UtshovChapter 8
8.1
वैशंपायन उवाच
ततः केशान्समुत्क्षिप्य वेल्लिताग्राननिन्दितान्
जुगूह दक्षिणे पार्श्वे मृदूनसितलोचना
Vaishampayana uvacha
Tatah keshansamutkshipya vellitagrananinditan
Juguha dakshine parshve mridunasitalochana
8.2
वासश्च परिधायैकं कृष्णं सुमलिनं महत्
कृत्वा वेषं च सैरन्ध्र्याः कृष्णा व्यचरदार्तवत्
Vasashcha paridhayaikam krishnam sumalinam mahat
Kritva vesham cha sairandhryah krishna vyacharadartavat
8.3
तां नराः परिधावन्तीं स्त्रियश्च समुपाद्रवन्
अपृच्छंश्चैव तां दृष्ट्वा का त्वं किं च चिकीर्षसि
Tam narah paridhavantim striyashcha samupadravan
Aprichchhanshchaiva tam drishtva ka tvam kim cha chikirshasi
8.4
सा तानुवाच राजेन्द्र सैरन्ध्र्यहमुपागता
कर्म चेच्छामि वै कर्तुं तस्य यो मां पुपुक्षति
Sa tanuvacha rajendra sairandhryahamupagata
Karma chechchhami vai kartum tasya yo mam pupukshati
8.5
तस्या रूपेण वेषेण श्लक्ष्णया च तथा गिरा
नाश्रद्दधत तां दासीमन्नहेतोरुपस्थिताम्
Tasya rupena veshena shlakshnaya cha tatha gira
Nashraddadhata tam dasimannahetorupasthitam
8.6
विराटस्य तु कैकेयी भार्या परमसंमता
अवलोकयन्ती ददृशे प्रासादाद्द्रुपदात्मजाम्
Viratasya tu kaikeyi bharya paramasammata
Avalokayanti dadrishe prasadaddrupadatmajam
8.7
सा समीक्ष्य तथारूपामनाथामेकवाससम्
समाहूयाब्रवीद्भद्रे का त्वं किं च चिकीर्षसि
Sa samikshya tatharupamanathamekavasasam
Samahuyabravidbhadre ka tvam kim cha chikirshasi
8.8
सा तामुवाच राजेन्द्र सैरन्ध्र्यहमुपागता
कर्म चेच्छाम्यहं कर्तुं तस्य यो मां पुपुक्षति
Sa tamuvacha rajendra sairandhryahamupagata
Karma chechchhamyaham kartum tasya yo mam pupukshati
8.9
सुदेष्णोवाच
नैवंरूपा भवन्त्येवं यथा वदसि भामिनि
प्रेषयन्ति च वै दासीर्दासांश्चैवंविधान्बहून्
Sudeshnovacha
Naivanrupa bhavantyevam yatha vadasi bhamini
Preshayanti cha vai dasirdasanshchaivanvidhanbahun
8.10
गूढगुल्फा संहतोरुस्त्रिगम्भीरा षडुन्नता
रक्ता पञ्चसु रक्तेषु हंसगद्गदभाषिणी
Gudhagulpha sanhatorustrigambhira shadunnata
Rakta panchasu rakteshu hansagadgadabhashini
8.11
सुकेशी सुस्तनी श्यामा पीनश्रोणिपयोधरा
तेन तेनैव संपन्ना काश्मीरीव तुरंगमा
Sukeshi sustani shyama pinashronipayodhara
Tena tenaiva sampanna kashmiriva turangama
8.12
स्वरालपक्ष्मनयना बिम्बोष्ठी तनुमध्यमा
कम्बुग्रीवा गूढसिरा पूर्णचन्द्रनिभानना
Svaralapakshmanayana bimboshthi tanumadhyama
Kambugriva gudhasira purnachandranibhanana
8.13
का त्वं ब्रूहि यथा भद्रे नासि दासी कथंचन
यक्षी वा यदि वा देवी गन्धर्वी यदि वाप्सराः
Ka tvam bruhi yatha bhadre nasi dasi kathanchana
Yakshi va yadi va devi gandharvi yadi vapsarah
8.14
अलम्बुसा मिश्रकेशी पुण्डरीकाथ मालिनी
इन्द्राणी वारुणी वा त्वं त्वष्टुर्धातुः प्रजापतेः
देव्यो देवेषु विख्यातास्तासां त्वं कतमा शुभे
Alambusa mishrakeshi pundarikatha malini
Indrani varuni va tvam tvashturdhatuh prajapateh
Devyo deveshu vikhyatastasam tvam katama shubhe
8.15
द्रौपद्युवाच
नास्मि देवी न गन्धर्वी नासुरी न च राक्षसी
सैरन्ध्री तु भुजिष्यास्मि सत्यमेतद्ब्रवीमि ते
Draupadyuvacha
Nasmi devi na gandharvi nasuri na cha rakshasi
Sairandhri tu bhujishyasmi satyametadbravimi te
8.16
केशाञ्जानाम्यहं कर्तुं पिंषे साधु विलेपनम्
ग्रथयिष्ये विचित्राश्च स्रजः परमशोभनाः
Keshanjanamyaham kartum pinshe sadhu vilepanam
Grathayishye vichitrashcha srajah paramashobhanah
8.17
आराधयं सत्यभामां कृष्णस्य महिषीं प्रियाम्
कृष्णां च भार्यां पाण्डूनां कुरूणामेकसुन्दरीम्
Aradhayam satyabhamam krishnasya mahishim priyam
Krishnam cha bharyam pandunam kurunamekasundarim
8.18
तत्र तत्र चराम्येवं लभमाना सुशोभनम्
वासांसि यावच्च लभे तावत्तावद्रमे तथा
Tatra tatra charamyevam labhamana sushobhanam
Vasansi yavachcha labhe tavattavadrame tatha
8.19
मालिनीत्येव मे नाम स्वयं देवी चकार सा
साहमभ्यागता देवि सुदेष्णे त्वन्निवेशनम्
Malinityeva me nama svayam devi chakara sa
Sahamabhyagata devi sudeshne tvanniveshanam
8.20
सुदेष्णोवाच
मूर्ध्नि त्वां वासयेयं वै संशयो मे न विद्यते
नो चेदिह तु राजा त्वां गच्छेत्सर्वेण चेतसा
Sudeshnovacha
Murdhni tvam vasayeyam vai sanshayo me na vidyate
No chediha tu raja tvam gachchhetsarvena chetasa
8.21
स्त्रियो राजकुले पश्य याश्चेमा मम वेश्मनि
प्रसक्तास्त्वां निरीक्षन्ते पुमांसं कं न मोहयेः
Striyo rajakule pashya yashchema mama veshmani
Prasaktastvam nirikshante pumansam kam na mohayeh
8.22
वृक्षांश्चावस्थितान्पश्य य इमे मम वेश्मनि
तेऽपि त्वां संनमन्तीव पुमांसं कं न मोहयेः
Vrikshanshchavasthitanpashya ya ime mama veshmani
Tepi tvam sannamantiva pumansam kam na mohayeh
8.23
राजा विराटः सुश्रोणि दृष्ट्वा वपुरमानुषम्
विहाय मां वरारोहे त्वां गच्छेत्सर्वचेतसा
Raja viratah sushroni drishtva vapuramanusham
Vihaya mam vararohe tvam gachchhetsarvachetasa
8.24
यं हि त्वमनवद्याङ्गि नरमायतलोचने
प्रसक्तमभिवीक्षेथाः स कामवशगो भवेत्
Yam hi tvamanavadyangi naramayatalochane
Prasaktamabhivikshethah sa kamavashago bhavet
8.25
यश्च त्वां सततं पश्येत्पुरुषश्चारुहासिनि
एवं सर्वानवद्याङ्गि स चानङ्गवशो भवेत्
Yashcha tvam satatam pashyetpurushashcharuhasini
Evam sarvanavadyangi sa chanangavasho bhavet
8.26
यथा कर्कटकी गर्भमाधत्ते मृत्युमात्मनः
तथाविधमहं मन्ये वासं तव शुचिस्मिते
Yatha karkataki garbhamadhatte mrityumatmanah
Tathavidhamaham manye vasam tava shuchismite
8.27
द्रौपद्युवाच
नास्मि लभ्या विराटेन न चान्येन कथंचन
गन्धर्वाः पतयो मह्यं युवानः पञ्च भामिनि
Draupadyuvacha
Nasmi labhya viratena na chanyena kathanchana
Gandharvah patayo mahyam yuvanah pancha bhamini
8.28
पुत्रा गन्धर्वराजस्य महासत्त्वस्य कस्यचित्
रक्षन्ति ते च मां नित्यं दुःखाचारा तथा न्वहम्
Putra gandharvarajasya mahasattvasya kasyachit
Rakshanti te cha mam nityam duhkhachara tatha nvaham
8.29
यो मे न दद्यादुच्छिष्टं न च पादौ प्रधावयेत्
प्रीयेयुस्तेन वासेन गन्धर्वाः पतयो मम
Yo me na dadyaduchchhishtam na cha padau pradhavayet
Priyeyustena vasena gandharvah patayo mama
8.30
यो हि मां पुरुषो गृध्येद्यथान्याः प्राकृतस्त्रियः
तामेव स ततो रात्रिं प्रविशेदपरां तनुम्
Yo hi mam purusho gridhyedyathanyah prakritastriyah
Tameva sa tato ratrim pravishedaparam tanum
8.31
न चाप्यहं चालयितुं शक्या केनचिदङ्गने
दुःखशीला हि गन्धर्वास्ते च मे बलवत्तराः
Na chapyaham chalayitum shakya kenachidangane
Duhkhashila hi gandharvaste cha me balavattarah
8.32
सुदेष्णोवाच
एवं त्वां वासयिष्यामि यथा त्वं नन्दिनीच्छसि
न च पादौ न चोच्छिष्टं स्प्रक्ष्यसि त्वं कथंचन
Sudeshnovacha
Evam tvam vasayishyami yatha tvam nandinichchhasi
Na cha padau na chochchhishtam sprakshyasi tvam kathanchana
8.33
वैशंपायन उवाच
एवं कृष्णा विराटस्य भार्यया परिसान्त्विता
न चैनां वेद तत्रान्यस्तत्त्वेन जनमेजय
Vaishampayana uvacha
Evam krishna viratasya bharyaya parisantvita
Na chainam veda tatranyastattvena janamejaya