UtshovChapter 106
106.1
सुपर्ण उवाच
अनुशिष्टोऽस्मि देवेन गालवाज्ञातयोनिना
ब्रूहि कामनुसंयामि द्रष्टुं प्रथमतो दिशम्
Suparna uvacha
Anushishtosmi devena galavagyatayonina
Bruhi kamanusanyami drashtum prathamato disham
106.2
पूर्वां वा दक्षिणां वाहमथ वा पश्चिमां दिशम्
उत्तरां वा द्विजश्रेष्ठ कुतो गच्छामि गालव
Purvam va dakshinam vahamatha va pashchimam disham
Uttaram va dvijashreshtha kuto gachchhami galava
106.3
यस्यामुदयते पूर्वं सर्वलोकप्रभावनः
सविता यत्र संध्यायां साध्यानां वर्तते तपः
Yasyamudayate purvam sarvalokaprabhavanah
Savita yatra sandhyayam sadhyanam vartate tapah
106.4
यस्यां पूर्वं मतिर्जाता यया व्याप्तमिदं जगत्
चक्षुषी यत्र धर्मस्य यत्र चैष प्रतिष्ठितः
Yasyam purvam matirjata yaya vyaptamidam jagat
Chakshushi yatra dharmasya yatra chaisha pratishthitah
106.5
हुतं यतोमुखैर्हव्यं सर्पते सर्वतोदिशम्
एतद्द्वारं द्विजश्रेष्ठ दिवसस्य तथाध्वनः
Hutam yatomukhairhavyam sarpate sarvatodisham
Etaddvaram dvijashreshtha divasasya tathadhvanah
106.6
यत्र पूर्वं प्रसूता वै दाक्षायण्यः प्रजाः स्त्रियः
यस्यां दिशि प्रवृद्धाश्च कश्यपस्यात्मसंभवाः
Yatra purvam prasuta vai dakshayanyah prajah striyah
Yasyam dishi pravriddhashcha kashyapasyatmasambhavah
106.7
यतोमूला सुराणां श्रीर्यत्र शक्रोऽभ्यषिच्यत
सुरराज्येन विप्रर्षे देवैश्चात्र तपश्चितम्
Yatomula suranam shriryatra shakrobhyashichyata
Surarajyena viprarshe devaishchatra tapashchitam
106.8
एतस्मात्कारणाद्ब्रह्मन्पूर्वेत्येषा दिगुच्यते
यस्मात्पूर्वतरे काले पूर्वमेषावृता सुरैः
Etasmatkaranadbrahmanpurvetyesha diguchyate
Yasmatpurvatare kale purvameshavrita suraih
106.9
अत एव च पूर्वेषां पूर्वामाशामवेक्षताम्
पूर्वकार्याणि कार्याणि दैवानि सुखमीप्सता
Ata eva cha purvesham purvamashamavekshatam
Purvakaryani karyani daivani sukhamipsata
106.10
अत्र वेदाञ्जगौ पूर्वं भगवाँल्लोकभावनः
अत्रैवोक्ता सवित्रासीत्सावित्री ब्रह्मवादिषु
Atra vedanjagau purvam bhagavanllokabhavanah
Atraivokta savitrasitsavitri brahmavadishu
106.11
अत्र दत्तानि सूर्येण यजूंषि द्विजसत्तम
अत्र लब्धवरैः सोमः सुरैः क्रतुषु पीयते
Atra dattani suryena yajunshi dvijasattama
Atra labdhavaraih somah suraih kratushu piyate
106.12
अत्र तृप्ता हुतवहाः स्वां योनिमुपभुञ्जते
अत्र पातालमाश्रित्य वरुणः श्रियमाप च
Atra tripta hutavahah svam yonimupabhunjate
Atra patalamashritya varunah shriyamapa cha
106.13
अत्र पूर्वं वसिष्ठस्य पौराणस्य द्विजर्षभ
सूतिश्चैव प्रतिष्ठा च निधनं च प्रकाशते
Atra purvam vasishthasya pauranasya dvijarshabha
Sutishchaiva pratishtha cha nidhanam cha prakashate
106.14
ओंकारस्यात्र जायन्ते सूतयो दशतीर्दश
पिबन्ति मुनयो यत्र हविर्धाने स्म सोमपाः
Onkarasyatra jayante sutayo dashatirdasha
Pibanti munayo yatra havirdhane sma somapah
106.15
प्रोक्षिता यत्र बहवो वराहाद्या मृगा वने
शक्रेण यत्र भागार्थे दैवतेषु प्रकल्पिताः
Prokshita yatra bahavo varahadya mriga vane
Shakrena yatra bhagarthe daivateshu prakalpitah
106.16
अत्राहिताः कृतघ्नाश्च मानुषाश्चासुराश्च ये
उदयंस्तान्हि सर्वान्वै क्रोधाद्धन्ति विभावसुः
Atrahitah kritaghnashcha manushashchasurashcha ye
Udayanstanhi sarvanvai krodhaddhanti vibhavasuh
106.17
एतद्द्वारं त्रिलोकस्य स्वर्गस्य च सुखस्य च
एष पूर्वो दिशाभागो विशावैनं यदीच्छसि
Etaddvaram trilokasya svargasya cha sukhasya cha
Esha purvo dishabhago vishavainam yadichchhasi
106.18
प्रियं कार्यं हि मे तस्य यस्यास्मि वचने स्थितः
ब्रूहि गालव यास्यामि शृणु चाप्यपरां दिशम्
Priyam karyam hi me tasya yasyasmi vachane sthitah
Bruhi galava yasyami shrinu chapyaparam disham