा शक्तीर्हेमचित्रा निकृत्ताः
प्रादुश्चक्रे दिव्यमस्त्रं महात्मा; क्रोधाविष्टो हैहयेशप्रमाथी
Nirmuktanam pannaganam sarupa; drishtva shaktirhemachitra nikrittah
Pradushchakre divyamastram mahatma; krodhavishto haihayeshapramathi
182.13
ततः श्रेण्यः शलभानामिवोग्राः; समापेतुर्विशिखानां प्रदीप्ताः
समाचिनोच्चापि भृशं शरीरं; हयान्सूतं सरथं चैव मह्यम्
Tatah shrenyah shalabhanamivograh; samapeturvishikhanam pradiptah
Samachinochchapi bhrisham shariram; hayansutam saratham chaiva mahyam
182.14
रथः शरैर्मे निचितः सर्वतोऽभू;त्तथा हयाः सारथिश्चैव राजन्
युगं रथेषा च तथैव चक्रे; तथैवाक्षः शरकृत्तोऽथ भग्नः
Rathah sharairme nichitah sarvatobhu;ttatha hayah sarathishchaiva rajan
Yugam rathesha cha tathaiva chakre; tathaivakshah sharakrittotha bhagnah
182.15
ततस्तस्मिन्बाणवर्षे व्यतीते; शरौघेण प्रत्यवर्षं गुरुं तम्
स विक्षतो मार्गणैर्ब्रह्मराशि;र्देहादजस्रं मुमुचे भूरि रक्तम्
Tatastasminbanavarshe vyatite; sharaughena pratyavarsham gurum tam
Sa vikshato marganairbrahmarashi;rdehadajasram mumuche bhuri raktam
182.16
यथा रामो बाणजालाभितप्त;स्तथैवाहं सुभृशं गाढविद्धः
ततो युद्धं व्यरमच्चापराह्णे; भानावस्तं प्रार्थयाने महीध्रम्
Yatha ramo banajalabhitapta;stathaivaham subhrisham gadhaviddhah
Tato yuddham vyaramachchaparahne; bhanavastam prarthayane mahidhram