UtshovChapter 7
7.1
वैशंपायन उवाच
अथापरो भीमबलः श्रिया ज्वल;न्नुपाययौ सिंहविलासविक्रमः
खजं च दर्वीं च करेण धारय;न्नसिं च कालाङ्गमकोशमव्रणम्
Vaishampayana uvacha
Athaparo bhimabalah shriya jvala;nnupayayau sinhavilasavikramah
Khajam cha darvim cha karena dharaya;nnasim cha kalangamakoshamavranam
7.2
स सूदरूपः परमेण वर्चसा; रविर्यथा लोकमिमं प्रभासयन्
सुकृष्णवासा गिरिराजसारवा;न्स मत्स्यराजं समुपेत्य तस्थिवान्
Sa sudarupah paramena varchasa; raviryatha lokamimam prabhasayan
Sukrishnavasa girirajasarava;nsa matsyarajam samupetya tasthivan
7.3
तं प्रेक्ष्य राजा वरयन्नुपागतं; ततोऽब्रवीज्जानपदान्समागतान्
सिंहोन्नतांसोऽयमतीव रूपवा;न्प्रदृश्यते को नु नरर्षभो युवा
Tam prekshya raja varayannupagatam; tatobravijjanapadansamagatan
Sinhonnatansoyamativa rupava;npradrishyate ko nu nararshabho yuva
7.4
अदृष्टपूर्वः पुरुषो रविर्यथा; वितर्कयन्नास्य लभामि संपदम्
तथास्य चित्तं ह्यपि संवितर्कय;न्नरर्षभस्याद्य न यामि तत्त्वतः
Adrishtapurvah purusho raviryatha; vitarkayannasya labhami sampadam
Tathasya chittam hyapi sanvitarkaya;nnararshabhasyadya na yami tattvatah
7.5
ततो विराटं समुपेत्य पाण्डवः; सुदीनरूपो वचनं महामनाः
उवाच सूदोऽस्मि नरेन्द्र बल्लवो; भजस्व मां व्यञ्जनकारमुत्तमम्
Tato viratam samupetya pandavah; sudinarupo vachanam mahamanah
Uvacha sudosmi narendra ballavo; bhajasva mam vyanjanakaramuttamam
7.6
विराट उवाच
न सूदतां मानद श्रद्दधामि ते; सहस्रनेत्रप्रतिमो हि दृश्यसे
श्रिया च रूपेण च विक्रमेण च; प्रभासि तातानवरो नरेष्विह
Virata uvacha
Na sudatam manada shraddadhami te; sahasranetrapratimo hi drishyase
Shriya cha rupena cha vikramena cha; prabhasi tatanavaro nareshviha
7.7
भीम उवाच
नरेन्द्र सूदः परिचारकोऽस्मि ते; जानामि सूपान्प्रथमेन केवलान्
आस्वादिता ये नृपते पुराभव;न्युधिष्ठिरेणापि नृपेण सर्वशः
Bhima uvacha
Narendra sudah paricharakosmi te; janami supanprathamena kevalan
Asvadita ye nripate purabhava;nyudhishthirenapi nripena sarvashah
7.8
बलेन तुल्यश्च न विद्यते मया; नियुद्धशीलश्च सदैव पार्थिव
गजैश्च सिंहैश्च समेयिवानहं; सदा करिष्यामि तवानघ प्रियम्
Balena tulyashcha na vidyate maya; niyuddhashilashcha sadaiva parthiva
Gajaishcha sinhaishcha sameyivanaham; sada karishyami tavanagha priyam
7.9
विराट उवाच
ददामि ते हन्त वरं महानसे; तथा च कुर्याः कुशलं हि भाषसे
न चैव मन्ये तव कर्म तत्समं; समुद्रनेमिं पृथिवीं त्वमर्हसि
Virata uvacha
Dadami te hanta varam mahanase; tatha cha kuryah kushalam hi bhashase
Na chaiva manye tava karma tatsamam; samudranemim prithivim tvamarhasi
7.10
यथा हि कामस्तव तत्तथा कृतं; महानसे त्वं भव मे पुरस्कृतः
नराश्च ये तत्र ममोचिताः पुरा; भवस्व तेषामधिपो मया कृतः
Yatha hi kamastava tattatha kritam; mahanase tvam bhava me puraskritah
Narashcha ye tatra mamochitah pura; bhavasva teshamadhipo maya kritah
7.11
वैशंपायन उवाच
तथा स भीमो विहितो महानसे; विराटराज्ञो दयितोऽभवद्दृढम्
उवास राजन्न च तं पृथग्जनो; बुबोध तत्रानुचरश्च कश्चन
Vaishampayana uvacha
Tatha sa bhimo vihito mahanase; virataragyo dayitobhavaddridham
Uvasa rajanna cha tam prithagjano; bubodha tatranucharashcha kashchana