UtshovChapter 107
107.1
सुपर्ण उवाच
इयं विवस्वता पूर्वं श्रौतेन विधिना किल
गुरवे दक्षिणा दत्ता दक्षिणेत्युच्यतेऽथ दिक्
Suparna uvacha
Iyam vivasvata purvam shrautena vidhina kila
Gurave dakshina datta dakshinetyuchyatetha dik
107.2
अत्र लोकत्रयस्यास्य पितृपक्षः प्रतिष्ठितः
अत्रोष्मपानां देवानां निवासः श्रूयते द्विज
Atra lokatrayasyasya pitripakshah pratishthitah
Atroshmapanam devanam nivasah shruyate dvija
107.3
अत्र विश्वे सदा देवाः पितृभिः सार्धमासते
इज्यमानाः स्म लोकेषु संप्राप्तास्तुल्यभागताम्
Atra vishve sada devah pitribhih sardhamasate
Ijyamanah sma lokeshu sampraptastulyabhagatam
107.4
एतद्द्वितीयं धर्मस्य द्वारमाचक्षते द्विज
त्रुटिशो लवशश्चात्र गण्यते कालनिश्चयः
Etaddvitiyam dharmasya dvaramachakshate dvija
Trutisho lavashashchatra ganyate kalanishchayah
107.5
अत्र देवर्षयो नित्यं पितृलोकर्षयस्तथा
तथा राजर्षयः सर्वे निवसन्ति गतव्यथाः
Atra devarshayo nityam pitrilokarshayastatha
Tatha rajarshayah sarve nivasanti gatavyathah
107.6
अत्र धर्मश्च सत्यं च कर्म चात्र निशाम्यते
गतिरेषा द्विजश्रेष्ठ कर्मणात्मावसादिनः
Atra dharmashcha satyam cha karma chatra nishamyate
Gatiresha dvijashreshtha karmanatmavasadinah
107.7
एषा दिक्सा द्विजश्रेष्ठ यां सर्वः प्रतिपद्यते
वृता त्वनवबोधेन सुखं तेन न गम्यते
Esha diksa dvijashreshtha yam sarvah pratipadyate
Vrita tvanavabodhena sukham tena na gamyate
107.8
नैरृतानां सहस्राणि बहून्यत्र द्विजर्षभ
सृष्टानि प्रतिकूलानि द्रष्टव्यान्यकृतात्मभिः
Nairritanam sahasrani bahunyatra dvijarshabha
Srishtani pratikulani drashtavyanyakritatmabhih
107.9
अत्र मन्दरकुञ्जेषु विप्रर्षिसदनेषु च
गन्धर्वा गान्ति गाथा वै चित्तबुद्धिहरा द्विज
Atra mandarakunjeshu viprarshisadaneshu cha
Gandharva ganti gatha vai chittabuddhihara dvija
107.10
अत्र सामानि गाथाभिः श्रुत्वा गीतानि रैवतः
गतदारो गतामात्यो गतराज्यो वनं गतः
Atra samani gathabhih shrutva gitani raivatah
Gatadaro gatamatyo gatarajyo vanam gatah
107.11
अत्र सावर्णिना चैव यवक्रीतात्मजेन च
मर्यादा स्थापिता ब्रह्मन्यां सूर्यो नातिवर्तते
Atra savarnina chaiva yavakritatmajena cha
Maryada sthapita brahmanyam suryo nativartate
107.12
अत्र राक्षसराजेन पौलस्त्येन महात्मना
रावणेन तपश्चीर्त्वा सुरेभ्योऽमरता वृता
Atra rakshasarajena paulastyena mahatmana
Ravanena tapashchirtva surebhyomarata vrita
107.13
अत्र वृत्तेन वृत्रोऽपि शक्रशत्रुत्वमीयिवान्
अत्र सर्वासवः प्राप्ताः पुनर्गच्छन्ति पञ्चधा
Atra vrittena vritropi shakrashatrutvamiyivan
Atra sarvasavah praptah punargachchhanti panchadha
107.14
अत्र दुष्कृतकर्माणो नराः पच्यन्ति गालव
अत्र वैतरणी नाम नदी वितरणैर्वृता
अत्र गत्वा सुखस्यान्तं दुःखस्यान्तं प्रपद्यते
Atra dushkritakarmano narah pachyanti galava
Atra vaitarani nama nadi vitaranairvrita
Atra gatva sukhasyantam duhkhasyantam prapadyate
107.15
अत्रावृत्तो दिनकरः क्षरते सुरसं पयः
काष्ठां चासाद्य धानिष्ठां हिममुत्सृजते पुनः
Atravritto dinakarah ksharate surasam payah
Kashtham chasadya dhanishtham himamutsrijate punah
107.16
अत्राहं गालव पुरा क्षुधार्तः परिचिन्तयन्
लब्धवान्युध्यमानौ द्वौ बृहन्तौ गजकच्छपौ
Atraham galava pura kshudhartah parichintayan
Labdhavanyudhyamanau dvau brihantau gajakachchhapau
107.17
अत्र शक्रधनुर्नाम सूर्याज्जातो महानृषिः
विदुर्यं कपिलं देवं येनात्ताः सगरात्मजाः
Atra shakradhanurnama suryajjato mahanrishih
Viduryam kapilam devam yenattah sagaratmajah
107.18
अत्र सिद्धाः शिवा नाम ब्राह्मणा वेदपारगाः
अधीत्य सखिलान्वेदानालभन्ते यमक्षयम्
Atra siddhah shiva nama brahmana vedaparagah
Adhitya sakhilanvedanalabhante yamakshayam
107.19
अत्र भोगवती नाम पुरी वासुकिपालिता
तक्षकेण च नागेन तथैवैरावतेन च
Atra bhogavati nama puri vasukipalita
Takshakena cha nagena tathaivairavatena cha
107.20
अत्र निर्याणकालेषु तमः संप्राप्यते महत्
अभेद्यं भास्करेणापि स्वयं वा कृष्णवर्त्मना
Atra niryanakaleshu tamah samprapyate mahat
Abhedyam bhaskarenapi svayam va krishnavartmana
107.21
एष तस्यापि ते मार्गः परितापस्य गालव
ब्रूहि मे यदि गन्तव्यं प्रतीचीं शृणु वा मम
Esha tasyapi te margah paritapasya galava
Bruhi me yadi gantavyam pratichim shrinu va mama