UtshovChapter 117
117.1
नारद उवाच
गालवं वैनतेयोऽथ प्रहसन्निदमब्रवीत्
दिष्ट्या कृतार्थं पश्यामि भवन्तमिह वै द्विज
Narada uvacha
Galavam vainateyotha prahasannidamabravit
Dishtya kritartham pashyami bhavantamiha vai dvija
117.2
गालवस्तु वचः श्रुत्वा वैनतेयेन भाषितम्
चतुर्भागावशिष्टं तदाचख्यौ कार्यमस्य हि
Galavastu vachah shrutva vainateyena bhashitam
Chaturbhagavashishtam tadachakhyau karyamasya hi
117.3
सुपर्णस्त्वब्रवीदेनं गालवं पततां वरः
प्रयत्नस्ते न कर्तव्यो नैष संपत्स्यते तव
Suparnastvabravidenam galavam patatam varah
Prayatnaste na kartavyo naisha sampatsyate tava
117.4
पुरा हि कन्यकुब्जे वै गाधेः सत्यवतीं सुताम्
भार्यार्थेऽवरयत्कन्यामृचीकस्तेन भाषितः
Pura hi kanyakubje vai gadheh satyavatim sutam
Bharyarthevarayatkanyamrichikastena bhashitah
117.5
एकतःश्यामकर्णानां हयानां चन्द्रवर्चसाम्
भगवन्दीयतां मह्यं सहस्रमिति गालव
Ekatahshyamakarnanam hayanam chandravarchasam
Bhagavandiyatam mahyam sahasramiti galava
117.6
ऋचीकस्तु तथेत्युक्त्वा वरुणस्यालयं गतः
अश्वतीर्थे हयाँल्लब्ध्वा दत्तवान्पार्थिवाय वै
Richikastu tathetyuktva varunasyalayam gatah
Ashvatirthe hayanllabdhva dattavanparthivaya vai
117.7
इष्ट्वा ते पुण्डरीकेण दत्ता राज्ञा द्विजातिषु
तेभ्यो द्वे द्वे शते क्रीत्वा प्राप्तास्ते पार्थिवैस्तदा
Ishtva te pundarikena datta ragya dvijatishu
Tebhyo dve dve shate kritva praptaste parthivaistada
117.8
अपराण्यपि चत्वारि शतानि द्विजसत्तम
नीयमानानि संतारे हृतान्यासन्वितस्तया
एवं न शक्यमप्राप्यं प्राप्तुं गालव कर्हिचित्
Aparanyapi chatvari shatani dvijasattama
Niyamanani santare hritanyasanvitastaya
Evam na shakyamaprapyam praptum galava karhichit
117.9
इमामश्वशताभ्यां वै द्वाभ्यां तस्मै निवेदय
विश्वामित्राय धर्मात्मन्षड्भिरश्वशतैः सह
ततोऽसि गतसंमोहः कृतकृत्यो द्विजर्षभ
Imamashvashatabhyam vai dvabhyam tasmai nivedaya
Vishvamitraya dharmatmanshadbhirashvashataih saha
Tatosi gatasammohah kritakrityo dvijarshabha
117.10
गालवस्तं तथेत्युक्त्वा सुपर्णसहितस्ततः
आदायाश्वांश्च कन्यां च विश्वामित्रमुपागमत्
Galavastam tathetyuktva suparnasahitastatah
Adayashvanshcha kanyam cha vishvamitramupagamat
117.11
गालव उवाच
अश्वानां काङ्क्षितार्थानां षडिमानि शतानि वै
शतद्वयेन कन्येयं भवता प्रतिगृह्यताम्
Galava uvacha
Ashvanam kankshitarthanam shadimani shatani vai
Shatadvayena kanyeyam bhavata pratigrihyatam
117.12
अस्यां राजर्षिभिः पुत्रा जाता वै धार्मिकास्त्रयः
चतुर्थं जनयत्वेकं भवानपि नरोत्तम
Asyam rajarshibhih putra jata vai dharmikastrayah
Chaturtham janayatvekam bhavanapi narottama
117.13
पूर्णान्येवं शतान्यष्टौ तुरगाणां भवन्तु ते
भवतो ह्यनृणो भूत्वा तपः कुर्यां यथासुखम्
Purnanyevam shatanyashtau turaganam bhavantu te
Bhavato hyanrino bhutva tapah kuryam yathasukham
117.14
नारद उवाच
विश्वामित्रस्तु तं दृष्ट्वा गालवं सह पक्षिणा
कन्यां च तां वरारोहामिदमित्यब्रवीद्वचः
Narada uvacha
Vishvamitrastu tam drishtva galavam saha pakshina
Kanyam cha tam vararohamidamityabravidvachah
117.15
किमियं पूर्वमेवेह न दत्ता मम गालव
पुत्रा ममैव चत्वारो भवेयुः कुलभावनाः
Kimiyam purvameveha na datta mama galava
Putra mamaiva chatvaro bhaveyuh kulabhavanah
117.16
प्रतिगृह्णामि ते कन्यामेकपुत्रफलाय वै
अश्वाश्चाश्रममासाद्य तिष्ठन्तु मम सर्वशः
Pratigrihnami te kanyamekaputraphalaya vai
Ashvashchashramamasadya tishthantu mama sarvashah
117.17
स तया रममाणोऽथ विश्वामित्रो महाद्युतिः
आत्मजं जनयामास माधवीपुत्रमष्टकम्
Sa taya ramamanotha vishvamitro mahadyutih
Atmajam janayamasa madhaviputramashtakam
117.18
जातमात्रं सुतं तं च विश्वामित्रो महाद्युतिः
संयोज्यार्थैस्तथा धर्मैरश्वैस्तैः समयोजयत्
Jatamatram sutam tam cha vishvamitro mahadyutih
Sanyojyarthaistatha dharmairashvaistaih samayojayat
117.19
अथाष्टकः पुरं प्रायात्तदा सोमपुरप्रभम्
निर्यात्य कन्यां शिष्याय कौशिकोऽपि वनं ययौ
Athashtakah puram prayattada somapuraprabham
Niryatya kanyam shishyaya kaushikopi vanam yayau
117.20
गालवोऽपि सुपर्णेन सह निर्यात्य दक्षिणाम्
मनसाभिप्रतीतेन कन्यामिदमुवाच ह
Galavopi suparnena saha niryatya dakshinam
Manasabhipratitena kanyamidamuvacha ha
117.21
जातो दानपतिः पुत्रस्त्वया शूरस्तथापरः
सत्यधर्मरतश्चान्यो यज्वा चापि तथापरः
Jato danapatih putrastvaya shurastathaparah
Satyadharmaratashchanyo yajva chapi tathaparah
117.22
तदागच्छ वरारोहे तारितस्ते पिता सुतैः
चत्वारश्चैव राजानस्तथाहं च सुमध्यमे
Tadagachchha vararohe taritaste pita sutaih
Chatvarashchaiva rajanastathaham cha sumadhyame
117.23
गालवस्त्वभ्यनुज्ञाय सुपर्णं पन्नगाशनम्
पितुर्निर्यात्य तां कन्यां प्रययौ वनमेव ह
Galavastvabhyanugyaya suparnam pannagashanam
Piturniryatya tam kanyam prayayau vanameva ha