UtshovChapter 171
171.1
भीष्म उवाच
ततोऽहं भरतश्रेष्ठ मातरं वीरमातरम्
अभिगम्योपसंगृह्य दाशेयीमिदमब्रुवम्
Bhishma uvacha
Tatoham bharatashreshtha mataram viramataram
Abhigamyopasangrihya dasheyimidamabruvam
171.2
इमाः काशिपतेः कन्या मया निर्जित्य पार्थिवान्
विचित्रवीर्यस्य कृते वीर्यशुल्का उपार्जिताः
Imah kashipateh kanya maya nirjitya parthivan
Vichitraviryasya krite viryashulka uparjitah
171.3
ततो मूर्धन्युपाघ्राय पर्यश्रुनयना नृप
आह सत्यवती हृष्टा दिष्ट्या पुत्र जितं त्वया
Tato murdhanyupaghraya paryashrunayana nripa
Aha satyavati hrishta dishtya putra jitam tvaya
171.4
सत्यवत्यास्त्वनुमते विवाहे समुपस्थिते
उवाच वाक्यं सव्रीडा ज्येष्ठा काशिपतेः सुता
Satyavatyastvanumate vivahe samupasthite
Uvacha vakyam savrida jyeshtha kashipateh suta
171.5
भीष्म त्वमसि धर्मज्ञः सर्वशास्त्रविशारदः
श्रुत्वा च धर्म्यं वचनं मह्यं कर्तुमिहार्हसि
Bhishma tvamasi dharmagyah sarvashastravisharadah
Shrutva cha dharmyam vachanam mahyam kartumiharhasi
171.6
मया शाल्वपतिः पूर्वं मनसाभिवृतो वरः
तेन चास्मि वृता पूर्वं रहस्यविदिते पितुः
Maya shalvapatih purvam manasabhivrito varah
Tena chasmi vrita purvam rahasyavidite pituh
171.7
कथं मामन्यकामां त्वं राजञ्शास्त्रमधीत्य वै
वासयेथा गृहे भीष्म कौरवः सन्विशेषतः
Katham mamanyakamam tvam rajanshastramadhitya vai
Vasayetha grihe bhishma kauravah sanvisheshatah
171.8
एतद्बुद्ध्या विनिश्चित्य मनसा भरतर्षभ
यत्क्षमं ते महाबाहो तदिहारब्धुमर्हसि
Etadbuddhya vinishchitya manasa bharatarshabha
Yatkshamam te mahabaho tadiharabdhumarhasi
171.9
स मां प्रतीक्षते व्यक्तं शाल्वराजो विशां पते
कृपां कुरु महाबाहो मयि धर्मभृतां वर
त्वं हि सत्यव्रतो वीर पृथिव्यामिति नः श्रुतम्
Sa mam pratikshate vyaktam shalvarajo visham pate
Kripam kuru mahabaho mayi dharmabhritam vara
Tvam hi satyavrato vira prithivyamiti nah shrutam