UtshovChapter 108
108.1
सुपर्ण उवाच
इयं दिग्दयिता राज्ञो वरुणस्य तु गोपतेः
सदा सलिलराजस्य प्रतिष्ठा चादिरेव च
Suparna uvacha
Iyam digdayita ragyo varunasya tu gopateh
Sada salilarajasya pratishtha chadireva cha
108.2
अत्र पश्चादहः सूर्यो विसर्जयति भाः स्वयम्
पश्चिमेत्यभिविख्याता दिगियं द्विजसत्तम
Atra pashchadahah suryo visarjayati bhah svayam
Pashchimetyabhivikhyata digiyam dvijasattama
108.3
यादसामत्र राज्येन सलिलस्य च गुप्तये
कश्यपो भगवान्देवो वरुणं स्माभ्यषेचयत्
Yadasamatra rajyena salilasya cha guptaye
Kashyapo bhagavandevo varunam smabhyashechayat
108.4
अत्र पीत्वा समस्तान्वै वरुणस्य रसांस्तु षट्
जायते तरुणः सोमः शुक्लस्यादौ तमिस्रहा
Atra pitva samastanvai varunasya rasanstu shat
Jayate tarunah somah shuklasyadau tamisraha
108.5
अत्र पश्चात्कृता दैत्या वायुना संयतास्तदा
निःश्वसन्तो महानागैरर्दिताः सुषुपुर्द्विज
Atra pashchatkrita daitya vayuna sanyatastada
Nihshvasanto mahanagairarditah sushupurdvija
108.6
अत्र सूर्यं प्रणयिनं प्रतिगृह्णाति पर्वतः
अस्तो नाम यतः संध्या पश्चिमा प्रतिसर्पति
Atra suryam pranayinam pratigrihnati parvatah
Asto nama yatah sandhya pashchima pratisarpati
108.7
अतो रात्रिश्च निद्रा च निर्गता दिवसक्षये
जायते जीवलोकस्य हर्तुमर्धमिवायुषः
Ato ratrishcha nidra cha nirgata divasakshaye
Jayate jivalokasya hartumardhamivayushah
108.8
अत्र देवीं दितिं सुप्तामात्मप्रसवधारिणीम्
विगर्भामकरोच्छक्रो यत्र जातो मरुद्गणः
Atra devim ditim suptamatmaprasavadharinim
Vigarbhamakarochchhakro yatra jato marudganah
108.9
अत्र मूलं हिमवतो मन्दरं याति शाश्वतम्
अपि वर्षसहस्रेण न चास्यान्तोऽधिगम्यते
Atra mulam himavato mandaram yati shashvatam
Api varshasahasrena na chasyantodhigamyate
108.10
अत्र काञ्चनशैलस्य काञ्चनाम्बुवहस्य च
उदधेस्तीरमासाद्य सुरभिः क्षरते पयः
Atra kanchanashailasya kanchanambuvahasya cha
Udadhestiramasadya surabhih ksharate payah
108.11
अत्र मध्ये समुद्रस्य कबन्धः प्रतिदृश्यते
स्वर्भानोः सूर्यकल्पस्य सोमसूर्यौ जिघांसतः
Atra madhye samudrasya kabandhah pratidrishyate
Svarbhanoh suryakalpasya somasuryau jighansatah
108.12
सुवर्णशिरसोऽप्यत्र हरिरोम्णः प्रगायतः
अदृश्यस्याप्रमेयस्य श्रूयते विपुलो ध्वनिः
Suvarnashirasopyatra hariromnah pragayatah
Adrishyasyaprameyasya shruyate vipulo dhvanih
108.13
अत्र ध्वजवती नाम कुमारी हरिमेधसः
आकाशे तिष्ठ तिष्ठेति तस्थौ सूर्यस्य शासनात्
Atra dhvajavati nama kumari harimedhasah
Akashe tishtha tishtheti tasthau suryasya shasanat
108.14
अत्र वायुस्तथा वह्निरापः खं चैव गालव
आह्निकं चैव नैशं च दुःखस्पर्शं विमुञ्चति
अतः प्रभृति सूर्यस्य तिर्यगावर्तते गतिः
Atra vayustatha vahnirapah kham chaiva galava
Ahnikam chaiva naisham cha duhkhasparsham vimunchati
Atah prabhriti suryasya tiryagavartate gatih
108.15
अत्र ज्योतींषि सर्वाणि विशन्त्यादित्यमण्डलम्
अष्टाविंशतिरात्रं च चङ्क्रम्य सह भानुना
निष्पतन्ति पुनः सूर्यात्सोमसंयोगयोगतः
Atra jyotinshi sarvani vishantyadityamandalam
Ashtavinshatiratram cha chankramya saha bhanuna
Nishpatanti punah suryatsomasanyogayogatah
108.16
अत्र नित्यं स्रवन्तीनां प्रभवः सागरोदयः
अत्र लोकत्रयस्यापस्तिष्ठन्ति वरुणाश्रयाः
Atra nityam sravantinam prabhavah sagarodayah
Atra lokatrayasyapastishthanti varunashrayah
108.17
अत्र पन्नगराजस्याप्यनन्तस्य निवेशनम्
अनादिनिधनस्यात्र विष्णोः स्थानमनुत्तमम्
Atra pannagarajasyapyanantasya niveshanam
Anadinidhanasyatra vishnoh sthanamanuttamam
108.18
अत्रानलसखस्यापि पवनस्य निवेशनम्
महर्षेः कश्यपस्यात्र मारीचस्य निवेशनम्
Atranalasakhasyapi pavanasya niveshanam
Maharsheh kashyapasyatra marichasya niveshanam
108.19
एष ते पश्चिमो मार्गो दिग्द्वारेण प्रकीर्तितः
ब्रूहि गालव गच्छावो बुद्धिः का द्विजसत्तम
Esha te pashchimo margo digdvarena prakirtitah
Bruhi galava gachchhavo buddhih ka dvijasattama